https://sputnik.az/20231015/bele-getse-azerbaycan-avropa-vasitecilik-formatindan-imtina-ede-biler---ekspert-459620785.html

Belə getsə, Azərbaycan Avropa vasitəçilik formatından imtina edə bilər - Ekspert

Belə getsə, Azərbaycan Avropa vasitəçilik formatından imtina edə bilər - Ekspert

Sputnik Azərbaycan

Ekspert bildirib ki, Ermənistan tərəfi Azərbaycan hərbi və təhlükəsizlik qüvvələrinin “Dağlıq Qarabağın mülki obyektlərini tərk etməsini” tələb edir və... 15.10.2023, Sputnik Azərbaycan

2023-10-15T14:50+0400

2023-10-15T14:50+0400

2023-10-15T14:51+0400

siyasət

şarl mişel

ermənistan

danışıqlar

obyekt

abidə

https://cdnn1.img.sputnik.az/img/07e6/01/1a/438511385_0:0:2000:1125_1920x0_80_0_0_255a5e61ae4456db1a78a5b33e0e049b.jpg

Azərbaycan çətin ki, Avropa vasitəçilik formatını dəstəkləməyə meylli olsun BAKI, 15 oktyabr - Sputnik. Oktyabrın sonunda Brüsseldə Avropa İttifaqının rəhbəri Şarl Mişelin köməyi ilə Azərbaycan prezidenti İlham Əliyevlə Ermənistanın baş naziri Nikol Paşinyan arasında planlaşdırılan görüş ərəfəsində vəziyyətin süni şəkildə gərginləşdiyi və qızışdığı təəssürat yaranır. Bu fikirləri ilə politoloq İlqar Vəlizadə öz teleqram kanalında bölüşüb. "Oktyabrın 12-də Avropa Şurası Parlament Assambleyası (AŞPA) “Dağlıq Qarabağda humanitar vəziyyət” adlı 2517 (2023) saylı qətnamədə Bakının regionda fəaliyyətini pisləyən qətnamə qəbul edib. Qətnamə Azərbaycanın Qarabağ bölgəsini tərk etmiş ermənilərin geri qaytarılmasını, habelə Şuranın BMT-nin İnsan Hüquqları Komitəsinə və Beynəlxalq Məhkəməyə müraciətini tələb edir. Qətnamə Bakıya qarşı məqsədyönlü təzyiq siyasətinin tərkib hissəsidir və onu əvvəlki hərəkətlərlə, xüsusən də oktyabrın 3-də Avropa Parlamentində anti-Azərbaycan qətnaməsinin qəbulu, eləcə də müvafiq qətnamənin hazırlanması ilə birgə qiymətləndirmək olar. Həmçinin Ermənistanın yaxın tərəfdaşı olan Fransanın təşəbbüsü ilə regional məsələləri müzakirə etmək üçün BMT Təhlükəsizlik Şurasının növbəti iclası keçiriləcək", - deyə ekspert hadisələrin gedişatına işıq salıb. Politoloq onu da qeyd edib ki, Ermənistanın özü Beynəlxalq Cinayət Məhkəməsinə iddiası ilə bağlı qərar çıxarmağa çalışır, ona görə Azərbaycanın separatçı rejimin hakimiyyət orqanları tərəfindən verilmiş vətəndaşlıq qeydiyyatı haqqında şəhadətnamələri etibarlı kimi tanımasını və hazırkı və ya keçmiş siyasi nümayəndələrə və hərbi qulluqçular qarşı cəza tədbirləri görməkdən çəkinməsini istəyir. Bundan əlavə, Ermənistan tərəfi Azərbaycan hərbi və təhlükəsizlik qüvvələrinin “Dağlıq Qarabağın mülki obyektlərini tərk etməsini” tələb edir və “regionda erməni mədəni irsinə aid abidələrin sökülməsinə qadağa qoyulmasını” təkid edir: İ.Vəlizadə vurğulayıb ki, Azərbaycan üçün bu tələblərin yerinə yetirilməsi yolverilməzdir və bütün bunlar siyasi təzyiq göstərməklə onun daxili işlərinə qarışmaq cəhdi kimi qiymətləndirilir.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

2023

xəbərlər

ru_AZ

şarl mişel, ermənistan, danışıqlar, obyekt, abidə