https://sputnik.az/20231024/a-ve-qazaxistan-tranzit-dehlizlerinin-saxelendirilmesini-muzakire-edibler-459899271.html

Aİ və Qazaxıstan tranzit dəhlizlərinin şaxələndirilməsini müzakirə ediblər

Aİ və Qazaxıstan tranzit dəhlizlərinin şaxələndirilməsini müzakirə ediblər

Sputnik Azərbaycan

Görüş iştirakçıları Qazaxıstan və Avropa İttifaqı arasında qarşılıqlı əlaqələri nəzərdən keçirib, geniş tərəfdaşlıq və əməkdaşlıq haqqında sazişin praktiki... 24.10.2023, Sputnik Azərbaycan

2023-10-24T22:21+0400

2023-10-24T22:21+0400

2023-10-24T22:21+0400

qazaxıstan

avropa

transxəzər beynəlxalq nəqliyyat konsorsiumu

dünya xəbərləri

https://cdnn1.img.sputnik.az/img/07e7/02/1c/452216742_0:209:2897:1839_1920x0_80_0_0_33ade530f7e1e73c282d34ba22a78e2e.jpg

BAKI, 24 oktyabr — Sputnik. Lüksemburqda keçirilən "Qazaxıstan Respublikası - Avropa İttifaqı" Əməkdaşlıq Şurasının 20-ci iclasının iştirakçıları Aİ-nin Qlobal Gateway strategiyasının Transxəzər Beynəlxalq Nəqliyyat Marşrutu (TİTR) ilə əlaqələndirilməsi məsələlərini müzakirə ediblər. TASS xəbər verir ki, bu barədə Qazaxıstan Xarici İşlər Nazirliyindən məlumat verilib. "Tərəflər Qazaxıstan Respublikasının nəqliyyat-logistika potensialının reallaşdırılması yolu ilə Avropa və Asiya arasında tranzit dəhlizlərinin şaxələndirilməsi, o cümlədən Aİ-nin Qlobal Gateway strategiyasının Transxəzər beynəlxalq nəqliyyat marşrutu ilə əlaqələndirilməsi üzrə birgə fəaliyyətləri müzakirə ediblər", - deyə mətbuat xidmətinin bəyanatında bildirilib. Onun sözlərinə görə, görüş iştirakçıları Qazaxıstan və Avropa İttifaqı arasında qarşılıqlı əlaqələri nəzərdən keçirib, geniş tərəfdaşlıq və əməkdaşlıq haqqında sazişin praktiki icrasını müzakirə ediblər. Xarici İşlər Nazirliyindən bildirilib ki, enerji, nəqliyyat və logistika, rəqəmsallaşma, mülki aviasiya, viza rejiminin sadələşdirilməsi, xammalın hasilatı və istifadəsi məsələlərinə xüsusi diqqət yetirilib. Görüşdə Qazaxıstanın xarici işlər naziri Murat Nurtleu iştirak edib və o, Aİ ilə bir çox sahələrdə qarşılıqlı əlaqələrin yüksək səviyyədə olduğunu qeyd edib.Xarici işlər naziri vurğulayıb ki, Aİ Qazaxıstanın ən böyük ticarət tərəfdaşıdır, ticarət dövriyyəsi 2022-ci ildə 40 milyard dollara çatıb. Nurtleunun sözlərinə görə, ötən il Aİ ölkələrindən Qazaxıstan iqtisadiyyatına birbaşa xarici investisiyaların həcmi 12,5 milyard dollar təşkil edib ki, bu da 2021-ci illə müqayisədə 23% çoxdur. Transxəzər beynəlxalq nəqliyyat marşrutu ("Orta dəhliz") Çin, Qazaxıstan, Xəzər dənizi, Azərbaycan, Gürcüstan və daha sonra Avropa ölkələrinə keçir. Dəmir yolu və dəniz nəqliyyatından istifadə etməklə konteyner daşımalarını həyata keçirir. Oktyabrın ortalarında Qazaxıstan Prezidenti Kasım-Jomart Tokayev Çinə səfəri zamanı Transxəzər beynəlxalq nəqliyyat marşrutu layihəsini bir çox dövlətlər üçün flaqman əməkdaşlıq layihəsi adlandırıb. Tokayevin fikrincə, bu Çindən Avropaya yük daşıma vaxtını iki dəfə azaltmağa kömək edə bilər. Qlobal Gateway proqramı Brüssel tərəfindən Çinin "Bir kəmər, bir yol" iqtisadi konsepsiyasına qarşı bir strategiya kimi hazırlanıb. Onun əsas məqsədi strateji əhəmiyyətli regionlarda, xüsusən də təbii sərvətlərlə zəngin olan Aİ ölkələrinin təsirini gücləndirmək və iqtisadi mövqelərini gücləndirməkdir.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

2023

xəbərlər

ru_AZ

qazaxıstan, avropa, transxəzər beynəlxalq nəqliyyat konsorsiumu