https://sputnik.az/20230717/esas-meqsed-ermenistanla-azerbaycan-arasinda-sulh-sazisinin-imzalanmasidir---rusiya-xn-456893724.html
Əsas məqsəd Ermənistanla Azərbaycan arasında sülh sazişinin imzalanmasıdır - Rusiya XİN
Əsas məqsəd Ermənistanla Azərbaycan arasında sülh sazişinin imzalanmasıdır - Rusiya XİN
Sputnik Azərbaycan
Azərbaycanın səfiri bildirib ki, “Dostluq, əməkdaşlıq və qarşılıqlı təhlükəsizlik haqqında” müqaviləyə əsasən Rusiya Federasiyası Azərbaycan Respublikasının... 17.07.2023, Sputnik Azərbaycan
2023-07-17T19:51+0400
2023-07-17T19:51+0400
2023-07-17T20:27+0400
azərbaycan xəbərləri
rusiya
səfir
polad bülbüloğlu
xin
https://cdnn1.img.sputnik.az/img/40041/77/400417744_0:12:1001:575_1920x0_80_0_0_6626a1b37c9dea890cb6a2509b72f555.jpg
BAKI, 17 iyul - Sputnik. Azərbaycanın Rusiyadakı fövqəladə və səlahiyyətli səfiri Polad Bülbüloğlu Rusiya Federasiyasının xarici işlər nazirinin müavini Andrey Rudenko ilə görüşüb. Bu barədə Azərbaycanın Rusiyadakı Səfirliyinin yaydığı məlumatda deyilir. Səfirliyin mətbuat xidmətindən verilən məlumata görə, qarşılıqlı anlaşma şəraitində keçən görüşdə Andrey Rudenko Rusiya Xarici İşlər nazirliyinin məlum 15 iyul tarixli bəyanatı ilə bağlı Rusiya tərəfinin mövqeyini çatdıraraq bildirib ki, sözügedən bəyanatda Azərbaycanın ərazi bütövlüyü qəti şəkildə şübhə altına alınmır, onun əsas istiqaməti Qarabağ bölgəsində yaşayan ermənilərin hüquqlarının və təhlükəsizliyinin təmin edilməsi və Laçın dəhlizinin açılması məsələləri olub:Bundan əlavə, Andrey Rudenko Azərbaycanın ərazisində müvəqqəti yerləşdirilmiş Rusiya sülhməramlı qüvvələrinin fəaliyyətinə də toxunub.Polad Bülbüloğlu Azərbaycan tərəfinin qəti mövqeyini rusiyalı həmsöhbətinə çatdıraraq bildirib ki, Rusiya Federasiyası ilə Azərbaycan Respublikası arasında 1997-ci ildə imzalanmış “Dostluq, əməkdaşlıq və qarşılıqlı təhlükəsizlik haqqında” müqaviləyə əsasən Rusiya Federasiyası Azərbaycan Respublikasının ərazi bütövlüyünü birmənalı olaraq tanıyıb və heç vaxt ərazi bütövlüyümüzü şübhə altına almayıb. Bu səbəbdən də Rusiya XİN-in 15 iyul tarixli bəyanatı Azərbaycanda, o cümlədən millət vəkillərimizin, ekspert və politoloqlarımızın narazılığına səbəb olub.Ermənilərin Laçın sərhəd-nəzarət buraxılış məntəqəsindən sərbəst və maneəsiz şəkildə keçməsi üçün heç bir əngəlin olmadığını deyən Səfir, dəhlizin bağlanmasına səbəb kimi onun digər məqsədlər üçün istifadə edildiyini, o cümlədən hərbi sursatların, Beynəlxalq Qırmızı Xaç Komitəsinin humanitar yardımı altında qaçaq malların ərazilərimizə daşınması olduğunu diqqətə çatdırıb. Buna sübut olaraq çoxsaylı sənədlərin və videoların olduğunu söyləyib.Bununla belə, ölkəmizin Səfiri Rusiya sülhməramlı kontingentin fəaliyyətinə toxunaraq vurğulayıb ki, onun müşayiəti ilə ermənilər tərəfindən gizli dağ yolları ilə Xankəndinə müəyyən olmayan mallar daşınır, oradakı məktəblilərə hərbi təlimlər keçirilir ki, bütün bunlar da Azərbaycanda haqlı narazılığa səbəb olur, Rusiya-Azərbaycan münasibətlərinə kölgə salır.Polad Bülbüloğlu onu