Beynəlxalq Birləşmiş Xor Heydər Əliyev Sarayında çıxış edib
© Photo : Russian Information and Culture Center
Abunə olmaq
Solist qismində Fatma Səfərzadə (soprano, Azərbaycan Dövlət Akademik Opera və Balet Teatrı) və Pavel Artyomov (tenor, Moskva Metropoliteninin Akademik Xoru) çıxış ediblər.
BAKI, 6 dekabr — Sputnik. Heydər Əliyev Sarayında böyük və təntənəli konsert təşkil olunub. Tamaşaçılar solistlər, xor və simfonik orkestr üçün K.Cenkinsin "Sülh duası" oratoriyasını dinləyiblər. Konsert Bakıdakı Rus evinin informasiya dəstəyi ilə təşkil olunub.
AZƏRTAC Rusiya İnformasiya və Mədəniyyət Mərkəzinə (RİMM) istinadla xəbər verir ki, D.İ.Mendeleyev adına Rusiya Kimya-Texnologiya Universitetinin (RKTU) mədəni təşəbbüsü olan Mendeleyev Xor Konqresinin Beynəlxalq Birləşmiş Xoru aşağıdakı tərkibdə çıxış edib:
Beynəlxalq Birləşmiş Xor Heydər Əliyev Sarayında çıxış edib
© Photo : Russian Information and Culture Center
Azərbaycanın Xalq Artisti Gülbacı İmanovanın rəhbərliyi altında Azərbaycan Dövlət Xor Kapellası;
Boris Tarakanovun rəhbərliyi altında D.İ.Mendeleyev adına RKTU-nun Akademik Böyük Xoru;
Rusiyanın Əməkdar artisti Tatyana Jdanovanın rəhbərliyi altında "Vozrojdenie" (Dirçəliş) Akademik Xoru;
Boris Tarakanovun rəhbərliyi altında Moskva Metropoliteninin Akademik Xoru;
Olqa Ostrovskayanın rəhbərliyi altında "Üvertüra" Kamera Xoru;
Kristina Əfəndiyevanın rəhbərliyi altında Bakı şəhərindəki Müqəddəs Arxangel Mixail Məbədinin Xoru.
Beynəlxalq Birləşmiş Xor Heydər Əliyev Sarayında çıxış edib
© Photo : Russian Information and Culture Center
Solist qismində Fatma Səfərzadə (soprano, Azərbaycan Dövlət Akademik Opera və Balet Teatrı) və Pavel Artyomov (tenor, Moskva Metropoliteninin Akademik Xoru) çıxış ediblər.
Konsertdə, həmçinin Azərbaycan Dövlət Akademik Opera və Balet Teatrının Simfonik Orkestri iştirak edib. Layihənin müəllifi və baş xormeysteri Boris Tarakanov, baş dirijoru isə professor Yalçın Adıgözəlov olub.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
