https://sputnik.az/20230906/avropa-ttifaqinin-beyanatinda-regiondaki-son-veziyyetden-narahatliq-ifade-olunub-458373357.html
Avropa İttifaqının bəyanatında regiondakı son vəziyyətdən narahatlıq ifadə olunub
Avropa İttifaqının bəyanatında regiondakı son vəziyyətdən narahatlıq ifadə olunub
Sputnik Azərbaycan
Aİ Ermənistan və Azərbaycan arasında dialoqun asanlaşdırılmasına və regiondakı bütün xalqların rifahı naminə Cənubi Qafqazda sülhün və təhlükəsizliyin... 06.09.2023, Sputnik Azərbaycan
2023-09-06T20:40+0400
2023-09-06T20:40+0400
2023-09-06T20:40+0400
avropa ittifaqı
siyasət
beynəlxalq qırmızı xaç komitəsi
azərbaycan qızıl aypara cəmiyyəti
qızıl aypara
ermənistan
https://cdnn1.img.sputnik.az/img/07e6/04/16/441333645_0:0:3355:1887_1920x0_80_0_0_5b700405913e131937101c5a9d2740a8.jpg
BAKI, 6 sentyabr — Sputnik. "Avropa İttifaqı (Aİ) Ermənistan və Azərbaycan arasında dialoqun asanlaşdırılmasına və regiondakı bütün xalqların rifahı naminə Cənubi Qafqazda sülhün və təhlükəsizliyin möhkəmləndirilməsi istiqamətində səyləri dəstəkləməyə tam sadiqdir". Bu barədə Avropa İttifaqının bəyanatında bildirilib. Bəyanatda regiondakı son vəziyyətdən narahatlıq ifadə olunub. Qeyd olunub ki, iyunun 15-dən etibarən Laçın dəhlizi demək olar ki, sporadik tibbi evakuasiyalar istisna olmaqla bağlanıb. Aİ Beynəlxalq Qızıl Xaç Komitəsinin regiondakı fəaliyyətinə maneələr törədildiyinə görə təəssüflənir və humanitar yüklərin daşınması da daxil olmaqla, hərəkətin bərpasına çağırış edir. Bəyanatda deyilir ki, Aİ Azərbaycan hakimiyyətinin Ağdam şəhəri vasitəsilə malların tədarükünə hazır olduğunu qeydə alıb. Eyni zamanda Aİ qəti şəkildə inanır ki, Laçın dəhlizi açılmalıdır. Aİ-nin bəyanatında Azərbaycan və Ermənistan arasında sərhəd boyunca artan gərginlik də vurğulanıb. "Atışma ilə bağlı insidentlər barədə demək olar ki, hər gün bildirilir. Biz bütün tərəfləri növbəti insidentlərin qarşısını almağa və dialoqa dair öhdəlik götürməyə çağırırıq. Aİ-nin Ermənistandakı missiyası (EUMA) vəziyyəti yerində müşahidə etmək və hesabat vermək üçün Ermənistan və Azərbaycan arasındakı beynəlxalq sərhədin Ermənistan tərəfində patrul xidməti həyata keçirir. Missiyanın məqsədi münaqişənin həllinə töhfə vermək və Ermənistan və Azərbaycan arasında inam və etimadın yaradılmasıdır", - deyə vurğulanır. Aİ tərəfləri təmkinli olmağa və dialoqa getməyə çağırır. Bəyanatda deyilir ki, yerli mülki əhalinin rifahı naminə regionda davamlı sülh və sabitliyi təmin etmək üçün Ermənistan və Azərbaycan arasında etimadın bərpası üçün davamlı səylər lazımdır. Ərazidəki humanitar böhranın həlli, eyni zamanda, Qarabağ ermənilərinin hüquq və təhlükəsizliyi və digər məsələlərlə bağlı Bakı ilə keçmiş Dağlıq Qarabağ Muxtar Vilayətində yaşayan ermənilərin nümayəndələri arasında tez bir zamanda dialoqun qurulması mühüm əhəmiyyət kəsb edir. Bəyanatda xatırladılır ki, bu il