https://sputnik.az/20231013/mdb-olkelerinin-xn-rehberleri-felestin-srail-munaqisesi-ile-bagli-beyanat-yayib-459584131.html

MDB ölkələrinin XİN rəhbərləri Fələstin-İsrail münaqişəsi ilə bağlı bəyanat yayıb

MDB ölkələrinin XİN rəhbərləri Fələstin-İsrail münaqişəsi ilə bağlı bəyanat yayıb

Sputnik Azərbaycan

MDB ölkələrinin xarici işlər nazirləri hərbi əməliyyatlar zamanı ayrı-seçkilik etmədən güc tətbiqi ilə yanaşı, dinc əhaliyə qarşı ekstremizm, terrorizm, girov... 13.10.2023, Sputnik Azərbaycan

2023-10-13T15:57+0400

2023-10-13T15:57+0400

2023-10-13T15:57+0400

mdb

dünya xəbərləri

xin rəhbərləri

bəyanat

israil

fələstin

həmas

https://cdnn1.img.sputnik.az/img/07e7/0a/0b/459500231_0:161:3070:1888_1920x0_80_0_0_7485a3cc30a4fb9fbe08bc12579ee5bd.jpg

BAKI, 13 oktyabr — Sputnik. MDB ölkələrinin xarici işlər nazirləri Fələstin-İsrail münaqişəsi zonasında vəziyyətin kəskin pisləşməsindən narahatdırlar. Bu barədə XİN rəhbərlərinin qəbul etdiyi bəyanatda deyilir. MDB ölkələrinin xarici işlər nazirləri hərbi əməliyyatlar zamanı ayrı-seçkilik etmədən güc tətbiqi ilə yanaşı, dinc əhaliyə qarşı ekstremizm, terrorizm, girov götürmə və digər zorakı hərəkətlərə cəhdləri pisləyiblər. Oktyabrın 7-də səhər saatlarında Fələstinin HƏMAS hərəkatının hərbi qanadının elan etdiyi Əl-Əqsa tufanı əməliyyatı çərçivəsində İsrail Qəzza zolağından görünməmiş miqyaslı raket hücumuna məruz qalıb. Buna cavab olaraq İsrail Müdafiə Qüvvələri Qəzza zolağında HƏMAS-a qarşı Dəmir Qılınclar əməliyyatına başlayıb. Hücumdan bir neçə gün sonra İsrail hərbçiləri Qəzza sərhədi yaxınlığındakı bütün yaşayış məntəqələrini nəzarətə götürüb və Qəzzadakı hədəflərə, o cümlədən mülki şəxslərə hava zərbələri endirməyə başlayıb. İsrail həmçinin Qəzza zolağının tam blokadaya alındığını elan edib. Su, qida, elektrik, dərman və yanacaq tədarükü dayandırılıb. Hər iki tərəfdən mülki əhali arasında itkilərin sayı mini keçib, bir neçə min israilli və fələstinli yaralanıb. O cümlədən, ölən və itkin düşən bir neçə rusiyalı, eləcə də digər ölkələrin vətəndaşları barədə məlumat verilib. Müxtəlif mənbələrə görə, təxminən 150 israilli HƏMAS-ın əsirliyində olması ehtimal edilir. Rusiya Xarici İşlər Nazirliyi tərəfləri hərbi əməliyyatları dayandırmağa çağırıb. Rusiya prezidenti Vladimir Putinin mövqeyinə görə, Yaxın Şərq böhranının həlli yalnız BMT Təhlükəsizlik Şurası tərəfindən təsdiq edilmiş və Fələstin daxilində müstəqil Fələstin dövlətinin yaradılmasını nəzərdə tutan "iki dövlət" formuluna əsasən mümkündür. Tərəflərin ərazi maraqları ilə bağlı Fələstin-İsrail münaqişəsi uzun onilliklər ərzində regionda gərginlik və toqquşma mənbəyi olub. 1947-ci ildə SSRİ-nin fəal rolu ilə BMT-nin qərarı iki dövlətin - İsrail və Fələstinin yaradılmasını müəyyən etdi, lakin yalnız İsrail dövləti yaradılıb.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

2023

xəbərlər

ru_AZ

mdb, xin rəhbərləri, bəyanat, israil, fələstin, həmas