https://sputnik.az/20231025/mustafa-kamal-ataturk-2023-azerbaycan-turkiye-birge-taktiki-telimi-kecirilir-459847294.html

Mustafa Kamal Atatürk - 2023" birgə taktiki təlimi başa çatıb - VİDEO

Mustafa Kamal Atatürk - 2023" birgə taktiki təlimi başa çatıb - VİDEO

Sputnik Azərbaycan

Hər iki qardaş ölkənin qoşunları arasında təcrübə mübadiləsi və şəxsi heyətin peşəkarlığının artırılması məqsədilə keçirilən təlimdə qarşıya qoyulan bütün... 25.10.2023, Sputnik Azərbaycan

2023-10-25T17:35+0400

2023-10-25T17:35+0400

2023-10-25T17:35+0400

təlim

hərbi

birgə təlimlər

hərbi təlimlər

mustafa kamal atatürk

türkiyə

azərbaycan

https://cdnn1.img.sputnik.az/img/07e7/0a/17/459847028_150:0:1693:868_1920x0_80_0_0_7176bbf5f45a04623a24a1bcde8c8798.jpg

BAKI, 25 oktyabr — Sputnik. Azərbaycan Ordusunun və Türkiyə Silahlı Qüvvələrinin hərbi qulluqçularının cəlb edildiyi "Mustafa Kamal Atatürk - 2023" birgə taktiki təlimi uğurla başa çatıb. Bu barədə Azərbaycan Müdafiə Nazirliyi məlumat yayıb. Birgə taktiki təlimdə Azərbaycan Ordusunun Quru Qoşunları, Əlahiddə Ümumqoşun Ordusu, Hərbi Hava Qüvvələri, Raket və Artilleriya Qoşunları, Mühəndis Qoşunları, Xüsusi Təyinatlı Qüvvələr, həmçinin Hərbi Dəniz Qüvvələrinin xüsusi təyinatlıları və Türkiyə Silahlı Qüvvələrinin müvafiq qoşun növü mənsubları iştirak ediblər. Hər iki qardaş ölkənin qoşunları arasında təcrübə mübadiləsi və şəxsi heyətin peşəkarlığının artırılması məqsədilə keçirilən təlimdə qarşıya qoyulan bütün tapşırıqlar müvəffəqiyyətlə icra edilib. Qeyd edək ki, Bakı şəhəri, Naxçıvan Muxtar Respublikası və azad olunmuş ərazilər də daxil olmaqla ölkəmizin müxtəlif istiqamətlərində keçirilən birgə taktiki təlimə hər iki ölkənin müxtəlif qoşun növündən ümumilikdə 3000-dək şəxsi heyət, 130 ədəd zirehli texnika, 100-dək artilleriya vasitəsi, 20-dən artıq aviasiya və uçuş vasitələri, eləcə də mühəndis texnikası və kiçik botlar cəlb olunmuşdu.23.10.23, 13:53Azərbaycan Ordusunun və Türkiyə Silahlı Qüvvələrinin hərbi qulluqçularının iştirakı ilə "Mustafa Kamal Atatürk-2023" birgə taktiki təlimi başlayıb. Bu barədə Azərbaycan Müdafiə Nazirliyindən məlumat verilib. Bakı şəhəri, Naxçıvan Muxtar Respublikası və azad olunmuş ərazilər də daxil olmaqla ölkəmizin müxtəlif istiqamətlərində keçirilən birgə taktiki təlimə hər iki ölkənin müxtəlif qoşun növündən ümumilikdə 3000-dək şəxsi heyət, 130 ədəd zirehli texnika, 100-dək artilleriya vasitəsi, 20-dən artıq aviasiya və uçuş vasitələri, eləcə də mühəndis texnikası və kiçik botlar cəlb olunub. Təlimdə müasir döyüş üsullarından istifadə etməklə artilleriya, aviasiya və digər qoşun növlərinin hərbi əməliyyatlarda tətbiqi, onların qarşılıqlı əlaqədə fəaliyyətinin təşkili, çaylar üzərindən keçid açmaq məqsədilə panton körpülərin salınması və şərti düşmənin dərinliyinə desant endirilməsi üzrə müxtəlif tapşırıqlar icra edilir. "Mustafa Kamal Atatürk-2023" birgə taktiki təlimində əsas diqqət qoşunların qarşılıqlı əlaqədə fəaliyyətləri zamanı döyüş uzlaşmasının təmin edilməsi, idarəetmənin təkmilləşdirilməsi, təcrübə mübadiləsi və şəxsi heyətin peşəkarlığının artırılmasına yönəldilib.

2023

xəbərlər

ru_AZ

təlim, birgə təlimlər, hərbi təlimlər, mustafa kamal atatürk, türkiyə, azərbaycan