https://sputnik.az/20231107/qezzaya-nuve-bombasi-atilmasi-ile-bagli-sozler-qebuledilmezdir---bee-xn-460301347.html

Qəzzaya nüvə bombası atılması ilə bağlı sözlər qəbuledilməzdir - BƏƏ XİN

Qəzzaya nüvə bombası atılması ilə bağlı sözlər qəbuledilməzdir - BƏƏ XİN

Sputnik Azərbaycan

Bundan əvvəl israilli nazirin sözləri Ərəb Dövlətləri Liqası, eləcə də bir sıra ərəb və qeyri-ərəb ölkələri tərəfindən pislənib. 07.11.2023, Sputnik Azərbaycan

2023-11-07T01:19+0400

2023-11-07T01:19+0400

2023-11-07T01:19+0400

qəzza

dünya xəbərləri

rusiya xin

rusiya xarici işlər nazirliyi

fələstin

israil

ərəb dövlətləri liqası

bəə

xin

https://cdnn1.img.sputnik.az/img/07e7/0a/0b/459500231_0:161:3070:1888_1920x0_80_0_0_7485a3cc30a4fb9fbe08bc12579ee5bd.jpg

BAKI, 7 noyabr — Sputnik. Birləşmiş Ərəb Əmirlikləri (BƏƏ) İsrailin Qüds və İrs məsələləri üzrə naziri Amixay Eliyahunun Qəzza zolağında nüvə silahından istifadə ehtimalı ilə bağlı sözlərini qəbuledilməz adlandırıb. "BƏƏ İsrailin irs naziri Amixay Eliyahunun Qəzza zolağına nüvə bombası atmaq istəməsi ilə bağlı rüsvayçı və qəbuledilməz bəyanatlarını qətiyyətlə pisləyir. Bu cür bəyanatlar beynəlxalq hüququ pozur və müharibə cinayətlərinin və törədilməsinə təhrik edir və onlar həmçinin ciddi narahatlıq doğurur", - nazirlik qeyd edib. Bundan əvvəl israilli nazirin sözləri Ərəb Dövlətləri Liqası, eləcə də bir sıra ərəb və qeyri-ərəb ölkələri tərəfindən pislənib. Venesuela onun bəyanatı ilə bağlı BMT iclasının çağırılmasını tələb edib. Fələstinin HƏMAS hərəkatının hərbi qanadının elan etdiyi "Əl-Əqsa tufanı" əməliyyatı çərçivəsində oktyabrın 7-də İsrail Qəzza zolağından görünməmiş miqyaslı raket hücumuna məruz qalıb. Bundan sonra təşkilatın döyüşçüləri İsrailin cənubundakı sərhəd bölgələrinə daxil olub, burada həm hərbçilərə, həm də mülki şəxslərə atəş açıb, həmçinin 200-dən çox insanı girov götürüb. İsrail yerli hakimiyyət orqanlarının məlumatına görə, 1,4 mindən çox insan, o cümlədən 300 hərbçi həlak olub, 5 mindən çoxu yaralanıb. Buna cavab olaraq İsrail Müdafiə Qüvvələri Qəzza zolağında HƏMAS-a qarşı "Dəmir Qılınclar" əməliyyatına başlayıb. Bir neçə gün ərzində İsrail hərbçiləri Qəzza ilə sərhədə yaxın bütün əraziləri nəzarətə götürüb və hədəflərə, o cümlədən mülki şəxslərə hava zərbələri endirməyə başlayıb. Qəzza zolağında qurbanların sayı 9,7 min nəfəri keçib, 24,8 mindən çoxu yaralanıb. Rusiya səfirliyi münaqişənin kəskinləşməsi zamanı 20 rusiyalının öldürüldüyünü, ikisinin girov götürüldüyünü, yeddi nəfərin itkin düşdüyünü bildirib. Müxtəlif mənbələrə görə, təxminən 150 israilli HƏMAS-ın əsirliyində ola bilər. Hərəkat özü bildirib ki, Qəzza zolağında təxminən 200-250 məhbus var. Rusiya Xarici İşlər Nazirliyi tərəfləri hərbi əməliyyatları dayandırmağa çağırıb. Rusiya prezidenti Vladimir Putinin fikrincə, Yaxın Şərq böhranının həlli yalnız BMT Təhlükəsizlik Şurası tərəfindən təsdiq edilmiş və Fələstin daxilində müstəqil Fələstin dövlətinin yaradılmasını nəzərdə tutan "iki dövlət" formuluna əsasən mümkündür. Tərəflərin ərazi maraqları ilə bağlı Fələstin-İsrail münaqişəsi uzun onilliklər ərzində regionda gərginlik və döyüş mənbəyi olub.

2023

xəbərlər

ru_AZ

qəzza, rusiya xin, rusiya xarici işlər nazirliyi, fələstin, israil, ərəb dövlətləri liqası, bəə, xin