https://sputnik.az/20231025/srail-bmt-bas-katibinin-movqeyine-gore-birliyin-numayendelerine-viza-vermeyi-dayandiracaq-459932954.html

İsrail BMT Baş katibinin mövqeyinə görə birliyin nümayəndələrinə viza verməyi dayandıracaq

İsrail BMT Baş katibinin mövqeyinə görə birliyin nümayəndələrinə viza verməyi dayandıracaq

Sputnik Azərbaycan

İsrailin BMT-dəki nümayəndəsi Quterreşin sözlərinə reaksiya verib. 25.10.2023, Sputnik Azərbaycan

2023-10-25T13:45+0400

2023-10-25T13:45+0400

2023-10-25T13:45+0400

israil

dünya xəbərləri

bmt

antonio quterreş

birləşmiş millətlər təşkilatının baş katibi antonio quterreş

yaxın şərq

rusiya xin

həmas

fələstin

qəzza

https://cdnn1.img.sputnik.az/img/07e5/05/03/426852371_0:0:3021:1700_1920x0_80_0_0_4985523681ae4b3e9fc8e49f2e8b4521.jpg

BAKI, 25 oktyabr — Sputnik. Birləşmiş Millətlər Təşkilatının (BMT) Baş katibi Antonio Quterreşin Fələstin-İsrail münaqişəsi ilə bağlı mövqeyinə görə BMT-nin nümayəndələrinə viza verməyi dayandıracaq. Bunu yəhudi dövlətinin Ümumdünya Təşkilatındakı daimi nümayəndəsi Gilad Erdan "Qalei TSAXAL" radio efirində deyib. "Onun bəyanatlarına görə biz BMT nümayəndələrinə viza verməkdən imtina edəcəyik", - diplomat bildirib. Xatırladaq ki, Quterreş BMT-nin Təhlükəsizlik Şurasının açıq debatlarında çıxışı zamanı HƏMAS-ın hücumlarını birmənalı olaraq pislədiyini bildirsə də, Fələstin hərəkatının İsrailə hücumunun səbəbsiz olmadığını da qeyd edib. Bundan sonra İsrailin xarici işlər naziri Eli Klan bildirib ki, bütün dünya HƏMAS-la münaqişədə İsraili dəstəkləməlidir, əks halda hazırkı Baş katibinin dövründə BMT qaranlıq günlərlə üzləşəcək. Xatırladaq ki, oktyabrın 7-də səhər saatlarında Fələstinin HƏMAS hərəkatının hərbi qanadının elan etdiyi Əl-Əqsa tufanı əməliyyatı çərçivəsində İsrail Qəzza zolağından görünməmiş raket hücumuna məruz qalıb. Bundan əlavə, kütləvi raket hücumlarından sonra təşkilatın qırıcıları İsrailin cənubundakı sərhəd bölgələrinə daxil olub. Buna cavab olaraq İsrail Müdafiə Qüvvələri Qəzza zolağında HƏMAS-a qarşı Dəmir Qılınclar əməliyyatına başlayıb. Hücumdan bir neçə gün sonra İsrail hərbçiləri Qəzza sərhədi yaxınlığındakı bütün yaşayış məntəqələrini nəzarətə götürüb və hədəflərə, o cümlədən mülki şəxslərə hava zərbələri endirməyə başlayıb. İsrail həmçinin Qəzza zolağının tam blokadaya alındığını elan edib: su, qida, elektrik, dərman və yanacaq tədarükü dayandırılıb. Rusiya Xarici İşlər Nazirliyi tərəfləri hərbi əməliyyatları dayandırmağa çağırıb. Rusiya prezidenti Vladimir Putin bildirib ki, Yaxın Şərq böhranının həlli yalnız BMT Təhlükəsizlik Şurası tərəfindən təsdiq edilmiş və Fələstin daxilində müstəqil Fələstin dövlətinin yaradılmasını nəzərdə tutan "iki dövlət" formuluna əsasən mümkündür. Tərəflərin ərazi maraqları ilə bağlı Fələstin-İsrail münaqişəsi uzun onilliklər ərzində regionda gərginlik və toqquşma mənbəyi olub. 1947-ci ildə SSRİ-nin fəal rolu ilə BMT-nin qərarı iki dövlətin - İsrail və Fələstinin yaradılmasını müəyyən etdi, lakin yalnız İsrail dövləti yaradıldı. İsrail iki dövlət prinsipi ilə razılaşdığını bəyan etməklə yanaşı, Fələstin torpaqlarını tam azad etməyib.

2023

xəbərlər

ru_AZ

israil, bmt, antonio quterreş, birləşmiş millətlər təşkilatının baş katibi antonio quterreş, yaxın şərq, rusiya xin, həmas, fələstin, qəzza, qəzza zolağı