https://sputnik.az/20231129/xezerin-o-tayinda-qizilca-epidemiyasi-qazaxistan-karantin-tetbiq-etmeyi-planlasdirmir-460932628.html
Xəzərin o tayında qızılca epidemiyası: Qazaxıstan karantin tətbiq etməyi planlaşdırmır
Xəzərin o tayında qızılca epidemiyası: Qazaxıstan karantin tətbiq etməyi planlaşdırmır
Sputnik Azərbaycan
İlin əvvəlindən Qazaxıstanda 17,7 min nəfər xəstələnib ki, onların da 82 faizi uşaqlardır. 29.11.2023, Sputnik Azərbaycan
2023-11-29T11:15+0400
2023-11-29T11:15+0400
2023-11-29T11:15+0400
səhiyyə
qızılca
qazaxıstan
peyvənd
https://cdnn1.img.sputnik.az/img/07e7/0b/17/460816557_0:31:2121:1224_1920x0_80_0_0_7e0ac3dd98a0dc4879b5d6ca5a51f99d.jpg
BAKI, 29 noyabr — Sputnik. Qazaxıstan hökuməti ölkədə qızılca epidemiyası ilə bağlı hər hansı məhdudlaşdırıcı tədbir tətbiq etməyi planlaşdırmır. Bunu Qazaxıstan Səhiyyə Nazirliyinin Sanitariya və Epidemioloji Nəzarət Komitəsinin sədr müavini Zaure Axmetova brifinqdə deyib. "Ancaq hər hansı kollektivdə xəstələnmə halları artarsa və peyvənd olunmayanların sayı normadan artıqdırsa (10%), tədbir məhz bu təşkilatda həyata keçiriləcək" - "Sputnik Qazaxıstan" Axmetovanın sözlərindən sitat gətirib. Qeyd olunub ki, ilin əvvəlindən 17,7 min xəstə arasında 82% -dən çox və ya 14 465 hadisə uşaqların payına düşüb. Bunlardan 83%-i peyvənd olunmayıb. Xəstə uşaqların 60%-i valideynlərin imtinası səbəbindən peyvənd almayıb, qalan uşaqlar isə peyvənd yaşına çatmayıblar və ya tibbi güzəştlərə malik deyillər. Zaure Axmetovanın sözlərinə görə, Qazaxıstanda Hindistanda istehsal olunan qızılca əleyhinə peyvəndlərin kifayət qədər dozası var. O əlavə edib ki, ÜST tərəfindən yenidən kvalifikasiyadan keçmiş bu peyvənd ölkədə 2012-ci ildən tətbiq edilir və effektivliyini sübuta yetirə bilib. Noyabr ayından qızılcaya yoluxma halları ilə bağlı epidemioloji vəziyyəti sabitləşdirmək məqsədilə uşaqların əlavə kütləvi immunizasiyasının aparılması qərara alınıb. Noyabrda Qazaxıstana 500 min doza çatdırılıb, dekabrda isə daha bir milyon dozanın çatdırılacağı gözlənilir. Yerli Səhiyyə Nazirliyinin məlumatına görə, hazırda ölkədə 3,5 mindən çox xəstəxana çarpayısı var və 2375 uşaq xəstəxanalardadır. Ən çox yoluxmuş insan Çimkənddə qeydə alınıb - 3 mindən çox hal. Xəstəxanaya yerləşdirilənlərdən 30-nun vəziyyəti ağır olaraq reanimasiyadadır. İdarədən bildirilib ki, uşaqların mütəşəkkil kollektivlərdə toplanması ilə əlaqədar 2023-cü ilin sentyabr ayından etibarən xəstələnmə hallarında kəskin artım müşahidə olunub. Bundan əlavə, Petropavlovskda hərbi institutun kursantları arasında qızılca xəstəliyi qeydə alınıb. Belə ki, Milli Qvardiya Akademiyasının 25 kursantı yerli şəhər xəstəxanasında müalicə olunur, onlar xəstəliyi yüngül və orta ağır keçirirlər. Hazırda yoluxanlar arasında ölüm halı qeydə alınmayıb. Azərbaycanda qızılca Bu günə kimi Azərbaycanda 284 qızılcaya yoluxma halı qeydə alınıb. Onların yalnız 12 faizi böyüklər və yaşlılar arasındadır. İdarədən qeyd ediblər ki, xaricdən gətirilən qızılcaya yoluxma halları ilə bağlı xəstəliyin sporadik ocaqları qeydə alınıb. Epidemioloji təhlillər göstərir ki, infeksiyanın əsas səbəbi peyvənddən yayınmadır. Belə ki, yoluxmuş xəstələrin 95%-i Milli Profilaktik Peyvənd Təqviminə uyğun olaraq peyvənd olunmamış uşaqlardır. Xatırladaq ki, 2015-ci ildən Ümumdünya Səhiyyə Təşkilatı Azərbaycanı rəsmi olaraq qızılca və məxmərək kimi xəstəliklərdən azad ölkə elan edib (ölkədə endemik hal qeydə alınmayıb).
