https://sputnik.az/20230809/azerbaycan-bazarinda-niderlanddan-getirilen-qizilguller-niye-azalib-457570615.html
Azərbaycan bazarında Niderlanddan gətirilən qızılgüllər niyə azalıb?
Azərbaycan bazarında Niderlanddan gətirilən qızılgüllər niyə azalıb?
Sputnik Azərbaycan
Azərbaycan hər il təxminə 3 milyon ədəd qızılgül idxal etsə də, daxili tələbat daha çox yerli istehsal hesabına ödənilir. 09.08.2023, Sputnik Azərbaycan
2023-08-09T19:18+0400
2023-08-09T19:18+0400
2023-08-09T19:18+0400
qızılgül
cəmiyyət
niderland
https://cdnn1.img.sputnik.az/img/40927/76/409277613_0:0:1800:1014_1920x0_80_0_0_7d5ab60428d054b0f3e638c5e1dca89a.jpg
BAKI, 9 avqust — Sputnik. Son illər Azərbaycanın gül bazarında Niderlanddan gətirilən qızılgüllərin azalması müşahidə edilir. Bunu rəsmi statistika da təsdiqləyir. Dövlət Statistika Komitəsinin məlumatına görə, 2022-ci ildə ölkəyə Niderlanddan 189 min ədəd qızılgül gətirilib ki, bu da qızılgül idxalının cəmi 6 %-ni təşkil edib. Halbuki, 2020-ci ildə Niderland Azərbaycana 476,4 min ədəd qızılgül ixrac etmişdi və bu ölkənin idxalda payı 18 % olmuşdu. Azərbaycanın Niderlanddan qızılgül tədarükünün həcmi azalsa da, əvəzində bu məhsulun qiyməti 2 dəfə artıb. Əgər 2020-ci ildə ölkəyə bir ədəd qızılgül 0,7 ABŞ dollarına gətirilirdisə, 2022-ci ildə bu rəqəm 1,4 ABŞ dolları olub. Azərbaycan bazarında Niderlanddan gətirilən qızılgüllər niyə azalıb? "Azərbaycan Gül İstehsalçıları, İdxalçıları və İxracatçıları Assosiasiyası" İctimai Birliyinin sədri Cavid Axundov deyir ki, Azərbaycana Niderlandla yanaşı Keniyadan, eləcə də Cənubi Amerikadan - Ekvador və Kolumbiyadan da qızılgül gətirilir. Elə bazarda Niderland qızılgüllərini sıxışdıran da həmin uzaq ölkələrdir. Xüsusilə Ekvador və Kolumbiya qızılgülləri nisbətən ucuz başa gəldiyi üçün Niderlanddan gətirilən qızılgüllərə tələbat və paralel olaraq onların idxalı da azalıb. Azərbaycan hər il təxminə 3 milyon ədəd qızılgül idxal etsə də, daxili tələbat daha çox yerli istehsal hesabına ödənilir. C.Axundovun sözlərinə görə, hər il ölkədə təxminən 15 milyon ədəd qızılgül istehsal olunur. Bunun 12 milyon ədədi və yaxud 80 %-i daxili bazarda satılır. Xeyli sayda qızılgül isə xarici ölkələrin bazarlarına çıxarılır, əsasən Rusiyaya ixrac olunur. "Yerli qızılgül xaricdən gətiriləndən elə də fərqlənmir. Azərbaycanda qızılgül istehsal edən 4 iri istixana kompleksi var. Bu komplekslər sənaye üsulu ilə qızılgül istehsal edirlər. Ondan başqa bizim daxili bazarda tülpan, gerbera, qərənfil, pion kimi güllər də mövcuddur. Son zamanlar ölkədə istehsal olunan qızılgüllərin keyfiyyəti kəskin artıb. Buna görə də alıcılar yerli mala üstünlük verirlər. Hazırda gül satışında zəif dövrdür. Həm yayda qızılgül balacalaşır, həm onun istehsalı azalır, həm də insanlar istirahətdə olduğu üçün tələbat olmur. Odur ki, bazarda durğunluq var", - deyə o qeyd edib. (Report.az).
