XİN Ballıqaya qətliamının ildönümü ilə əlaqədar paylaşım edib
10:35 28.08.2023 (Yenilənib: 10:52 28.08.2023)
© Sputnik / Murad Orudjev
Abunə olmaq
Nazirliyin paylaşımda qeyd olunub ki, 31 il əvvəl avqustun 28-də Ermənistan silahlı qüvvələri tərəfindən Azərbaycanın Goranboy rayonunun Ballıqaya kəndində 24 mülki azərbaycanlı vəhşicəsinə qətlə yetirilib.
BAKI, 28 avqust — Sputnik. Azərbaycan Xarici İşlər Nazirliyi Ballıqaya qətliamının 31-ci ildönümü ilə əlaqədar paylaşım edib.
Nazirliyin "X" hesabında edilən paylaşımda qeyd olunub ki, 31 il əvvəl avqustun 28-də Ermənistan silahlı qüvvələri tərəfindən Azərbaycanın Goranboy rayonunun Ballıqaya kəndində 6-sı azyaşlı olmaqla 24 mülki azərbaycanlı vəhşicəsinə qətlə yetirilib.
"Qətlə yetirilənlər arasında 6 aylıq körpə və 93 yaşlı qadın da var", - paylaşımda qeyd olunub.
On this day, 31 years ago, a horrifying massacre was committed by the Armenian armed forces in the village of #Balligaya, Goranboy region of Azerbaijan, when 24 Azerbaijani civilians including 6 minors, as well as a 6-month-old baby and a 93-year-old woman were brutally killed. pic.twitter.com/1NzrjBnsQu
— MFA Azerbaijan (@AzerbaijanMFA) August 28, 2023
Qeyd edək ki, 1992-ci ilin avqust ayının son günlərində məcburi köçkünlük həyatı yaşayan, Azərbaycanın fərqli bölgələrində məskunlaşan, yaxın qohumluq münasibətləri olan bu ailələr məskunlaşdıqları ərazilərin heyvandarlıq üçün əlverişsiz olduğundan məsləhətləşmələr apardıqdan sonra heyvandarlıq üçün daha əlverişli şərait yaratmaq məqsədi ilə Goranboy rayonunun Ballıqaya kəndinin ərazisində yerləşən Gülüstan meşəsi adlanan ərazisində alaçıqda (çadırda) məskunlaşıblar.
28 avqust 1992-ci il tarixdə səhər saat 5 radələrində Ermənistan Silahlı Qüvvələrinin yaratdığı diversiya qrupunun 10-12 nəfər üzvü alaçıqları xüsusi amansızlıqla, iri çaplı silahlardan və qumbaraatanlardan atəşə tutdu. Atəş nəticəsində dinc sakinlərdən 24 nəfər şəhid oldu
