https://sputnik.az/20230727/eli-ehmedov-ssik-kula-niye-gedib-457181029.html
Əli Əhmədov İssık-Kula niyə gedib?
Əli Əhmədov İssık-Kula niyə gedib?
Sputnik Azərbaycan
Əli Əhmədovu İssık-Kula aparan səbəb nədir
2023-07-27T12:15+0400
2023-07-27T12:15+0400
2023-07-27T16:21+0400
qırğızıstan
cəmiyyət
əli əhmədov
https://cdnn1.img.sputnik.az/img/07e7/07/1b/457180863_0:46:1000:609_1920x0_80_0_0_7917daff1897c74a6c96b41cfe1414f2.jpg
BAKI, 27 iyul — Sputnik. İyulun 27-də Qırğız Respublikasının Çolpon-Ata şəhərində VII Beynəlxalq "İssık-Kul 2023" iqtisadi forumu keçirilib. Nazirlər Kabinetindən verilən xəbərə görə, Forumun işində Baş nazirin müavini Əli Əhmədovun başçılıq etdiyi nümayəndə heyəti iştirak edib. Qırğızıstan Respublikası Nazirlər Kabinetinin sədri Akılbek Joparov Ə.Əhmədov və digər forum iştirakçılarını salamlayıb. Forumda çıxış edən Ə.Əhmədov vurğulayıb ki, Azərbaycan regional və qlobal miqyasda əməkdaşlığın, sülh və dialoqun təmin edilməsinə yönəlmiş strateji kurs həyata keçirir. Qeyd olunub ki, Avropa və Asiyanın kəsişməsində yerləşən Azərbaycan regionda olan tərəfdaşları ilə birlikdə nəqliyyat kommunikasiyalarının inkişafına, regional və kontinental ticarətin genişlənməsinə istiqamətlənmiş təşəbbüslər və layihələrdə iştirak edir. Azərbaycan Şimal-Cənub və Şərq-Qərb Beynəlxalq nəqliyyat dəhlizləri, Bakı-Tbilisi-Qars və digər layihələr üzrə zəncirin mühüm halqasıdır. Ə.Əhmədov deyib: "Biz Azərbaycan ərazisindən keçməklə müxtəlif marşrutlar üzrə yükdaşımalarında illik artım müşahidə edirik. 2022-ci ilin yekunlarına görə, artım 75 faiz təşkil edib. Biz ölkəmizin ərazisindən keçməklə yükdaşımalarında sürətli artım gözləyirik". Forum iştirakçılarına Bakı Beynəlxalq Dəniz Ticarəti Limanının gücünün artırılması və Azərbaycanda doqquzuncu beynəlxalq aeroport və işğaldan azad olunmuş ərazilərdə üçüncü hava limanı olacaq Laçın Aeroportunun tikintisi barədə məlumat verilib. Bütün bu tədbirlər Azərbaycanın tranzit potensialının xeyli genişlənməsinə şərait yaradır ki, bu da daşımaların artması ilə bağlı problemlərin səmərəli həllinə kömək edəcək və beynəlxalq nəqliyyat dəhlizlərinin fasiləsiz işini təmin edəcək. Forumda qeyd edilib ki, Azərbaycanın Böyük İpək Yolunun bərpası və Orta Dəhlizin inkişafı üzrə strategiyası yüksək səviyyədə Çinin "Bir kəmər, bir yol" layihəsinin reallaşdırılmasına dair konsepsiya ilə üst-üstə düşür. Tədbir iştirakçılarının diqqətinə çatdırılıb ki, Azərbaycan Çinin təşəbbüsünü dəstəkləyən ilk ölkələrdən biri olub. Baş nazirin müavini, həmçinin Azərbaycanın Avropanın enerji təhlükəsizliyinin təmin edilməsində mühüm rolundan bəhs edib. Bu kontekstdə Xəzər regionunu Avropaya, qlobal energetika təhlükəsizliyi sisteminə birləşdirən Cənub Qaz Dəhlizinin qiymətli töhfəsi qeyd edilib. Təbii qazla yanaşı Azərbaycanın alternativ enerjinin inkişafı üçün böyük potensiala malik olduğunu vurğulayan Ə.Əhmədov deyib ki, dövlət başçısı 2030-cu ilə qədər bərpaolunan enerji mənbələrinin ölkənin energetika sistemində payının 30 faizə çatdırılmasına dair hökumət qarşısında vəzifə qoyub. Artıq bu istiqamətdə dünyanın qabaqcıl şirkətləri ilə birgə iri layihələr həyata keçirilir. Baş nazirin müavini, həmçinin Qırğızıstanı sosial-iqtisadi sahədə əldə olunmuş uğurlar münasibətilə təbrik edib. Qeyd olunub ki, Qırğızıstanda mühüm dövlət proqramları səmərəli şəkildə həyata keçirilir, əhalinin rifah halı yaxşılaşır, ölkənin investisiya cəlbediciliyi artır.