da həmkarının diqqətinə çatdırıb ki, iyulun 14-də Şuşada olarkən orada atəşkəsin pozulduğunun şahidi olub.Eyni zamanda Səfir Rusiya mətbuatında Azərbaycanın ərazi bütövlüyü ilə bağlı səslənən qərəzli fikirlərin də cəmiyyətimizdə, o cümlədən politoloq və ekspertlər arasında mənfi reaksiya doğurduğunu diqqətə çatdırıb.Polad Bülbüloğlu Xankəndində Ruben Vardanyanın təxribat xarakterli fəaliyyətindən bəhs edərkən, onun mövcud vəziyyətin normallaşmasına əngəllər törətdiyini vurğulayıb, cəmiyyətimizdə onun məhz Rusiya tərəfindən Xankəndinə göndərildiyi fikrinin formalaşdığını bildirib.Sülh müqaviləsinin Prezident İlham Əliyevin təşəbbüsü olduğunu deyən Azərbaycanın Səfiri, ölkəmiz üçün danışıqların harada aparılmasının əhəmiyyət kəsb etmədiyini, əsas məsələnin danışıqların davam etməsi və konkret nəticənin əldə edilməsinin olduğunu vurğulayıb.Hal-hazırda işğaldan azad edilmiş ərazilərimizdə aparılan geniş təmir-bərpa işləri haqqında danışarkən, orada yaşayan ermənilərin buna şahid olduqlarını bildirmiş, bunların isə onlar üçün Azərbaycanın tərkibində həyatın firavan olacağına əminliyini ifadə edib.Görüşdə regionda baş verən hadisələr və qarşılıqlı maraq doğuran digər mövzular ətrafında ətraflı fikir mübadiləsi aparılıb.Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Sputnik Azərbaycan
media@sputniknews.com
+74956456601
MIA „Rossiya Segodnya“
2023
Sputnik Azərbaycan
media@sputniknews.com
+74956456601
MIA „Rossiya Segodnya“
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rossiya Segodnya“
Sputnik Azərbaycan
media@sputniknews.com
+74956456601
MIA „Rossiya Segodnya“
rusiya, səfir, polad bülbüloğlu, xin
rusiya, səfir, polad bülbüloğlu, xin
Əsas məqsəd Ermənistanla Azərbaycan arasında sülh sazişinin imzalanmasıdır - Rusiya XİN
19:51 17.07.2023 (Yenilənib: 20:27 17.07.2023) Azərbaycanın səfiri bildirib ki, “Dostluq, əməkdaşlıq və qarşılıqlı təhlükəsizlik haqqında” müqaviləyə əsasən Rusiya Federasiyası Azərbaycan Respublikasının ərazi bütövlüyünü birmənalı olaraq tanıyıb və heç vaxt ərazi bütövlüyümüzü şübhə altına almayıb.
BAKI, 17 iyul - Sputnik. Azərbaycanın Rusiyadakı fövqəladə və səlahiyyətli səfiri Polad Bülbüloğlu Rusiya Federasiyasının xarici işlər nazirinin müavini Andrey Rudenko ilə görüşüb. Bu barədə Azərbaycanın Rusiyadakı Səfirliyinin yaydığı məlumatda deyilir.
Səfirliyin mətbuat xidmətindən verilən məlumata görə, qarşılıqlı anlaşma şəraitində keçən görüşdə Andrey Rudenko Rusiya Xarici İşlər nazirliyinin məlum 15 iyul tarixli bəyanatı ilə bağlı Rusiya tərəfinin mövqeyini çatdıraraq bildirib ki, sözügedən bəyanatda Azərbaycanın ərazi bütövlüyü qəti şəkildə şübhə altına alınmır, onun əsas istiqaməti Qarabağ bölgəsində yaşayan ermənilərin hüquqlarının və təhlükəsizliyinin təmin edilməsi və Laçın dəhlizinin açılması məsələləri olub:
"Bu gün Rusiyanın əsas məqsədi Ermənistanla Azərbaycan arasında sülh sazişinin imzalanmasıdır ki, bunun üçün Rusiya tərəfi hərtərəfli dəstək göstərməyə, o cümlədən öz ərazisində görüşlər təşkil etməyə hazırdır".
