https://sputnik.az/20230830/azerbaycan-serhedini-pozmaga-calisan-elcezair-vetendaslari-saxlanilib---foto-458167250.html

Azərbaycan sərhədini pozmağa çalışan Əlcəzair vətəndaşları saxlanılıb - FOTO

Azərbaycan sərhədini pozmağa çalışan Əlcəzair vətəndaşları saxlanılıb - FOTO

Sputnik Azərbaycan

Araşdırma zamanı saxlanılan şəxslərin ölkə ərazisinə rəsmi qaydada gəlmələri, dövlət sərhədini pozaraq Azərbaycan Respublikasından Gürcüstan Respublikasına... 30.08.2023, Sputnik Azərbaycan

2023-08-30T15:04+0400

2023-08-30T15:04+0400

2023-08-30T15:04+0400

dövlət

cəmiyyət

dsx

saxlanılan şəxs

https://cdnn1.img.sputnik.az/img/07e7/08/1e/458166553_0:185:1200:860_1920x0_80_0_0_50f1e1f34d3ef296b0db330ef781a0c1.jpg

BAKI, 30 avqust — Sputnik. Avqustun 30-da saat 07:20-də Dövlət Sərhəd Xidmətinin Sərhəd Qoşunlarının "Şəmkir" sərhəd dəstəsinin Ağstafa rayonunun Sadıqlı kəndi yaxınlığında yerləşən sərhəd zastavasının xidməti ərazisində, dövlət sərhədini pozaraq qanunsuz yolla Azərbaycan Respublikasından Gürcüstan Respublikasına keçməyə cəhd göstərən Əlcəzair Xalq Demokratik Respublikası vətəndaşları 1969-cu il təvəllüdlü Amair Ziane və 1999-cu il təvəllüdlü Belkhatır Mohammed-Fodil sərhəd naryadı tərəfindən saxlanılıb. Bu barədə Dövlət Sərhəd Xidmətinin Mətbuat Mərkəzi məlumat yayıb. Araşdırma zamanı saxlanılan şəxslərin ölkə ərazisinə rəsmi qaydada gəlmələri, dövlət sərhədini pozaraq Azərbaycan Respublikasından Gürcüstan Respublikasına, oradan isə Avropa ölkələrindən birinə miqrasiya etmək niyyətində olduqları müəyyən edilib. Fakt üzrə əməliyyat-istintaq tədbirləri davam etdirilir. Xatırladaq ki, Dövlət Sərhəd Xidməti tərəfindən 2023-cü ilin iyul ayı ərzində dövlət sərhədinin еtibarlı mühafizəsinin təmin edilməsi, qaçaqmalçılıq, qеyri-lеqal miqrasiya, narkоtik vasitələrin qanunsuz dövriyyəsinə qarşı mübarizə tədbirləri davam еtdirilib. Ay ərzində dövlət sərhədini pоzduqlarına görə 46 nəfər saxlanılıb, оnların 27-si Azərbaycan, 6-ı Pakistan, 6-ı İran, 2-i Şri-Lanka, 2-i Əlcəzair, 1-i Nepal, 1-i Konqo və 1-i Hindistan vətəndaşları оlub. Qanunsuz miqrasiya ilə mübarizə tədbirləri çərçivəsində 32 nəfər saxta tarix möhürü, saxtalaşdırılmış pasport və özgəsinə məxsus sənədlə dövlət sərhədini keçməyə cəhd göstərib. Sərhəd rеjim qaydalarını pozduqlarına görə 979 nəfər saxlanılaraq barələrində müvafiq tədbirlər görülüb. Cinayətkarlığa qarşı mübarizə tədbirləri nəticəsində Azərbaycan Rеspublikası hüquq-mühafizə оrqanları tərəfindən axtarışda оlan 323 nəfər aşkarlanaraq aidiyyəti оrqanlara təhvil vеrilib, ölkədən çıxışı qadağan olunan 538 nəfərin ölkəni tərk etməsinin, girişi qadağan olunan 24 nəfərin Azərbaycan Respublikasına daxil olmasının qarşısı alınıb. Narkоtik vasitələrin qеyri-qanuni dövriyyəsinə qarşı mübarizə tədbirləri çərçivəsində 173 kiloqram 528 qram narkоtik vasitə və narkotik tərkibli güclü təsiredici vasitə hesab edilən 9088 ədəd həb aşkarlanaraq dövriyədən çıxarılıb. Qaçaqmalçılıq fəaliyyətinə qarşı həyata kеçirilmiş mübarizə tədbirləri nəticəsində ümumi dəyəri 2 milyon 874 min 42 manat оlan qaçaqmal, о cümlədən narkotik vasitə, pnevmatik tapança, patron, dərman preparatları və tütün məmulatları saxlanılıb.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

2023

xəbərlər

ru_AZ

dövlət, dsx, saxlanılan şəxs