https://sputnik.az/20231016/azerbaycanin-xarice-qaz-satisi-artir---cedvel-459661395.html

Azərbaycanın xaricə qaz satışı artır - CƏDVƏL

Azərbaycanın xaricə qaz satışı artır - CƏDVƏL

Sputnik Azərbaycan

Cari ilin yanvar-sentyabr aylarında Avropaya 8,6 milyard kubmetr, Türkiyəyə 7,5 milyard kubmetr, Gürcüstana isə 1,7 milyard kubmetr qaz satılıb. 16.10.2023, Sputnik Azərbaycan

2023-10-16T22:41+0400

2023-10-16T22:41+0400

2023-10-16T22:41+0400

azərbaycan

neft-qaz

qaz

energetika nazirliyi

https://cdnn1.img.sputnik.az/img/07e7/05/04/454473698_0:58:3432:1989_1920x0_80_0_0_e505b405bac691f9e83836dc1236ba18.jpg

BAKI, 16 oktyabr — Sputnik. 2023-cü ilin 9 ayı ərzində respublikada 36,1 milyard kubmetr təbii qaz hasil edilib. Qazın 9,6 milyard kubmetri "Azəri-Çıraq-Günəşli"dən, 19,7 milyard kubmetri "Şahdəniz"dən, 0,4 milyard kubmetri "Abşeron"dan, 6,4 milyard kubmetri Azərbaycan Respublikası Dövlət Neft Şirkəti (SOCAR) üzrə hasil olunub. Ötən ilin müvafiq dövrünə nisbətən 5 faiz, yəni 1,7 milyard kubmetr artımla qaz hasil edilib. Bu barədə Energetika Nazirliyindən Sputnik Azərbaycan-a məlumat verilib. Hesabat dövründə xaricə qaz satışı 17,8 milyard kubmetr təşkil edib ki, bu da ötən ilin müvafiq dövrü ilə müqayisədə 9 faiz çoxdur. Cari ilin yanvar-sentyabr aylarında Avropaya 8,6 milyard kubmetr, Türkiyəyə 7,5 milyard kubmetr, Gürcüstana isə 1,7 milyard kubmetr qaz satılıb. Bu müddətdə Türkiyəyə Trans-Anadolu Boru Kəməri (TANAP) ilə 4,3 milyard kubmetr qaz nəql olunub. "Azəri-Çıraq-Günəşli" və "Şahdəniz" yataqları istismara veriləndən 01 oktyabr 2023-cü il tarixinədək "Azəri-Çıraq-Günəşli"dən 213 milyard kubmetr, "Şahdəniz"dən isə 202,5 milyard kubmetr qaz hasil edilib. Bu dövrdə "Şahdəniz" yatağından hasil edilən qazın 143 milyard kubmetri ixraca nəql edilib. Neft hasilatı və ixracı... 2023-cü ilin yanvar-sentyabr ayları üzrə ölkədə 22,7 milyon ton neft (kondensatla birlikdə) hasil edilib. Respublika üzrə neft hasilatının 13,5 milyon tonu "Azəri-Çıraq-Günəşli"nin, 3,3 milyon tonu (kondensat) "Şahdəniz"in, 140 min tonu (kondensat) "Abşeron" yatağının payına düşüb. SOCAR üzrə neft (kondensatla birlikdə) hasilatı 5,8 milyon ton təşkil edib. Hesabat dövründə 19 milyon ton neft (kondensatla birlikdə) ixraca nəql olunub. Bunun 16,7 milyon tonu konsorsiumun, 2,3 milyon tonu isə SOCAR-ın payına düşür. "Azəri-Çıraq-Günəşli" və "Şahdəniz" yataqları istismara veriləndən 01 oktyabr 2023-cü il tarixinədək 623,9 milyon ton neft (kondensatla birlikdə) hasil edilib. "Azəri-Çıraq-Günəşli"dən 580,4 milyon ton neft, "Şahdəniz"dən isə 43,5 milyon tona yaxın kondensat çıxarılıb. Bundan 01 oktyabr 2023-cü il tarixinədək 622 milyon tonu ixraca nəql edilib. 2023-cü ilin yanvar-sentyabr ayları üzrə ölkədə neftin emalı 4,9 milyon ton təşkil edib.

2023

xəbərlər

ru_AZ

azərbaycan, qaz, energetika nazirliyi