https://sputnik.az/20230624/komissiyaya-tendere-qatilan-sirketler-barede-melumat-verilmemelidir---qudret-hesenquliyev-456241838.html

Komissiyaya tenderə qatılan şirkətlər barədə məlumat verilməməlidir - Qüdrət Həsənquliyev

Komissiyaya tenderə qatılan şirkətlər barədə məlumat verilməməlidir - Qüdrət Həsənquliyev

Sputnik Azərbaycan

Deputat Razi Nurullayev isə qeyd edib ki, tender zamanı bir işin bazar qiymətinin 100 manat olduğu halda 70 manat qiymət qoyanlar da olur və onlar qalibdir. 24.06.2023, Sputnik Azərbaycan

2023-06-24T15:51+0400

2023-06-24T15:51+0400

2023-06-24T16:03+0400

qüdrət həsənquliyev

iqtisadiyyat

razi nurullayev

tender

qanun layihəsi

milli məclis

https://cdnn1.img.sputnik.az/img/41207/88/412078865_0:0:1152:648_1920x0_80_0_0_4a1c89e2b3de9baa0beb9719cf62dd3c.jpg

BAKI, 24 iyun - Sputnik. "Praktikada tenderdə iştirak edən şirkətlərə təzyiq edirlər ki, tenderdən geri çəkil". Bunu Milli Məclisin bu gün keçirilən iclasında “Dövlət satınalmaları haqqında” yeni qanun layihəsinin müzakirəsi zamanı parlamentin Hüquq siyasəti və dövlət quruculuğu komitəsinin sədr müavini Qüdrət Həsənquliyev deyib. O bildirib ki, komissiya tərəfindən hansısa şirkətə son qiymət də gizli şəkildə ötürülür və özünə yaxın şirkət tenderdə qalib edilir: “Komissiyaya tenderə qatılan şirkətlər barədə məlumatlar verilməməlidir. Çünki komissiya üzvləri qanunsuzluqlara yol verir. Biz bunları edə biləcəyiksə, şəffaflığa nail ola biləcəyik”. Deputat Razi Nurullayev isə qeyd edib ki, tender zamanı bir işin bazar qiymətinin 100 manat olduğu halda 70 manat qiymət qoyanlar da olur və onlar qalibdir: “Nəticə isə acınacaqlıdır. İş çox bərbad görülür, keyfiyyət sıfır, dayanıqlıq sıfır, vaxtında iş təhvil verilmir. Bir ildən sonra tökülüb dağılır və dövlətin qoyduğu vəsait göyə sovrulur. Bilirsiniz bu nəyə bənzəyir? Bazarda quzu əti 18 manatdır, kimsə 12 manata quzu əti təklif edir. Belə çıxır ki, 12 manata alınan quzu əti ya at əti, ya da xəstə, qoca heyvan ətidir. Gətirib közə qoyub kabab çəkdin, dadı yox, bərk, az qalır dişləri sındırsın. Atırlar itə, ya da pişiyə. Ona görə də bu məsələlər də nizamlanmalıdır. İşin real və keyfiyyətli yerinə yetirilməsi üçün real qiymətlər lazımdır. Amma bu məsələdə də nəzərə alacağımız məqamlar var. Qanuna belə dəyişiklik çox əyri yollara da apara bilər. Qiyməti və bazarı bəhanə edib tenderləri razılaşdırılmış şirkətlərə ötürmək təhlükəsi də yaranır. Bunun qarşısı necə alınacaq, necə monitorinq aparılacaq və hansı nəzarət mexanizmləri işə salınacaq? Qanunu tam dəstəkləməyimiz üçün bu nüansları da bilməyimiz vacibdir”. Qeyd edək ki, Milli Məclisin bu gün keçirilən iclasında “Dövlət satınalmaları haqqında” yeni qanun müzakirəyə çıxarılıb. “Dövlət satınalmaları haqqında” yeni qanun layihəsi 10 fəsil, 59 maddədən ibarətdir. Bu Qanun dərc edildiyi gündən 6 ay sonra qüvvəyə minəcək. Bu Qanun qüvvəyə mindiyi gündən “Dövlət satınalmaları haqqında” qanun ləğv ediləcək. Qanun layihəsi səsverməyə çıxarılaraq birinci oxunuşda qəbul edilib.

2023

xəbərlər

ru_AZ

qüdrət həsənquliyev, razi nurullayev, tender, qanun layihəsi, milli məclis