https://sputnik.az/20230706/tamara-sinyavskaya-yubileyini-qeyd-edir-456538165.html

Tamara Sinyavskaya yubileyini qeyd edir

Tamara Sinyavskaya yubileyini qeyd edir

Sputnik Azərbaycan

Opera müğənnisinin 80 yaşı tamam olur. Başgicəlləndirici karyera quran və dünya şöhrətini qazanan Sinyavskaya Müslüm Maqomayevlə taleyüklü görüşünü həyatının... 06.07.2023, Sputnik Azərbaycan

2023-07-06T10:01+0400

2023-07-06T10:01+0400

2023-07-06T10:01+0400

tamara sinyavskaya

mədəniyyət

yubiley

https://cdnn1.img.sputnik.az/img/41665/78/416657811_0:0:2947:1659_1920x0_80_0_0_5f391bc2d0fb258711236a9b8a177279.jpg

BAKI, 6 iyul — Sputnik. Tamara Sinyavskaya 80 illik yubileyini qeyd edir. Dramatik mezzo-soprano sahibi öz adını əbədi olaraq sənət tarixinə yazıb. Onu dünyanın ən böyük konsert salonlarında alqışlayıblar və onun vokal texnikası virtuoz hesab edilib. Məşhur opera müğənnisi 1943-cü il iyulun 6-da Moskvada anadan olub. Onun atasının kim olduğu məlum deyil, Tamara onu heç görməyib. Onu anası Mariya Sinyavskaya böyüdüb. O, qızının ac qalmaması üçün istənilən işdə çalışır. Artıq 10 yaşında Tamara xorda oxumağa başlayır, 20 yaşında isə o, konservatoriya təhsili olmadan Böyük Teatrının səhnəsində karyerasına başlayır. Onun karyerası yüksəlməyə başladıqda tezliklə gənc qız müğənni truppanın əsas heyətinə daxil olur və əsas partiyaları ifa etməyə başlayır. Beş ildən sonra isə dünyanın ən yaxşı opera teatrları onu dəvət etməyə başlayır. 1970-ci ilə qədər 27 yaşlı müğənni Rusiya Dövlət Teatr Sənəti İnstitutunu bitirir və P.İ.Çaykovski adına məşhur müsabiqəsinin qalibi olur. Düzü, mükafatı həmin dövrdə parlayan 31 yaşlı Yelena Obraztsova ilə bölüşmək məcburiyyətində qalır.Əslində bu, çox maraqlı hekayədir. Müsabiqənin münsiflər heyətinin üzvləri Mariya Kallas, İrina Arxipova, Tito Qobbi də daxil olmaqla böyük ustalar olub. Sinyavskaya və Obraztsova əsas mükafatı - qızıl medalı bölüşməli olurlar, yalnız münsiflər heyətində Sovet İttifaqının nümayəndələri Obraztsovanın qalib olmasını hesab edirlər, lakin Sinyavskayanın ifasını daha çox bəyənən Mariya Kallas da daxil olmaqla, dəvət olunmuş xarici məşhurlar məsələyə müdaxilə edirlər. Sonda dostluq qalib gəlir, yəni hər ikisi qalib seçilir. Müsabiqə gənc Sinyavskayaya böyük populyarlıq qazandırır və dünya səhnələrində çıxış etmək üçün təkliflər irəli sürülür. Opera ifaçıları, iki mezzo- soprano arasındakı rəqabət bütün karyeraları boyunca davam edib. Eyni zamanda, hər ikisi müsahibələrində çox yaxşı dost olduqlarını da söyləyiblər. Sinyavskayanın xidmətləri dövlət tərəfindən layiqincə qiymətləndirilib: 1982-ci ildə o, SSRİ xalq artisti, mətbuat tərəfindən isə "milli sərvət" titulunu qazanıb. Daha sonra Azərbaycanın xalq artisti olub. Super ulduzun kölgəsində ulduz Sinyavskayanın həyatında Mendelson marşı iki dəfə səslənib. İlk əri o illərdə Stanislavski və Nemiroviç-Dançenko adına Moskva Musiqili Teatrının