https://sputnik.az/20231104/erdogan-netanyahunun-ustunden-xett-cekdik-460258759.html
Ərdoğan: "Netanyahunun üstündən xətt çəkdik"
Ərdoğan: "Netanyahunun üstündən xətt çəkdik"
Sputnik Azərbaycan
Türkiyə lideri: "Milli Kəşfiyyat Təşkilatımızın rəhbəri İbrahim Kalın İsrail tərəfi ilə əlaqə saxlayır". 04.11.2023, Sputnik Azərbaycan
2023-11-04T15:20+0400
2023-11-04T15:20+0400
2023-11-04T15:20+0400
rəcəb tayyip ərdoğan
dünya xəbərləri
ssri
israil
benyamin netanyahu
fələstin
həmas
https://cdnn1.img.sputnik.az/img/07e7/06/03/455562454_0:615:2048:1767_1920x0_80_0_0_acaa3ab34b7d035919f82bda4b103eff.jpg
BAKI, 4 noyabr — Sputnik. İsrailin Qəzza zolağındakı hərəkətlərindən sonra Yəhudi Dövlətinin baş naziri Benyamin Netanyahunu özümə tərəfmüqabili kimi qəbul etmirəm. Bunu Türkiyə prezidenti Rəcəb Tayyib Ərdoğan bildirib. "Hazırda onunla heç bir əlaqəm yoxdur. Milli Kəşfiyyat Təşkilatımızın rəhbəri İbrahim Kalın İsrail tərəfi ilə əlaqə saxlayır. Təbii ki, Fələstin və HƏMAS ilə də əlaqə saxlayır. Bunu deyəcəyəm: Netanyahu artıq bizim üçün həmsöhbət kimi qəbul oluna bilən şəxs deyil. Onun üstündən xətt çəkdik", – o, Qazaxıstandan qayıdarkən təyyarədə türkiyəli jurnalistlərə müsahibəsində deyib. Fələstinin HƏMAS hərəkatının hərbi qanadının elan etdiyi Əl-Əqsa tufanı əməliyyatı çərçivəsində oktyabrın 7-də İsrail Qəzza zolağından görünməmiş miqyaslı raket hücumuna məruz qalıb. Bundan sonra təşkilatın döyüşçüləri İsrailin cənubundakı sərhəd bölgələrinə daxil olub, burada həm hərbçilərə, həm də mülki şəxslərə atəş açıb, həmçinin girov götürüblər. İsraildə yerli hakimiyyət orqanlarının məlumatına görə, 1,4 mindən çox insan, o cümlədən 300 hərbçi həlak olub, 5 mindən çoxu yaralanıb. Buna cavab olaraq İsrail Müdafiə Qüvvələri Qəzza zolağında HƏMAS-a qarşı "Dəmir Qılınclar" əməliyyatına başlayıb. Bir neçə gün ərzində İsrail hərbçiləri Qəzza ilə sərhədə yaxın bütün məskunlaşmış əraziləri nəzarətə götürüb və zolağındakı hədəflərə, o cümlədən mülki şəxslərə hava zərbələri endirməyə başlayıb. İsrail həmçinin Qəzza zolağının tam blokadaya alındığını elan etdi: su, qida, elektrik, dərman və yanacaq tədarükü dayandırıldı. Qəzza zolağında qurbanların sayı, yerli Səhiyyə Nazirliyinin məlumatına görə, 8 mini keçib, 18 mindən çox yaralı var. Müxtəlif mənbələrə görə, 200-dən çox israilli HƏMAS-ın əsirliyindədir. Rusiya Xarici İşlər Nazirliyi tərəfləri hərbi əməliyyatları dayandırmağa çağırıb. Rusiya prezidenti Vladimir Putin Yaxın Şərq böhranının həllinin BMT Təhlükəsizlik Şurası tərəfindən təsdiq edilmiş və Fələstin daxilində müstəqil Fələstin dövlətinin yaradılmasını nəzərdə tutan "iki dövlət" formuluna əsasən mümkün olduğunu bildirib. Tərəflərin ərazi maraqları ilə bağlı Fələstin-İsrail münaqişəsi uzun onilliklər ərzində regionda gərginlik və döyüş mənbəyi olub. 1947-ci ildə SSRİ-nin fəal rolu ilə BMT-nin qərarı iki dövlətin - İsrail və Fələstinin yaradılmasını müəyyən edib, lakin yalnız İsrail dövləti yaradılıb.