iyulun 15-də Aİ Şurası prezidenti Mişel, Azərbaycan Prezidenti İlham Əliyev və Ermənistanın Baş naziri Nikol Paşinyanla keçirilən son üçtərəfli görüşdə iki ölkə liderləri sülh prosesinə sadiq olduqlarını bir daha bəyan ediblər. "Onlar digər ölkənin ərazi bütövlüyü və suverenliyinə tam hörmət etdiklərini və sərhədlərin delimitasiyası üçün siyasi çərçivə kimi 1991-ci il Almatı Bəyannaməsinə birmənalı sadiqliklərini bir daha təsdiq ediblər. Sərhədin yekun delimitasiyası danışıqlar yolu ilə razılaşdırılmalıdır. Delimitasiya üzrə gələcək əhəmiyyətli irəliləyiş gərginliyin azaldılmasında, beynəlxalq sərhəddə anlaşılmazlıqların və insidentlərin qarşısının alınmasında mühüm amildir. Sülh və normallaşma danışıqları üçün əlverişli mühit yaratmaq üçün zorakılıq, təhdidlər, sərt ritorika və dezinformasiyanın yayılması dayandırılmalıdır. Yaxşı niyyətlə dialoqa sadiqlik həmişə olduğu kimi aktual olaraq qalır. Bu, bütün tərəflərdən işləmək üçün həqiqi öhdəlik tələb edir. Humanitar məsələlər həll edilməli və etimadın bərpası üçün təcili olaraq konkret addımlar atılmalıdır. Aİ Ermənistan və Azərbaycan arasında dialoqun asanlaşdırılmasına və regiondakı bütün xalqların rifahı naminə Cənubi Qafqazda sülhün və təhlükəsizliyin möhkəmləndirilməsi səylərini dəstəkləməyə tam sadiqdir. Biz Ermənistanla Azərbaycan arasında münaqişənin həlli üçün son aylarda yaranmış imkanı itirməməliyik. Danışıqların davam etdirilməsi vacibdir.
https://sputnik.az/20230906/abs-dan-azerbaycan-kritik-zeng-blinken-lham-eliyeve-ne-deyib-458374592.html
Sputnik Azərbaycan
media@sputniknews.com
+74956456601
MIA „Rossiya Segodnya“
2023
Sputnik Azərbaycan
media@sputniknews.com
+74956456601
MIA „Rossiya Segodnya“
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rossiya Segodnya“
Sputnik Azərbaycan
media@sputniknews.com
+74956456601
MIA „Rossiya Segodnya“
avropa ittifaqı, beynəlxalq qırmızı xaç komitəsi, azərbaycan qızıl aypara cəmiyyəti, qızıl aypara, ermənistan
avropa ittifaqı, beynəlxalq qırmızı xaç komitəsi, azərbaycan qızıl aypara cəmiyyəti, qızıl aypara, ermənistan
Avropa İttifaqının bəyanatında regiondakı son vəziyyətdən narahatlıq ifadə olunub
Aİ Ermənistan və Azərbaycan arasında dialoqun asanlaşdırılmasına və regiondakı bütün xalqların rifahı naminə Cənubi Qafqazda sülhün və təhlükəsizliyin möhkəmləndirilməsi səylərini dəstəkləməyə tam sadiqdir.
BAKI, 6 sentyabr — Sputnik. "Avropa İttifaqı (Aİ) Ermənistan və Azərbaycan arasında dialoqun asanlaşdırılmasına və regiondakı bütün xalqların rifahı naminə Cənubi Qafqazda sülhün və təhlükəsizliyin möhkəmləndirilməsi istiqamətində səyləri dəstəkləməyə tam sadiqdir".
Bu barədə Avropa İttifaqının bəyanatında bildirilib.
Bəyanatda regiondakı son vəziyyətdən narahatlıq ifadə olunub. Qeyd olunub ki, iyunun 15-dən etibarən Laçın dəhlizi demək olar ki, sporadik tibbi evakuasiyalar istisna olmaqla bağlanıb.