Sputnik Azərbaycan
media@sputniknews.com
+74956456601
MIA „Rossiya Segodnya“
2023
Sputnik Azərbaycan
media@sputniknews.com
+74956456601
MIA „Rossiya Segodnya“
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rossiya Segodnya“
Sputnik Azərbaycan
media@sputniknews.com
+74956456601
MIA „Rossiya Segodnya“
issık-kul əli əhmədov
Əli Əhmədov İssık-Kula niyə gedib?
12:15 27.07.2023 (Yenilənib: 16:21 27.07.2023) Baş nazirin müavini forum iştirakçılarına deyib ki, Azərbaycan Şimal-Cənub və Şərq-Qərb Beynəlxalq nəqliyyat dəhlizləri, Bakı-Tbilisi-Qars və digər layihələr üzrə zəncirin mühüm halqasıdır.
BAKI, 27 iyul — Sputnik. İyulun 27-də Qırğız Respublikasının Çolpon-Ata şəhərində VII Beynəlxalq "İssık-Kul 2023" iqtisadi forumu keçirilib.
Nazirlər Kabinetindən verilən xəbərə görə, Forumun işində Baş nazirin müavini Əli Əhmədovun başçılıq etdiyi nümayəndə heyəti iştirak edib.
Qırğızıstan Respublikası Nazirlər Kabinetinin sədri Akılbek Joparov Ə.Əhmədov və digər forum iştirakçılarını salamlayıb. Forumda çıxış edən Ə.Əhmədov vurğulayıb ki, Azərbaycan regional və qlobal miqyasda əməkdaşlığın, sülh və dialoqun təmin edilməsinə yönəlmiş strateji kurs həyata keçirir.
Qeyd olunub ki, Avropa və Asiyanın kəsişməsində yerləşən Azərbaycan regionda olan tərəfdaşları ilə birlikdə nəqliyyat kommunikasiyalarının inkişafına, regional və kontinental ticarətin genişlənməsinə istiqamətlənmiş təşəbbüslər və layihələrdə iştirak edir.
Azərbaycan Şimal-Cənub və Şərq-Qərb Beynəlxalq nəqliyyat dəhlizləri, Bakı-Tbilisi-Qars və digər layihələr üzrə zəncirin mühüm halqasıdır. Ə.Əhmədov deyib: "Biz Azərbaycan ərazisindən keçməklə müxtəlif marşrutlar üzrə yükdaşımalarında illik artım müşahidə edirik. 2022-ci ilin yekunlarına görə, artım 75 faiz təşkil edib. Biz ölkəmizin ərazisindən keçməklə yükdaşımalarında sürətli artım gözləyirik".
Forum iştirakçılarına Bakı Beynəlxalq Dəniz Ticarəti Limanının gücünün artırılması və Azərbaycanda doqquzuncu beynəlxalq aeroport və işğaldan azad olunmuş ərazilərdə üçüncü hava limanı olacaq Laçın Aeroportunun tikintisi barədə məlumat verilib. Bütün bu tədbirlər Azərbaycanın tranzit potensialının xeyli genişlənməsinə şərait yaradır ki, bu da daşımaların artması ilə bağlı problemlərin səmərəli həllinə kömək edəcək və beynəlxalq nəqliyyat dəhlizlərinin fasiləsiz işini təmin edəcək.
Forumda qeyd edilib ki, Azərbaycanın Böyük İpək Yolunun bərpası və Orta Dəhlizin inkişafı üzrə strategiyası yüksək səviyyədə Çinin "Bir kəmər, bir yol" layihəsinin reallaşdırılmasına dair konsepsiya ilə üst-üstə düşür. Tədbir iştirakçılarının diqqətinə çatdırılıb ki, Azərbaycan Çinin təşəbbüsünü dəstəkləyən ilk ölkələrdən biri olub.
Baş nazirin müavini, həmçinin Azərbaycanın Avropanın enerji təhlükəsizliyinin təmin edilməsində mühüm rolundan bəhs edib. Bu kontekstdə Xəzər regionunu Avropaya, qlobal energetika təhlükəsizliyi sisteminə birləşdirən Cənub Qaz Dəhlizinin qiymətli töhfəsi qeyd edilib.
Təbii qazla yanaşı Azərbaycanın alternativ enerjinin inkişafı üçün böyük potensiala malik olduğunu vurğulayan Ə.Əhmədov deyib ki, dövlət başçısı 2030-cu ilə qədər bərpaolunan enerji mənbələrinin ölkənin energetika sistemində payının 30 faizə çatdırılmasına dair hökumət qarşısında vəzifə qoyub. Artıq bu istiqamətdə dünyanın qabaqcıl şirkətləri ilə birgə iri layihələr həyata keçirilir.
Baş nazirin müavini, həmçinin Qırğızıstanı sosial-iqtisadi sahədə əldə olunmuş uğurlar münasibətilə təbrik edib. Qeyd olunub ki, Qırğızıstanda mühüm dövlət proqramları səmərəli şəkildə həyata keçirilir, əhalinin rifah halı yaxşılaşır, ölkənin investisiya cəlbediciliyi artır.