Sputnik Azərbaycan
media@sputniknews.com
+74956456601
MIA „Rosiya Segodnya“
2023
Sputnik Azərbaycan
media@sputniknews.com
+74956456601
MIA „Rosiya Segodnya“
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rosiya Segodnya“
Sputnik Azərbaycan
media@sputniknews.com
+74956456601
MIA „Rosiya Segodnya“
rəcəb tayyip ərdoğan, ssri, israil, benyamin netanyahu, fələstin, həmas
rəcəb tayyip ərdoğan, ssri, israil, benyamin netanyahu, fələstin, həmas
Ərdoğan: "Netanyahunun üstündən xətt çəkdik"
Türkiyə lideri: "Milli Kəşfiyyat Təşkilatımızın rəhbəri İbrahim Kalın İsrail tərəfi ilə əlaqə saxlayır".
BAKI, 4 noyabr — Sputnik. İsrailin Qəzza zolağındakı hərəkətlərindən sonra Yəhudi Dövlətinin baş naziri Benyamin Netanyahunu özümə tərəfmüqabili kimi qəbul etmirəm. Bunu Türkiyə prezidenti Rəcəb Tayyib Ərdoğan bildirib.
"Hazırda onunla heç bir əlaqəm yoxdur. Milli Kəşfiyyat Təşkilatımızın rəhbəri İbrahim Kalın İsrail tərəfi ilə əlaqə saxlayır. Təbii ki, Fələstin və HƏMAS ilə də əlaqə saxlayır. Bunu deyəcəyəm: Netanyahu artıq bizim üçün həmsöhbət kimi qəbul oluna bilən şəxs deyil. Onun üstündən xətt çəkdik", – o, Qazaxıstandan qayıdarkən təyyarədə türkiyəli jurnalistlərə müsahibəsində deyib.
Fələstinin HƏMAS hərəkatının hərbi qanadının elan etdiyi Əl-Əqsa tufanı əməliyyatı çərçivəsində oktyabrın 7-də İsrail Qəzza zolağından görünməmiş miqyaslı raket hücumuna məruz qalıb. Bundan sonra təşkilatın döyüşçüləri İsrailin cənubundakı sərhəd bölgələrinə daxil olub, burada həm hərbçilərə, həm də mülki şəxslərə atəş açıb, həmçinin girov götürüblər. İsraildə yerli hakimiyyət orqanlarının məlumatına görə, 1,4 mindən çox insan, o cümlədən 300 hərbçi həlak olub, 5 mindən çoxu yaralanıb.
Buna cavab olaraq İsrail Müdafiə Qüvvələri Qəzza zolağında HƏMAS-a qarşı "Dəmir Qılınclar" əməliyyatına başlayıb. Bir neçə gün ərzində İsrail hərbçiləri Qəzza ilə sərhədə yaxın bütün məskunlaşmış əraziləri nəzarətə götürüb və zolağındakı hədəflərə, o cümlədən mülki şəxslərə hava zərbələri endirməyə başlayıb. İsrail həmçinin Qəzza zolağının tam blokadaya alındığını elan etdi: su, qida, elektrik, dərman və yanacaq tədarükü dayandırıldı.
Qəzza zolağında qurbanların sayı, yerli Səhiyyə Nazirliyinin məlumatına görə, 8 mini keçib, 18 mindən çox yaralı var. Müxtəlif mənbələrə görə, 200-dən çox israilli HƏMAS-ın əsirliyindədir.
Rusiya Xarici İşlər Nazirliyi tərəfləri hərbi əməliyyatları dayandırmağa çağırıb. Rusiya prezidenti Vladimir Putin Yaxın Şərq böhranının həllinin BMT Təhlükəsizlik Şurası tərəfindən təsdiq edilmiş və Fələstin daxilində müstəqil Fələstin dövlətinin yaradılmasını nəzərdə tutan "iki dövlət" formuluna əsasən mümkün olduğunu bildirib.
Tərəflərin ərazi maraqları ilə bağlı Fələstin-İsrail münaqişəsi uzun onilliklər ərzində regionda gərginlik və döyüş mənbəyi olub. 1947-ci ildə SSRİ-nin fəal rolu ilə BMT-nin qərarı iki dövlətin - İsrail və Fələstinin yaradılmasını müəyyən edib, lakin yalnız İsrail dövləti yaradılıb.
