https://sputnik.az/20230722/abs-dan-taxil-sazisi-ile-bagli-turkiyeye-cagiris-vasitecilik-roluna-geri-qayidin-457037991.html

ABŞ-dan taxıl sazişi ilə bağlı Türkiyəyə çağırış: Vasitəçilik roluna geri qayıdın

ABŞ-dan taxıl sazişi ilə bağlı Türkiyəyə çağırış: Vasitəçilik roluna geri qayıdın

Sputnik Azərbaycan

2022-ci il iyulun 22-də Rusiya, Türkiyə, Ukrayna və BMT nümayəndələri tərəfindən imzalanan Qara Dəniz Təşəbbüsü Odessa da daxil olmaqla üç limandan Ukrayna... 22.07.2023, Sputnik Azərbaycan

2023-07-22T17:37+0400

2023-07-22T17:37+0400

2023-07-22T17:38+0400

taxıl

dünya xəbərləri

saziş

abş

türkiyə

rəcəb tayyip ərdoğan

entoni blinken

https://cdnn1.img.sputnik.az/img/07e6/08/18/445332691_0:160:3073:1889_1920x0_80_0_0_bcbfd24835174d4bd9e7017ec842469d.jpg

BAKI, 22 iyul - Sputnik. Rusiya taxıl sazişində iştirakını dayandırdıqdan sonra ABŞ Türkiyəyə taxıl sazişi ilə bağlı çağırış edib. Türkiyə mətbuatının yazdığına görə, ABŞ dövlət katibi Antoni Blinken deyib ki, biz Türkiyənin daha əvvəl etdiyi kimi, bu yolun bərpasında vasitəçilik rolunu öz üzərinə götürməsini gözləyirik. Blinken əlavə edib ki, Türkiyə taxıl sazişi təşəbbüsünün həyata keçirilməsində mühüm rol oynayıb, ilk növbədə BMT-nin Baş katibi Antonio Quterreşlə yaxından əməkdaşlıq edib. Buna görə də Türkiyənin bu işin yenidən yoluna qoyulmasında vasitəçilik rolunu oynamasını gözləyirik. Qeyd edək ki, Türkiyə prezidenti Rəcəb Tayyib Ərdoğan yaxın gələcəkdə taxıl müqaviləsinin yenidən bərpa ediləcəyini gözlədiyini bildirib. Türkiyə lideri Rusiya ilə telefon diplomatiyasına sadiq qalacağını qeyd edib. "Biz diplomatiyanın bütün vasitələrindən istifadə edəcəyik və bütün səylərimizi bu məsələyə yönəldəcəyik. Müharibə şəraitində bəşəriyyətə xidmət edən kompromis artıq əldə olunub və biz bunu davam etdirmək üçün əlimizdən gələni edəcəyik. Türkiyəyə qayıdandan sonra cənab Rusiya Prezidenti Vladimir Putinlə danışıqlar aparacağam. İlk növbədə, telefon diplomatiyasına riayət edəcəyik", - deyə Ərdoğan bildirib. İyulun 17-də Rusiya taxıl sazişində iştirakını dayandırdığını açıqlayıb. 2022-ci il iyulun 22-də Rusiya, Türkiyə, Ukrayna və BMT nümayəndələri tərəfindən imzalanan Qara Dəniz Təşəbbüsü Odessa da daxil olmaqla üç limandan Ukrayna taxılının və ərzaq məhsullarının, eləcə də gübrələrin Qara dəniz vasitəsilə ixracını nəzərdə tuturdu. Gəmilərin hərəkətinin koordinasiyası İstanbuldakı Birgə Koordinasiya Mərkəzi tərəfindən həyata keçirilirdi. Rusiya prezidenti Vladimir Putin qeyd edib ki, Qərb Ukrayna taxılının böyük hissəsini Afrikadakı ehtiyacı olan ölkələrə deyil, öz dövlətlərinə ixrac edir. Taxıl təşəbbüsü paket sazişinin tərkib hissəsidir. İkinci hissə - üç il müddətinə nəzərdə tutulmuş Rusiya-BMT memorandumu - Rusiyanın ərzaq və gübrə ixracının bərpasını nəzərdə tutur, əsas vəzifələr arasında Rusiya Kənd Təsərrüfatı Bankının SWIFT-ə yenidən qoşulması, kənd təsərrüfatı texnikasının tədarükünün bərpası, ehtiyat hissələri və xidmətlər, Toliyatti-Odessa ammonyak boru kəmərinin bərpası və bir sıra digər tədbirlərdir. Moskvada qeyd edib ki, paket sazişinin bu hissəsi həyata keçirilməyib.

2023

xəbərlər

ru_AZ

taxıl, saziş, abş, türkiyə, rəcəb tayyip ərdoğan, entoni blinken