https://sputnik.az/20231205/2024-cu-ilin-dovlet-budcesi-sonuncu-oxunusda-qebul-edildi-461086171.html

2024-cü ilin dövlət büdcəsi sonuncu oxunuşda qəbul edildi

2024-cü ilin dövlət büdcəsi sonuncu oxunuşda qəbul edildi

Sputnik Azərbaycan

“2024-cü il üçün dövlət büdcəsi haqqında” qanun layihəsində dövlət büdcəsinin gəlirləri 34 milyard 173 milyon manat, xərcləri 36 milyard 763 milyon manat... 05.12.2023, Sputnik Azərbaycan

2023-12-05T12:03+0400

2023-12-05T12:03+0400

2023-12-05T12:05+0400

büdcə

azərbaycan xəbərləri

dövlət büdcəsi

milli məclis

qanun

qanun layihəsi

https://cdnn1.img.sputnik.az/img/41093/04/410930448_0:0:2000:1125_1920x0_80_0_0_15765d0f4375dd53c7509ac7fa1f85c8.jpg

BAKI, 5 dekabr - Sputnik. Milli Məclisin iclasında “Azərbaycan Respublikasının 2024-cü il dövlət büdcəsi haqqında” qanun layihəsi üçüncü oxunuşda müzakirəyə çıxarılıb. İqtisadi siyasət, sənaye və sahibkarlıq komitəsinin sədri Tahir Mirkişili bildirib ki, deputatlar sənədi konseptual baxımdan dəstəkləyərək, bir sıra təkliflər səsləndiriblər. Təqdim olunan makroçərçivənin iqtisadi imkanlara uyğun olduğunu, dövlət qarşısında duran çağırışlara cavab vermək üçün lazımi maliyyə imkanının yaradılacağını qeyd ediblər. Komitə sədri diqqətə çatdırıb ki, “2024-cü il üçün dövlət büdcəsi haqqında” qanun layihəsində dövlət büdcəsinin gəlirləri 34 milyard 173 milyon manat, xərcləri 36 milyard 763 milyon manat nəzərdə tutulub. Növbəti ildə neftin 1 barelinin orta illik qiymətinin baza ssenarisi əsasında 60 ABŞ dolları olacağı, ümumi daxili məhsulun (ÜDM) real artım tempinin 2,4%, qeyri-neft-qaz sektoru üzrə ÜDM-in real artım tempinin 4,6%, inflyasiyanın orta illik göstəricisinin 5,3%, orta aylıq əməkhaqqının 980 manat olacağı proqnozlaşdırılır. Qeyd edilib ki, dövlət büdcəsinin qeyri-neft-qaz sektoru üzrə vergi və gömrük orqanlarının vasitəsi ilə təmin olunan gəlirlərinin proqnozu 15,8 milyard manat nəzərdə tutulub. Gəlirlərin 49,8 %-i qeyri-neft-qaz sektorundan, 50,2 %-i isə neft sektorundan gələn gəlirlər hesabına formalaşacaq. Bildirilib ki, büdcə layihəsində sosialyönümlü xərclər 1 milyard 34,5 milyon manat artırılaraq, 15 milyard 772,9 milyon manata və ya dövlət büdcə xərclərinin 42,9 %-nə çatdırılıb. İşğaldan azad olunmuş ərazilərin bərpası və əhalinin məskunlaşmasına şəraitin yaradılması üçün 4 milyard manat vəsaitin ayrılması planlaşdırılır. Ölkənin müdafiə potensialının gücləndirilməsi, silahlı qüvvələrin maddi-texniki təminatının daha da yaxşılaşdırılması və hüquq-mühafizə orqanları üçün ayrılan xərclərin 9 milyard 377,7 milyon manata, təhsil xərclərinin 4 milyard 549,9 milyon manata, səhiyyə xərclərinin 1 milyard 871 milyon manata çatdırılması nəzərdə tutulub. Əməyin ödənişi xərcləri 9 milyard 7,2 milyon manat təşkil edəcək. Ərzaq təhlükəsizliyi tədbirləri üçün 502,9 milyon manat, su ehtiyatları və su idarəedilməsi üçün 507,1 milyon manat, məqsədli kənd təsərrüfatı tədbirləri üçün 546,2 milyon manat vəsaitin ayrılması planlaşdırılır. Müzakirələrin sonunda “Azərbaycan Respublikasının 2024-cü il dövlət büdcəsi haqqında” qanun layihəsi üçüncü oxunuşda qəbul edilib.

2023

xəbərlər

ru_AZ

büdcə, инфографика, dövlət büdcəsi, milli məclis, qanun, qanun layihəsi