https://sputnik.az/20230825/aqrar-nnovasiya-festivalinda-rusiya-azerbaycan-tarla-gunu-2023-kecirildi---fotolar-458041322.html

Aqrar İnnovasiya Festivalında "Rusiya-Azərbaycan tarla günü-2023" keçirildi - Fotolar

Aqrar İnnovasiya Festivalında "Rusiya-Azərbaycan tarla günü-2023" keçirildi - Fotolar

Sputnik Azərbaycan

Festival çərçivəsində toxum sərgi-satış yarmarkası, kənd təsərrüfatı təyinatlı texnologiya və avadanlıqların sərgi və nümayişi, "Rusiya-Azərbaycan tarla günü ... 25.08.2023, Sputnik Azərbaycan

2023-08-25T19:01+0400

2023-08-25T19:01+0400

2023-08-25T19:01+0400

sərgi

cəmiyyət

rusiya

aqrar

kənd təsərrüfatı

kənd təsərrüfatı nazirliyi

fermer

https://cdnn1.img.sputnik.az/img/07e7/08/19/458035760_0:131:2500:1537_1920x0_80_0_0_e48ce30750b9b983a03e433d670acdfc.jpg

BAKI, 25 avqust — Sputnik. Kənd Təsərrüfatı Nazirliyinin Aqrar İnnovasiya Mərkəzinin təşkilatçılığı ilə Ağstafa rayonunda növbəti Aqrar İnnovasiya Festivalı keçirilib. Bu barədə Kənd Təsərrüfatı Nazirliyinin Aqrar İnnovasiya Mərkəzi məlumat yayıb. Aqrar İnnovasiya Mərkəzi, Aqrar Xidmətlər Agentliyi, Dövlət Toxum Fondu, Azərbaycan Toxumçular Assosiasiyasının təşkilatçılığı ilə Ağstafa Aqrar Sənaye Kompleksinin ərazisində təşkil edilən festival çərçivəsində mövsümün növbəti toxum sərgi-satış yarmarkası baş tutub. Toxum sərgi-satış yarmarkasında Ağstafa, Tovuz, Qazax, Şəmkir, Gədəbəy, Göygöl, Samux, Goranboy, Daşkəsən rayonlarından toxum istehsalçıları və fermerlər qatılıb. Festival zamanı toxumçuluq fəaliyyəti ilə məşğul olan fermerlərə "Tərəvəz toxumlarının innovativ üsullarla istehsalı" mövzusunda təlim keçirilib. Toxumçularla müzakirələr aparılıb, fermerləri maraqlandırılan suallar ətraflı cavablandırılıb, müvafiq məsləhət və tövsiyələr verilib. Festival çərçivəsində toxum sərgi-satış yarmarkası, kənd təsərrüfatı təyinatlı texnologiya və avadanlıqların sərgi və nümayişi, "Rusiya-Azərbaycan tarla günü - 2023" keçirilib. Festivalda Kənd Təsərrüfatı Nazirliyinin və digər dövlət müəssisələrinin qurumları öz fəaliyyətləri və xidmətləri barədə məlumat verib, eləcə də aqrar sahədə fəaliyyət göstərən 60-dan artıq yerli və xarici şirkət məhsullarını nümayiş etdiriblər. Festival zamanı "Rusiya-Azərbaycan tarla günü-2023" çərçivəsində Rusiyanın ixtisaslaşdırılmış texnika bazarının seçilən 14 şirkəti öz məhsul və avadanlıqlarını sərgiləyib. Tədbir boyunca Rusiyanın aparıcı kənd təsərrüfatı maşınqayırma müəssisələri öz texnika və avadanlıqlarını əyani şəkildə sərgiləməklə yanaşı, məhsullarının təqdimatlarını və sınağını yerli şirkət və fermerlərə göstərmək imkanı əldə ediblər. Rusiya Ticarət və Sənaye Nazirliyinin təşkilatçılığı və Rusiyanın Azərbaycandakı Ticarət Nümayəndəliyinin tərəfdaşlığı ilə keçirilən tədbirdə "Azərbaycan və Rusiya kənd təsərrüfatı və qida mühəndəsliyi sahələri üzrə əməkdaşlığın inkişafı üzrə" mövzuda dəyirmi masa keçirilib. Dəyirmi masa ətrafında yerli və xarici şirkətlər, dövlət qurumlarının mütəxəssisləri arasında müzakirələr aparılıb.

2023

xəbərlər

ru_AZ

sərgi, rusiya, aqrar, kənd təsərrüfatı, kənd təsərrüfatı nazirliyi, fermer