https://sputnik.az/20231012/31-ilden-sonra-fuzuliye-sehid-anasi-kimi-qayitdim-459513832.html
"31 ildən sonra Füzuliyə şəhid anası kimi qayıtdım"
"31 ildən sonra Füzuliyə şəhid anası kimi qayıtdım"
Sputnik Azərbaycan
31 il məcburi köçkün həyatı yaşayan Günel Abbasova ən böyük arzusunun ata-baba ocağına qayıtmaq olduğunu söyləyib. 12.10.2023, Sputnik Azərbaycan
2023-10-12T09:31+0400
2023-10-12T09:31+0400
2023-10-12T09:31+0400
füzuli
qarabağın dirçəlişi və reinteqrasiyası
məcburi köçkünlər
məcburi köçkün
şəhid
şəhidlik
qaçqınlar və məcburi köçkünlərin işləri üzrə dövlət komitəsi
https://cdnn1.img.sputnik.az/img/07e7/0a/0b/459513649_0:46:923:565_1920x0_80_0_0_5309b0ff9e294cb04c8e12a49a8473cb.jpg
BAKI, 12 oktyabr — Sputnik. "Mən Füzuliyə deyib gülərək, övladlarımın əlindən tutub qayıtmaq istəyirdim. Amma övladım məndən əvvəl Füzuliyə qayıtdı, şəhidlik məqamına ucalaraq. Mən isə bu gün, düz 31 ildən sonra öz doğma torpağıma, evimə qayıtdım. Elə oğlumun məzarı da Füzulidədir. O, şəhid olarsa Füzulidə dəfn edilməsini vəsiyyət etmişdi". Bu sözləri Sputnik Azərbaycan-a açıqlamasında oktyabrın 11-də Qaradağ rayonundan Füzuliyə yola salınan 59 nəfərdən biri, 19-20 sentyabr 2023-cü il tarixində həyata keçirilmiş lokal antiterror tədbirləri nəticəsində şəhid olmuş Ülvi Mikayılovun anası Günel Abbasova söyləyib. G.Abbasova bildirib ki, Füzulidən 10 yaşında çıxıb. 31 il məcburi köçkün həyatı yaşayan Abbasova ən böyük arzusunun ata-baba ocağına qayıtmaq olduğunu söyləyir. "Amma mən Füzuliyə belə qayıtmaq istəmirdim. Füzuli işğaldan azad olunduqda sevinmişdim ki, illərin həsrəti sona çatır. Mən nəhayət balalarımla birgə Füzulidə evimə qayıdacağam. Bu gün artıq Füzulidə köhnə məhəlləmizdə tikilən yeni evimizdəyəm. Təəssüf ki, oğlum Ülvi bu günü görmədi. O bu torpağa şəhid kimi qayıtdı", - deyə şəhid anası bildirib. G.Abbasova Füzuliyə şəhid anası kimi qayıtmağından fəxr hissi keçirdiyini söyləyib. Bildirib ki, oğlunun 40 mərasimi üçün Bakıya qayıtmalı olsa da, hüzr mərasimindən sonra birdəfəlik öz ata-baba ocağında yaşayacaq. Qeyd edək ki, bu gün Bakı şəhərinin Qaradağ rayonundakı "Qobu park 3" yaşayış kompleksindən yola salınan növbəti köç karvanı artıq Füzuli şəhərinə çatıb. Qaçqınların və Məcburi Köçkünlərin İşləri üzrə Dövlət Komitəsindən bildirilib ki, yeni köçürülən ailələrə mənzillərinin açarlarının təqdimat mərasimi keçirilib. Mərasimdə Azərbaycan Respublikası Prezidentinin Qarabağ iqtisadi rayonuna daxil olan işğaldan azad edilmiş ərazilərdə (Şuşa rayonu istisna olmaqla) xüsusi nümayəndəliyinin və Qaçqınların və Məcburi Köçkünlərin İşləri üzrə Dövlət Komitəsinin nümayəndələri iştirak ediblər. Köçürülən ailələr Füzuli şəhərində yenidən tikilən evlərdə məskunlaşacaqlar. Bu mərhələdə Füzuli şəhərinə daha 22 ailə - 59 nəfər köçürülüb. Bununla da Füzuli şəhərində 187 ailə, yəni 661 nəfərin daimi məskunlaşması təmin edilib.