Bundan əlavə, Andrey Rudenko Azərbaycanın ərazisində müvəqqəti yerləşdirilmiş Rusiya sülhməramlı qüvvələrinin fəaliyyətinə də toxunub.
Polad Bülbüloğlu Azərbaycan tərəfinin qəti mövqeyini rusiyalı həmsöhbətinə çatdıraraq bildirib ki, Rusiya Federasiyası ilə Azərbaycan Respublikası arasında 1997-ci ildə imzalanmış “Dostluq, əməkdaşlıq və qarşılıqlı təhlükəsizlik haqqında” müqaviləyə əsasən Rusiya Federasiyası Azərbaycan Respublikasının ərazi bütövlüyünü birmənalı olaraq tanıyıb və heç vaxt ərazi bütövlüyümüzü şübhə altına almayıb. Bu səbəbdən də Rusiya XİN-in 15 iyul tarixli bəyanatı Azərbaycanda, o cümlədən millət vəkillərimizin, ekspert və politoloqlarımızın narazılığına səbəb olub.
Ermənilərin Laçın sərhəd-nəzarət buraxılış məntəqəsindən sərbəst və maneəsiz şəkildə keçməsi üçün heç bir əngəlin olmadığını deyən Səfir, dəhlizin bağlanmasına səbəb kimi onun digər məqsədlər üçün istifadə edildiyini, o cümlədən hərbi sursatların, Beynəlxalq Qırmızı Xaç Komitəsinin humanitar yardımı altında qaçaq malların ərazilərimizə daşınması olduğunu diqqətə çatdırıb. Buna sübut olaraq çoxsaylı sənədlərin və videoların olduğunu söyləyib.
Bununla belə, ölkəmizin Səfiri Rusiya sülhməramlı kontingentin fəaliyyətinə toxunaraq vurğulayıb ki, onun müşayiəti ilə ermənilər tərəfindən gizli dağ yolları ilə Xankəndinə müəyyən olmayan mallar daşınır, oradakı məktəblilərə hərbi təlimlər keçirilir ki, bütün bunlar da Azərbaycanda haqlı narazılığa səbəb olur, Rusiya-Azərbaycan münasibətlərinə kölgə salır.
Polad Bülbüloğlu onu da həmkarının diqqətinə çatdırıb ki, iyulun 14-də Şuşada olarkən orada atəşkəsin pozulduğunun şahidi olub.
Eyni zamanda Səfir Rusiya mətbuatında Azərbaycanın ərazi bütövlüyü ilə bağlı səslənən qərəzli fikirlərin də cəmiyyətimizdə, o cümlədən politoloq və ekspertlər arasında mənfi reaksiya doğurduğunu diqqətə çatdırıb.
Polad Bülbüloğlu Xankəndində Ruben Vardanyanın təxribat xarakterli fəaliyyətindən bəhs edərkən, onun mövcud vəziyyətin normallaşmasına əngəllər törətdiyini vurğulayıb, cəmiyyətimizdə onun məhz Rusiya tərəfindən Xankəndinə göndərildiyi fikrinin formalaşdığını bildirib.
Sülh müqaviləsinin Prezident İlham Əliyevin təşəbbüsü olduğunu deyən Azərbaycanın Səfiri, ölkəmiz üçün danışıqların harada aparılmasının əhəmiyyət kəsb etmədiyini, əsas məsələnin danışıqların davam etməsi və konkret nəticənin əldə edilməsinin olduğunu vurğulayıb.
Hal-hazırda işğaldan azad edilmiş ərazilərimizdə aparılan geniş təmir-bərpa işləri haqqında danışarkən, orada yaşayan ermənilərin buna şahid olduqlarını bildirmiş, bunların isə onlar üçün Azərbaycanın tərkibində həyatın firavan olacağına əminliyini ifadə edib.
Görüşdə regionda baş verən hadisələr və qarşılıqlı maraq doğuran digər mövzular ətrafında ətraflı fikir mübadiləsi aparılıb.
Digər maraqlı xəbərləri həmçinin Sputnik Azərbaycan-ın Teleqram kanalından izləyin. 
