https://sputnik.az/20231006/azerbaycanda-qiymetli-metallarin-daslarin-alqi-satqisi-uzre-yeni-qayda-mueyyenlesir-459337186.html

Azərbaycanda qiymətli metalların, daşların alqı-satqısı üzrə yeni qayda müəyyənləşir

Azərbaycanda qiymətli metalların, daşların alqı-satqısı üzrə yeni qayda müəyyənləşir

Sputnik Azərbaycan

“Qiymətli metallar və qiymətli daşlar haqqında”, “Mədəniyyət haqqında” və “Nağdsız hesablaşmalar haqqında” qanunlara dəyişikliklər edilir. 06.10.2023, Sputnik Azərbaycan

2023-10-06T14:23+0400

2023-10-06T14:23+0400

2023-10-06T14:24+0400

milli məclis

iqtisadiyyat

qiymətli daş

qanun

qanun layihəsi

https://cdnn1.img.sputnik.az/img/07e5/0c/17/437509862_0:269:3163:2048_1920x0_80_0_0_66263b67617166e7c8b7d96abfb85a0a.jpg

BAKI, 6 oktyabr - Sputnik. Azərbaycanda bahalı qiymətli metallar, daşların və onlardan hazırlanan məmulatların, həmçinin mədəniyyət məhsullarının alqı-satqısı nağdsız aparılacaq. Bununla bağlı məsələ parlamentin oktyabrın 6-da keçirilən plenar iclasında müzakirəyə çıxarılıb. Qanun layihəsinə əsasən, “Qiymətli metallar və qiymətli daşlar haqqında”, “Mədəniyyət haqqında” və “Nağdsız hesablaşmalar haqqında” qanunlara dəyişikliklərlə qiymətli daşların, qiymətli metalların, o cümlədən qiymətli daşlardan və qiymətli metallardan hazırlanmış məmulatların və mədəniyyət məhsullarının alqı-satqısı üzrə ümumi məbləği 15 min manatdan artıq olan ödənişlər yalnız nağdsız qaydada həyata keçiriləcək. Layihə səsə qoyularaq qəbul edilib. Qeyd edək ki, "Nağdsız hesablaşmalar haqqında" qanun Azərbaycan Respublikası ərazisində aparılan nağdsız hesablaşmaların hüquqi və iqtisadi əsaslarını müəyyən edir. Bu qanunun məqsədi Azərbaycan Respublikası ərazisində mülki dövriyyənin iştirakçıları arasında aparılan əməliyyatların və hesablaşmaların şəffaflığını, istehlakçıların hüquqlarının müdafiəsini təmin etmək, nağd pul hesablaşmalarının nağdsız hesablaşmalarla əvəzlənməsini stimullaşdırmaq, bank sisteminin inkişafını sürətləndirməkdir. Bu qanunun tələblərinin pozulması qanunla müəyyən edilmiş məsuliyyətə səbəb olur. Qiymətli metallar deyəndə istənilən şəkildə, vəziyyətdə, o cümlədən külçə və affinaj olunmuş (saflaşdırılmış, təmizlənmiş halda), habelə xammalda, xəlitələrdə, yarımfabrikatlarda, sənaye məhsullarında, kimyəvi birləşmələrdə, zərgərlik və digər məişət məmulatlarında, sikkələrdə, qırıntılarda, istehsal və məişət tullantılarında olan qızıl, gümüş, platin və platin qrupu metallan (palladium, iridium, osmium, rodium və rutenum) nəzərdə tutulur. Qiymətli daşlar deyəndə işlənilmiş və işlənilməmiş şəkildə olan təbii almazlar, zümrüdlər, yaqutlar, sapfirlər, aleksandritlər nəzərdə tutulur.

2023

xəbərlər

ru_AZ

milli məclis, qiymətli daş, qanun, qanun layihəsi