Sputnik Azərbaycan
media@sputniknews.com
+74956456601
MIA „Rossiya Segodnya“
2023
Zülfiyyə Quluyeva
https://cdnn1.img.sputnik.az/img/07e5/06/11/427241450_0:0:1365:1365_100x100_80_0_0_9f3554f64d41e724ab187e800ebaee8a.jpg
Zülfiyyə Quluyeva
https://cdnn1.img.sputnik.az/img/07e5/06/11/427241450_0:0:1365:1365_100x100_80_0_0_9f3554f64d41e724ab187e800ebaee8a.jpg
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rossiya Segodnya“
Sputnik Azərbaycan
media@sputniknews.com
+74956456601
MIA „Rossiya Segodnya“
Zülfiyyə Quluyeva
https://cdnn1.img.sputnik.az/img/07e5/06/11/427241450_0:0:1365:1365_100x100_80_0_0_9f3554f64d41e724ab187e800ebaee8a.jpg
füzuli, məcburi köçkünlər, məcburi köçkün, şəhid, şəhidlik, qaçqınlar və məcburi köçkünlərin işləri üzrə dövlət komitəsi
füzuli, məcburi köçkünlər, məcburi köçkün, şəhid, şəhidlik, qaçqınlar və məcburi köçkünlərin işləri üzrə dövlət komitəsi
"31 ildən sonra Füzuliyə şəhid anası kimi qayıtdım"
31 il məcburi köçkün həyatı yaşayan Günel Abbasova ən böyük arzusunun ata-baba ocağına qayıtmaq olduğunu söyləyib.
BAKI, 12 oktyabr — Sputnik. "Mən Füzuliyə deyib gülərək, övladlarımın əlindən tutub qayıtmaq istəyirdim. Amma övladım məndən əvvəl Füzuliyə qayıtdı, şəhidlik məqamına ucalaraq. Mən isə bu gün, düz 31 ildən sonra öz doğma torpağıma, evimə qayıtdım. Elə oğlumun məzarı da Füzulidədir. O, şəhid olarsa Füzulidə dəfn edilməsini vəsiyyət etmişdi".
Bu sözləri Sputnik Azərbaycan-a açıqlamasında oktyabrın 11-də Qaradağ rayonundan Füzuliyə yola salınan 59 nəfərdən biri, 19-20 sentyabr 2023-cü il tarixində həyata keçirilmiş lokal antiterror tədbirləri nəticəsində şəhid olmuş Ülvi Mikayılovun anası Günel Abbasova söyləyib.
G.Abbasova bildirib ki, Füzulidən 10 yaşında çıxıb. 31 il məcburi köçkün həyatı yaşayan Abbasova ən böyük arzusunun ata-baba ocağına qayıtmaq olduğunu söyləyir.
"Amma mən Füzuliyə belə qayıtmaq istəmirdim. Füzuli işğaldan azad olunduqda sevinmişdim ki, illərin həsrəti sona çatır. Mən nəhayət balalarımla birgə Füzulidə evimə qayıdacağam. Bu gün artıq Füzulidə köhnə məhəlləmizdə tikilən yeni evimizdəyəm. Təəssüf ki, oğlum Ülvi bu günü görmədi. O bu torpağa şəhid kimi qayıtdı", - deyə şəhid anası bildirib.
G.Abbasova Füzuliyə şəhid anası kimi qayıtmağından fəxr hissi keçirdiyini söyləyib. Bildirib ki, oğlunun 40 mərasimi üçün Bakıya qayıtmalı olsa da, hüzr mərasimindən sonra birdəfəlik öz ata-baba ocağında yaşayacaq.
Qeyd edək ki, bu gün Bakı şəhərinin Qaradağ rayonundakı "Qobu park 3" yaşayış kompleksindən yola salınan növbəti köç karvanı artıq Füzuli şəhərinə çatıb. Qaçqınların və Məcburi Köçkünlərin İşləri üzrə Dövlət Komitəsindən bildirilib ki, yeni köçürülən ailələrə mənzillərinin açarlarının təqdimat mərasimi keçirilib. Mərasimdə Azərbaycan Respublikası Prezidentinin Qarabağ iqtisadi rayonuna daxil olan işğaldan azad edilmiş ərazilərdə (Şuşa rayonu istisna olmaqla) xüsusi nümayəndəliyinin və Qaçqınların və Məcburi Köçkünlərin İşləri üzrə Dövlət Komitəsinin nümayəndələri iştirak ediblər.
Köçürülən ailələr Füzuli şəhərində yenidən tikilən evlərdə məskunlaşacaqlar. Bu mərhələdə Füzuli şəhərinə daha 22 ailə - 59 nəfər köçürülüb. Bununla da Füzuli şəhərində 187 ailə, yəni 661 nəfərin daimi məskunlaşması təmin edilib.