balet truppasının tərkibində çıxış edən Sergey Berejnoy olub. Lakin bu evlilik uzun sürməyir.1972-ci ildə müğənninin həyatında ən mühüm görüş baş verir - opera ulduzu misilsiz baritonun sahibi, milyonlarla sovet dövrünün qız və qadınının xəyal etdiyi yaraşıqlı Müslüm Maqomayevlə tanış olur. Bu hadisə Bakıda Rusiya incəsənətinin festivalının keçirildiyi yerdə baş verir və gecələrin birində Robert Rojdestvenski Müslüm və Tamaranı tanış edir. O dövrdə opera priması ailəli olub və heç bir ciddi əlaqəni belə düşünməyib. Üstəlik Müslümün çoxsaylı romanları haqqında əfsanələr də olub. Lakin Maqomayev ilk dəqiqədən Tamaranın onun qisməti olduğuna qərar verib. Sinyavskaya ilə Maqomayev arasında roman başlayır. Sinyavskaya İtaliyanın La Skalada bir illik təcrübə keçməyə gedəndə gözəl jestləri etməyi sevən aşiq Maqomayev hər həftə ona gözəl gül dəstəsi göndərib. Aşiqlər hər gün zəngləşib söhbət ediblər. 1974-cü ilin noyabrında Tamara Sinyavskaya və Müslüm Maqomayev evliliyə addım atırlar, toy iki dəfə keçirilir. Birincisi Moskvanın "Bakı" restoranında, ikincisi isə Müslümün vətənində Bakıda baş tutur. Azərbaycan KP MK-nın birinci katibi, Maqomayevin böyük dostu Heydər Əliyev bu münasibətlə xidməti bağını onlara təqdim edib. "Beləliklə, mən və Tamara Heydər Əliyevin yüngül əli ilə dörddə bir əsrdir ki, öz qatarımızda irəliləyirik", - deyə Maqomayevin özü sonralar xatırlayaraq bildirib. Cütlük bir-birlərinə dəlicəsinə aşiq olub, lakin bəzən münasibətlərində ciddi mübahisələr baş verəndə hətta ətrafdakılar belə narahat olublar: evlilik sona çatır. Bir dəfə cütlüyün möhkəm mübahisəsi nəticəsində Müslüm hətta vətəninə qayıtmalı olub.Vəziyyəti Aleksandra Paxmutova və Nikolay Dobronravovun Sinyavskaya üçün yazdığı "Əlvida, sevgilim" kompozisiyası xilas edib. Tamaranın təsirli ifasını eşidən Müslüm dərhal evə qayıdıb. Yeri gəlmişkən, daha sonra Maqomayev eyni müəlliflərin "Sən mənim melodiyamsan" adlı daha bir bəstəsini həyat yoldaşına həsr edib. Tamara Sinyavskaya sənətçinin taleyində əsas qadın olub. Cütlük 35 il birlikdə yaşayıb. Mübahisələrə və ayrılıqlara baxmayaraq, onlar həmişə barışıblar və bir yerdə yaşayıblar. Bu evlilikdə uşaq olmayıb, ancaq Tamara bütün sevgisini həyat yoldaşına bəxş edib. Sinyavskaya 60 yaşında sənət karyerasını bitirmək və səhnəni tərk etmək qərarına gəlir. Bu, məcburi tədbir olmayıb, şüurlu seçim olub, çünki o vaxt artıq ağır xəstə olan həyat yoldaşına daha çox vaxt ayırmaq lazım olub. Müslüm Maqomayev 2008-ci il oktyabrın 25-də 67 yaşında Moskvada həyat yoldaşı Tamara Sinyavskayanın yanında işemik ürək xəstəliyindən vəfat edib. Bu gün dul qadın yaşına baxmayaraq, aktiv həyat tərzi keçirir: Rusiya Dövlət Teatr Sənəti İnstitutunda vokal sənəti kafedrasına və Müslüm Maqomayev adına Mədəni-Musiqi İrs Fonduna rəhbərlik edir.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

2023

xəbərlər

ru_AZ

tamara sinyavskaya, yubiley