Aİ Beynəlxalq Qızıl Xaç Komitəsinin regiondakı fəaliyyətinə maneələr törədildiyinə görə təəssüflənir və humanitar yüklərin daşınması da daxil olmaqla, hərəkətin bərpasına çağırış edir.
Bəyanatda deyilir ki, Aİ Azərbaycan hakimiyyətinin Ağdam şəhəri vasitəsilə malların tədarükünə hazır olduğunu qeydə alıb. Eyni zamanda Aİ qəti şəkildə inanır ki, Laçın dəhlizi açılmalıdır.
Aİ-nin bəyanatında Azərbaycan və Ermənistan arasında sərhəd boyunca artan gərginlik də vurğulanıb.
"Atışma ilə bağlı insidentlər barədə demək olar ki, hər gün bildirilir. Biz bütün tərəfləri növbəti insidentlərin qarşısını almağa və dialoqa dair öhdəlik götürməyə çağırırıq. Aİ-nin Ermənistandakı missiyası (EUMA) vəziyyəti yerində müşahidə etmək və hesabat vermək üçün Ermənistan və Azərbaycan arasındakı beynəlxalq sərhədin Ermənistan tərəfində patrul xidməti həyata keçirir. Missiyanın məqsədi münaqişənin həllinə töhfə vermək və Ermənistan və Azərbaycan arasında inam və etimadın yaradılmasıdır", - deyə vurğulanır.
Aİ tərəfləri təmkinli olmağa və dialoqa getməyə çağırır. Bəyanatda deyilir ki, yerli mülki əhalinin rifahı naminə regionda davamlı sülh və sabitliyi təmin etmək üçün Ermənistan və Azərbaycan arasında etimadın bərpası üçün davamlı səylər lazımdır. Ərazidəki humanitar böhranın həlli, eyni zamanda, Qarabağ ermənilərinin hüquq və təhlükəsizliyi və digər məsələlərlə bağlı Bakı ilə keçmiş Dağlıq Qarabağ Muxtar Vilayətində yaşayan ermənilərin nümayəndələri arasında tez bir zamanda dialoqun qurulması mühüm əhəmiyyət kəsb edir.
Bəyanatda xatırladılır ki, bu il iyulun 15-də Aİ Şurası prezidenti Mişel, Azərbaycan Prezidenti İlham Əliyev və Ermənistanın Baş naziri Nikol Paşinyanla keçirilən son üçtərəfli görüşdə iki ölkə liderləri sülh prosesinə sadiq olduqlarını bir daha bəyan ediblər. "Onlar digər ölkənin ərazi bütövlüyü və suverenliyinə tam hörmət etdiklərini və sərhədlərin delimitasiyası üçün siyasi çərçivə kimi 1991-ci il Almatı Bəyannaməsinə birmənalı sadiqliklərini bir daha təsdiq ediblər. Sərhədin yekun delimitasiyası danışıqlar yolu ilə razılaşdırılmalıdır. Delimitasiya üzrə gələcək əhəmiyyətli irəliləyiş gərginliyin azaldılmasında, beynəlxalq sərhəddə anlaşılmazlıqların və insidentlərin qarşısının alınmasında mühüm amildir.
Sülh və normallaşma danışıqları üçün əlverişli mühit yaratmaq üçün zorakılıq, təhdidlər, sərt ritorika və dezinformasiyanın yayılması dayandırılmalıdır. Yaxşı niyyətlə dialoqa sadiqlik həmişə olduğu kimi aktual olaraq qalır. Bu, bütün tərəflərdən işləmək üçün həqiqi öhdəlik tələb edir. Humanitar məsələlər həll edilməli və etimadın bərpası üçün təcili olaraq konkret addımlar atılmalıdır.
Aİ Ermənistan və Azərbaycan arasında dialoqun asanlaşdırılmasına və regiondakı bütün xalqların rifahı naminə Cənubi Qafqazda sülhün və təhlükəsizliyin möhkəmləndirilməsi səylərini dəstəkləməyə tam sadiqdir. Biz Ermənistanla Azərbaycan arasında münaqişənin həlli üçün son aylarda yaranmış imkanı itirməməliyik. Danışıqların davam etdirilməsi vacibdir.
