BAKI, 30 oktyabr — Sputnik. Bakının Xətai rayonu, Məhəmməd Hadi küçəsi 70 ünvanında tikinti məqsədilə hasarlanmış ərazidə ağacların çıxardıldığı faktı öz təsdiqini tapıb. Ekologiya və Təbii Sərvətlər Nazirliyindən Sputnik Azərbaycan-ın sorğusuna cavabda bildirilib ki, hadisə yerində ilkin araşdırma aparılıb.Xətai Rayon İcra Hakimiyyətindən isə Sputnik Azərbaycan-a ağacların kəsilməsi faktının qeydiyyata alınaraq araşdırılacağını bildiriblər. Xatırladaq ki, Bakının Xətai rayonu, Məhəmməd Hadi küçəsi 70 ünvanında ağacların gecə vaxtı kəsilib və yük maşınına yüklənilərək ərazidən daşındığı barədə oktyabrın 27-i Sputnik Azərbaycan-a ərazidə yaşayan sakinlər məlumat verib.Sakinlər bildirib ki, gecə saat 02:45 radələrində Məhəmməd Hadi 70 ünvanında yaşıllıq ərazisi hasarlanıb, orada olan bir neçə ağac kəsilib. Daha sonra ərazi hasara alınaraq tikinti işləri aparmaq üçün oraya tikinti materialları daşınıb. Bundan sonra Sputnik Azərbaycan-ın sorğusuna əsasən Ekologiya və Təbii Sərvətlər Nazirliyinin nümayəndələri sözügedən ünvana baxış keçiriblər. Sputnik Azərbaycan sözügedən ünvanda ağacların kəsilməsi faktını diqqətdə saxlayır. Nazirlikdən bildirilib ki, fakt hazırda araşdırılır. Qeyd edək ki, qeyd olunan ərazi Bakı Metropoliteninin Həzi Aslanov stansiyasının iki çıxışının arasında yerləşir.Metropolitenin mətbuat xidmətinin rəhbəri Bəxtiyar Məmmədov Sputnik Azərbaycan-a açıqlamasında bildirib ki, qeyd olunan ərazi Bakı Metropoliteninin ərazisi deyil. Onu da qeyd edək ki, Prezident İlham Əliyev ağacların qanunsuz kəsilməsinin yolverilməz olduğunu öz çıxışlarında dəfələrlə bildirib. Dövlətimizin başçısı bu cür hallara qarşı daim ciddi tədbirlərin görülməsini, buna yol verən şəxslərin məsuliyyətə cəlb edilməsini tapşırıb:Ətraf mühitin qorunmasından danışan Prezident bir neçə il bundan əvvəl Azərbaycanda "Ekologiya ili"nin elan edildiyini yada salıb:Digər maraqlı xəbərləri həmçinin Sputnik Azərbaycan-ın Teleqram kanalından izləyin.
ağac, ekologiya və təbii sərvətlər nazirliyinin (etsn) milli hidrometeorologiya departamenti, bakı, prezident ilham əliyev, xətai rayonu, məhəmməd hadi küçəsi
ağac, ekologiya və təbii sərvətlər nazirliyinin (etsn) milli hidrometeorologiya departamenti, bakı, prezident ilham əliyev, xətai rayonu, məhəmməd hadi küçəsi
Tikinti üçün hasarlanan ərazidə beş ağac kökündən çıxarılıb - Ərazinin sahibi isə tapılmır
Nazirlikdən onu da bildiriblər ki, ağacların çıxardılması faktı üzrə araşdırmalar davam etdirilir.
BAKI, 30 oktyabr — Sputnik. Bakının Xətai rayonu, Məhəmməd Hadi küçəsi 70 ünvanında tikinti məqsədilə hasarlanmış ərazidə ağacların çıxardıldığı faktı öz təsdiqini tapıb. Ekologiya və Təbii Sərvətlər Nazirliyindən Sputnik Azərbaycan-ın sorğusuna cavabda bildirilib ki, hadisə yerində ilkin araşdırma aparılıb.
"Aparılan araşdırma zamanı beş ağacın kökündən çıxardıldığı faktı müəyyənləşib. Ağaclar kökündən çıxardıldığı üçün onların növünü müəyyən etmək mümkün olmayıb. Nazirlikdən onu da bildiriblər ki, ağacların çıxardılması faktı üzrə araşdırmalar davam edir. Ağacları çıxardan şəxslərin kimliyinin müəyyənləşdirilməsi, ərazinin kimə məxsus olduğu araşdırılır", - deyə cavabda bildirilir.