Sputnik Azərbaycan
media@sputniknews.com
+74956456601
MIA „Rosiya Segodnya“
2023
Sputnik Azərbaycan
media@sputniknews.com
+74956456601
MIA „Rosiya Segodnya“
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rosiya Segodnya“
Sputnik Azərbaycan
media@sputniknews.com
+74956456601
MIA „Rosiya Segodnya“
qızılca, qazaxıstan, peyvənd
qızılca, qazaxıstan, peyvənd
Xəzərin o tayında qızılca epidemiyası: Qazaxıstan karantin tətbiq etməyi planlaşdırmır
İlin əvvəlindən Qazaxıstanda 17,7 min nəfər xəstələnib ki, onların da 82 faizi uşaqlardır.
BAKI, 29 noyabr — Sputnik. Qazaxıstan hökuməti ölkədə qızılca epidemiyası ilə bağlı hər hansı məhdudlaşdırıcı tədbir tətbiq etməyi planlaşdırmır.
Bunu Qazaxıstan Səhiyyə Nazirliyinin Sanitariya və Epidemioloji Nəzarət Komitəsinin sədr müavini Zaure Axmetova brifinqdə deyib.
"Ancaq hər hansı kollektivdə xəstələnmə halları artarsa və peyvənd olunmayanların sayı normadan artıqdırsa (10%), tədbir məhz bu təşkilatda həyata keçiriləcək" - "Sputnik Qazaxıstan" Axmetovanın sözlərindən sitat gətirib.
Qeyd olunub ki, ilin əvvəlindən 17,7 min xəstə arasında 82% -dən çox və ya 14 465 hadisə uşaqların payına düşüb. Bunlardan 83%-i peyvənd olunmayıb. Xəstə uşaqların 60%-i valideynlərin imtinası səbəbindən peyvənd almayıb, qalan uşaqlar isə peyvənd yaşına çatmayıblar və ya tibbi güzəştlərə malik deyillər.
Zaure Axmetovanın sözlərinə görə, Qazaxıstanda Hindistanda istehsal olunan qızılca əleyhinə peyvəndlərin kifayət qədər dozası var. O əlavə edib ki, ÜST tərəfindən yenidən kvalifikasiyadan keçmiş bu peyvənd ölkədə 2012-ci ildən tətbiq edilir və effektivliyini sübuta yetirə bilib. Noyabr ayından qızılcaya yoluxma halları ilə bağlı epidemioloji vəziyyəti sabitləşdirmək məqsədilə uşaqların əlavə kütləvi immunizasiyasının aparılması qərara alınıb.
Noyabrda Qazaxıstana 500 min doza çatdırılıb, dekabrda isə daha bir milyon dozanın çatdırılacağı gözlənilir.
Yerli Səhiyyə Nazirliyinin məlumatına görə, hazırda ölkədə 3,5 mindən çox xəstəxana çarpayısı var və 2375 uşaq xəstəxanalardadır. Ən çox yoluxmuş insan Çimkənddə qeydə alınıb - 3 mindən çox hal. Xəstəxanaya yerləşdirilənlərdən 30-nun vəziyyəti ağır olaraq reanimasiyadadır. İdarədən bildirilib ki, uşaqların mütəşəkkil kollektivlərdə toplanması ilə əlaqədar 2023-cü ilin sentyabr ayından etibarən xəstələnmə hallarında kəskin artım müşahidə olunub.
Bundan əlavə, Petropavlovskda hərbi institutun kursantları arasında qızılca xəstəliyi qeydə alınıb. Belə ki, Milli Qvardiya Akademiyasının 25 kursantı yerli şəhər xəstəxanasında müalicə olunur, onlar xəstəliyi yüngül və orta ağır keçirirlər.
Hazırda yoluxanlar arasında ölüm halı qeydə alınmayıb.
Bu günə kimi Azərbaycanda 284 qızılcaya yoluxma halı qeydə alınıb. Onların yalnız 12 faizi böyüklər və yaşlılar arasındadır.
İdarədən qeyd ediblər ki, xaricdən gətirilən qızılcaya yoluxma halları ilə bağlı xəstəliyin sporadik ocaqları qeydə alınıb. Epidemioloji təhlillər göstərir ki, infeksiyanın əsas səbəbi peyvənddən yayınmadır. Belə ki, yoluxmuş xəstələrin 95%-i Milli Profilaktik Peyvənd Təqviminə uyğun olaraq peyvənd olunmamış uşaqlardır.
Xatırladaq ki, 2015-ci ildən Ümumdünya Səhiyyə Təşkilatı Azərbaycanı rəsmi olaraq qızılca və məxmərək kimi xəstəliklərdən azad ölkə elan edib (ölkədə endemik hal qeydə alınmayıb).
