https://sputnik.az/20231106/abs-dovlet-katibi-ankarada-layiq-oldugu-formada-qarsilanib-460301671.html

ABŞ Dövlət katibi Ankarada “layiq olduğu formada” qarşılanıb

ABŞ Dövlət katibi Ankarada “layiq olduğu formada” qarşılanıb

Sputnik Azərbaycan

Hava limanının işıqları söndürülüb və zəif işıqların fonunda ABŞ-ın Türkiyədəki səfiri A.Blinkenə çıxışın yolunu göstərib. 06.11.2023, Sputnik Azərbaycan

2023-11-06T14:28+0400

2023-11-06T14:28+0400

2023-11-06T14:40+0400

antoni blinken

dünya xəbərləri

qəzza

qəzza zolağı

həmas

türkiyə

rusiya

rusiya prezidenti vladimir putin

bmt

https://cdnn1.img.sputnik.az/img/07e5/0b/0b/435090139_0:0:2985:1680_1920x0_80_0_0_388aa9d4cf00f4813343700f61f912ff.jpg

BAKI, 6 noyabr — Sputnik. ABŞ dövlət katibi Antoni Blinkenin Ankaraya səfəri ilə əlaqədar bir sıra gənc fəallar Türkiyə Xarici İşlər Nazirliyinin qarşısında etiraz aksiyası keçiriblər.“Aydınlık” qəzetinin məlumatına görə, onlar müxtəlif şüarlar səsləndirib, Fələstin bayraqlarını dalğalandırıblar. "ABŞ dövlət katibi Antoni Blinkenə Xarici İşlər Nazirliyinin binası qarşısında "soyuq duş” verilib. Türkiyə Gənclər Birliyi (TGB) Blinkeni Fələstin bayraqları və “Qatil Blinken, Türkiyədən get!” şüarları ilə qarşılayıb" - qəzetin sosial şəbəkədəki səhifəsi yazıb.Türkiyənin xarici işlər naziri Hakan Fidan bazar ertəsi Ankarada ABŞ dövlət katibi Antoni Blinkenlə görüş keçirib, danışıqların əsas mövzusu Qəzzadakı vəziyyət olub.***ABŞ Dövlət katibi Antoni Blinkenin Ankaraya səfəri Türkiyə mətbuatında çox geniş müzakirə olunan mövzuya çevrilib. Yaxın Şərqdə baş verən silahlı toqquşmaya müxtəlif mövqelərdən yanaşan Ankara ilə Vaşinqton arasında ciddi ziddiyyət yaranıb. Bu səbəbdən ABŞ rəsmisi Ankara hava limanında olduqca soyuq qarşılanıb. Hava limanında A. Blinkeni Ankara şəhər valisinin müavini qarşılayıb. Bununla yanaşı, hava limanının işıqları söndürülüb və zəif işıqların fonunda ABŞ-ın Türkiyədəki səfiri A.Blinkenə çıxışın yolunu göstərib. Türkiyə mətbuatı yazır ki, A.Blinken "layiq olduğu formada" qarşılanıb. Xatırladaq ki, Fələstinin HƏMAS hərəkatının hərbi qanadının elan etdiyi Əl-Əqsa tufanı əməliyyatı çərçivəsində oktyabrın 7-də İsrail Qəzza zolağından görünməmiş miqyaslı raket hücumuna məruz qalıb. Bundan sonra təşkilatın döyüşçüləri İsrailin cənubundakı sərhəd bölgələrinə soxulub. Buna cavab olaraq İsrail Müdafiə Qüvvələri Qəzza zolağında HƏMAS-a qarşı Dəmir Qılınclar əməliyyatına başlayıb. Bir neçə gün ərzində İsrail hərbçiləri Qəzza ilə sərhədə yaxın bütün məskunlaşan əraziləri nəzarətə götürüb və zolağındakı hədəflərə, o cümlədən mülki şəxslərə hava zərbələri endirməyə başlayıb. İsrail həmçinin Qəzza zolağının tam blokadaya alındığını elan edib: Su, ərzaq, elektrik enerjisi, dərman və yanacağın verilməsi dayandırılıb. Rusiya Xarici İşlər Nazirliyi tərəfləri hərbi əməliyyatları dayandırmağa çağırıb. Rusiya prezidenti Vladimir Putinin mövqeyinə görə, Yaxın Şərq böhranının həlli yalnız BMT Təhlükəsizlik Şurası tərəfindən təsdiq edilmiş və Fələstin daxilində müstəqil Fələstin dövlətinin yaradılmasını nəzərdə tutan “iki dövlət” formuluna əsasən mümkündür. 1967-ci ildə paytaxtı Şərqi Qüdslə həmsərhəddir. Tərəflərin ərazi maraqları ilə bağlı Fələstin-İsrail münaqişəsi uzun onilliklər ərzində regionda gərginlik və döyüş mənbəyi olub. 1947-ci ildə SSRİ-nin fəal rolu ilə BMT-nin qərarı iki dövlətin - İsrail və Fələstinin yaradılmasını müəyyən edib, lakin yalnız İsrail dövləti yaradılıb.

2023

xəbərlər

ru_AZ

antoni blinken, qəzza, qəzza zolağı, həmas, türkiyə, rusiya, rusiya prezidenti vladimir putin, bmt