Xətai Rayon İcra Hakimiyyətindən isə Sputnik Azərbaycan-a ağacların kəsilməsi faktının qeydiyyata alınaraq araşdırılacağını bildiriblər.
Bakıda tikinti məqsədilə ağaclar gecə ilə kəsilərək daşınıb
Xatırladaq ki, Bakının Xətai rayonu, Məhəmməd Hadi küçəsi 70 ünvanında ağacların gecə vaxtı kəsilib və yük maşınına yüklənilərək ərazidən daşındığı barədə oktyabrın 27-i Sputnik Azərbaycan-a ərazidə yaşayan sakinlər məlumat verib.
Sakinlər bildirib ki, gecə saat 02:45 radələrində Məhəmməd Hadi 70 ünvanında yaşıllıq ərazisi hasarlanıb, orada olan bir neçə ağac kəsilib. Daha sonra ərazi hasara alınaraq tikinti işləri aparmaq üçün oraya tikinti materialları daşınıb. Bundan sonra Sputnik Azərbaycan-ın sorğusuna əsasən Ekologiya və Təbii Sərvətlər Nazirliyinin nümayəndələri sözügedən ünvana baxış keçiriblər.
Sputnik Azərbaycan sözügedən ünvanda ağacların kəsilməsi faktını diqqətdə saxlayır. Nazirlikdən bildirilib ki, fakt hazırda araşdırılır.
Qeyd edək ki, qeyd olunan ərazi Bakı Metropoliteninin Həzi Aslanov stansiyasının iki çıxışının arasında yerləşir.
Metropolitenin mətbuat xidmətinin rəhbəri Bəxtiyar Məmmədov Sputnik Azərbaycan-a açıqlamasında bildirib ki, qeyd olunan ərazi Bakı Metropoliteninin ərazisi deyil.
Bakıda tikinti məqsədilə ağaclar gecə ilə kəsilərək daşınıb
Onu da qeyd edək ki, Prezident İlham Əliyev ağacların qanunsuz kəsilməsinin yolverilməz olduğunu öz çıxışlarında dəfələrlə bildirib. Dövlətimizin başçısı bu cür hallara qarşı daim ciddi tədbirlərin görülməsini, buna yol verən şəxslərin məsuliyyətə cəlb edilməsini tapşırıb:
"Ağacəkmə kampaniyası çərçivəsində on milyondan çox ağac əkilib və bu proses davam etdirilir. Ancaq biz istədiyimizə tam şəkildə nail ola bilməmişik. Hesab edirəm ki, biz burada daha da ciddi məsuliyyət tətbiq etməliyik. Gecə vaxtı gəlirlər, qanunsuz olaraq ağacları kəsirlər, yerləri düzəldirlər ki, ev tiksinlər. Bu, vicdansızlıqdır, bu, biabırçılıqdır, bu, cinayətdir".
Ətraf mühitin qorunmasından danışan Prezident bir neçə il bundan əvvəl Azərbaycanda "Ekologiya ili"nin elan edildiyini yada salıb:
Bakıda tikinti məqsədilə ağaclar gecə ilə kəsilərək daşınıb
"Xatırlayıram, o vaxt biz "Ekologiya ili"ndə görülən işləri müzakirə edərkən mən demişdim ki, "Ekologiya ili" hər il olmalıdır. Çünki ətraf mühit, xüsusilə Bakı və Abşeron yarımadası üçün əsas məsələlərdən biridir". Ölkə başçısı ağacları kəsənlərə qarşı daha ciddi tədbir görülməsindən ötrü aidiyyəti qurumlara səslənərək son xəbərdarlığını edib: "Aidiyyəti qurumlar təklif versinlər, biz ağacları kəsənlərə qarşı daha da ciddi tədbir görməliyik. Onlar məsuliyyətə cəlb edilməlidir. Bir daha demək istəyirəm ki, şəhərdə bir dənə də olsun ağac Ekologiya və Təbii Sərvətlər Nazirliyinin icazəsi, rəyi olmadan kəsilə bilməz".
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