Sputnik Azərbaycan
media@sputniknews.com
+74956456601
MIA „Rosiya Segodnya“
2023
Sputnik Azərbaycan
media@sputniknews.com
+74956456601
MIA „Rosiya Segodnya“
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rosiya Segodnya“
Sputnik Azərbaycan
media@sputniknews.com
+74956456601
MIA „Rosiya Segodnya“
qızılgül, niderland
Azərbaycan bazarında Niderlanddan gətirilən qızılgüllər niyə azalıb?
Azərbaycan hər il təxminə 3 milyon ədəd qızılgül idxal etsə də, daxili tələbat daha çox yerli istehsal hesabına ödənilir.
BAKI, 9 avqust — Sputnik. Son illər Azərbaycanın gül bazarında Niderlanddan gətirilən qızılgüllərin azalması müşahidə edilir.
Bunu rəsmi statistika da təsdiqləyir.
Dövlət Statistika Komitəsinin məlumatına görə, 2022-ci ildə ölkəyə Niderlanddan 189 min ədəd qızılgül gətirilib ki, bu da qızılgül idxalının cəmi 6 %-ni təşkil edib. Halbuki, 2020-ci ildə Niderland Azərbaycana 476,4 min ədəd qızılgül ixrac etmişdi və bu ölkənin idxalda payı 18 % olmuşdu.
Azərbaycanın Niderlanddan qızılgül tədarükünün həcmi azalsa da, əvəzində bu məhsulun qiyməti 2 dəfə artıb. Əgər 2020-ci ildə ölkəyə bir ədəd qızılgül 0,7 ABŞ dollarına gətirilirdisə, 2022-ci ildə bu rəqəm 1,4 ABŞ dolları olub.
Azərbaycan bazarında Niderlanddan gətirilən qızılgüllər niyə azalıb?
"Azərbaycan Gül İstehsalçıları, İdxalçıları və İxracatçıları Assosiasiyası" İctimai Birliyinin sədri Cavid Axundov deyir ki, Azərbaycana Niderlandla yanaşı Keniyadan, eləcə də Cənubi Amerikadan - Ekvador və Kolumbiyadan da qızılgül gətirilir. Elə bazarda Niderland qızılgüllərini sıxışdıran da həmin uzaq ölkələrdir. Xüsusilə Ekvador və Kolumbiya qızılgülləri nisbətən ucuz başa gəldiyi üçün Niderlanddan gətirilən qızılgüllərə tələbat və paralel olaraq onların idxalı da azalıb.
Azərbaycan hər il təxminə 3 milyon ədəd qızılgül idxal etsə də, daxili tələbat daha çox yerli istehsal hesabına ödənilir. C.Axundovun sözlərinə görə, hər il ölkədə təxminən 15 milyon ədəd qızılgül istehsal olunur. Bunun 12 milyon ədədi və yaxud 80 %-i daxili bazarda satılır. Xeyli sayda qızılgül isə xarici ölkələrin bazarlarına çıxarılır, əsasən Rusiyaya ixrac olunur.
"Yerli qızılgül xaricdən gətiriləndən elə də fərqlənmir. Azərbaycanda qızılgül istehsal edən 4 iri istixana kompleksi var. Bu komplekslər sənaye üsulu ilə qızılgül istehsal edirlər. Ondan başqa bizim daxili bazarda tülpan, gerbera, qərənfil, pion kimi güllər də mövcuddur. Son zamanlar ölkədə istehsal olunan qızılgüllərin keyfiyyəti kəskin artıb. Buna görə də alıcılar yerli mala üstünlük verirlər. Hazırda gül satışında zəif dövrdür. Həm yayda qızılgül balacalaşır, həm onun istehsalı azalır, həm də insanlar istirahətdə olduğu üçün tələbat olmur. Odur ki, bazarda durğunluq var", - deyə o qeyd edib. (Report.az).
