https://sputnik.az/20231014/bu-ilin-doqquz-ayinda-dovlet-budcesinin-gelir-ve-xercleri---detallar-459610315.html

Bu ilin doqquz ayında dövlət büdcəsinin gəlir və xərcləri - DETALLAR

Bu ilin doqquz ayında dövlət büdcəsinin gəlir və xərcləri - DETALLAR

Sputnik Azərbaycan

Dövlət Neft Fondundan transfert nəzərə alınmadan dövlət büdcəsinin gəlirləri 18526,9 milyon manat təşkil edib ki, bu da əvvəlki ilin eyni dövrü ilə müqayisədə... 14.10.2023, Sputnik Azərbaycan

2023-10-14T22:06+0400

2023-10-14T22:06+0400

2023-10-14T22:07+0400

iqtisadiyyat

dövlət büdcəsi

maliyyə nazirliyi

işğaldan azad edilmiş ərazilər

qeyri-neft gəlirləri

xərclər

https://cdnn1.img.sputnik.az/img/07e5/01/0b/425925793_0:288:1000:851_1920x0_80_0_0_2ad6a8737f1ba65c020fd9cd675548be.jpg

BAKI, 14 oktyabr - Sputnik. 2023-cü ilin doqquz ayı ərzində dövlət büdcəsinin gəlirləri 22076,9 milyon manat, xərcləri 23214,5 milyon manat, dövlət büdcəsinin kəsiri isə 1137,6 milyon manat məbləğində olub. Maliyyə Nazirliyindən Sputnik Azərbaycan-a bildiriblər ki, Dövlət Neft Fondundan transfert nəzərə alınmadan dövlət büdcəsinin gəlirləri 18526,9 milyon manat təşkil edib ki, bu da əvvəlki ilin eyni dövrü ilə müqayisədə 16,8 faiz (və ya 2667,4 milyon manat) artım deməkdir. Dövlət büdcəsinin gəlirləri 2023-cü ilin doqquz ayı ərzində dövlət büdcəsinin gəlirləri 25248,9 milyon manat proqnoza qarşı 22076,9 milyon manat təşkil edib ki, bu da proqnozla müqayisədə 3172,0 milyon manat və ya 12,6 faiz azdır. 2023-cü ilin yanvar-sentyabr aylarında dövlət büdcəsinin daxilolmalarının 12810,7 milyon manatı və ya 58,0 faizi vergi daxilolmalarının, 4706,6 milyon manatı və ya 21,3 faizi gömrük rüsumları və idxala vergi daxilolmalarının, 3550,0 milyon manatı və ya 16,1 faizi Azərbaycan Respublikasının Dövlət Neft Fondundan dövlət büdcəsinə transfertin, 582,2 milyon manatı və ya 2,7 faizi dövlət büdcəsindən maliyyələşən təşkilatların ödənişli xidmətlərindən daxilolmaların, 24,4 milyon manatı və ya 0,1 faizi dövlət əmlakının icarəyə verilməsindən daxilolmaların, 403,0 milyon manatı və ya 1,8 faizi isə digər daxilolmaların payına düşüb. Dövlət büdcəsinin xərcləri 2023-cü ilin yanvar-sentyabr aylarında dövlət büdcəsinin xərcləri 23214,5 milyon manat və ya 9 aylıq proqnoza qarşı 0,6 faiz çox icra edilib. 2023-cü ilin yanvar-sentyabr ayları ərzində dövlət büdcəsi xərclərinin 14118,4 milyon manatı və ya 60,8 faizi cari xərclərə, 8382,4 milyon manatı və ya 36,1 faizi əsaslı xərclərə, 713,7 milyon manatı və ya 3,1 faizi dövlət borcuna və öhdəliklərinə xidmətlə bağlı xərclərə yönəldilib. İşğaldan azad olunmuş ərazilərin yenidən qurulması və bərpası xərcləri üzrə icraçılar tərəfindən verilmiş sifarişlər əsasında 3741,0 milyon manat məbləğində (2022-ci ilin eyni dövrü ilə müqayisədə 1579,1 milyon manat və ya 1,7 dəfə çox) maliyyələşdirmə aparılıb ki, bu da cari ildə həmin məqsəd üçün nəzərdə tutulmuş illik xərclərin 77,9 faizinə bərabərdir. Cari ilin doqquz ayında dövlət əsaslı vəsait qoyuluşu (investisiya) xərcləri üzrə icraçılar tərəfindən verilmiş sifarişlər əsasında 1588,5 milyon manat məbləğində maliyyələşdirilmə həyata keçirilib ki, bu da dövlət büdcəsində həmin məqsəd üçün nəzərdə tutulmuş illik xərclərin 59,7 faizini təşkil edir.

2023

xəbərlər

ru_AZ

dövlət büdcəsi, maliyyə nazirliyi, işğaldan azad edilmiş ərazilər, qeyri-neft gəlirləri, xərclər