https://sputnik.az/20230618/mubariz-tagiyev-stedadli-insanlarimiz-one-cixa-bilmir-455998724.html
Mübariz Tağıyev: "İstedadlı insanlarımız önə çıxa bilmir"
Mübariz Tağıyev: "İstedadlı insanlarımız önə çıxa bilmir"
Sputnik Azərbaycan
İllərdir ki, Azərbaycanda müxtəlif mahnı müsabiqələri təşkil olunur. Amma nədənsə müsabiqədən sonra iştirakçılar unudulur. Bunun kökündə nə dayanır? 18.06.2023, Sputnik Azərbaycan
2023-06-18T09:02+0400
2023-06-18T09:02+0400
2023-06-18T09:02+0400
mədəniyyət
müğənni
müsabiqə
televiziya
https://cdnn1.img.sputnik.az/img/42345/05/423450565_0:0:1920:1080_1920x0_80_0_0_6e56365479c73d93bff8979adc8e2344.jpg
BAKI, 18 iyun — Sputnik. Bu yaxınlarda "Bakı payızı 2023" müsabiqəsinin birinci və ikinci turları çərçivəsində konsert proqramları keçiriləcək. Azərbaycanda hər il musiqi müsabiqələri keçirilir. Eyni zamanda, musiqiçilərimiz xarici müsabiqələrdə də iştirak edirlər. Həmin dönəmlərdə ulduz olsalar da, sonra unudulurlar. Onların unudulmasının səbəbi nədir? Xalq artisti Mübariz Tağıyev uzun illər "Yeni ulduz" müsabiqəsində münsiflər heyətinin üzvü olub. Sənətkar bildirir ki, bunun üçün maliyyə ilə yanaşı müğənnin özü də cəhd etməlidir:"Müsabiqədən sonra gərək yeni mahnılar yazdırsın. Təəssüf ki, bu gün elə bir dövrə çatmışıq ki, hər şeyi özləri etməlidirlər. Sovet vaxtı rayonlarda, paytaxtda klublar, mədəniyyət evləri var idi. Müsabiqədən çıxmış sənətçi orada çıxış edirdi. İndi isə sənətçilər özlərini ancaq toyda göstərə bilirlər. Ya da sponsor tapmalıdırlar ki, onları maliyyələşdirsinlər". Xalq artisti əlavə edir ki, bəzən şirkətlər, prodakşınlar səsi mükəmməl olan müğənniyə deyil hansısa səsi olmayanlara "pul tökürlər":"Yeni ulduz" müsabiqəsinin qaliblərindən olan Vüqar Muradov qeyd edir ki, müsabiqədən sonra müğənni sənətini davam etdirməsə unundulacaq:"Müsabiqədən sonra müğənni özünü mütləq "raskrutka" etməlidir. Yeni mahnılar yazdırmaldır. Əks halda unudulacaq. Çünki, bu gün elə bir dövrə çatmışıq ki, məşhur olmaq olduqca asandır. İndiki dövrdə yadda qalmaq qəliz məsələdir". Müğənni bildirir ki, sosial şəbəkələr televiziyaları üstələdiyinə görə, artıq müsabiqələrə bir o qədər də maraq yoxdur:2003-cü ildə Lider TV-də yayımlanan "Sing Your Song", 2008-ci ildə Avroviziya Mahnı Müsabiqəsində iştirak edən, 2014–2015 mövsümündə TV8 kanalında yayımlanan "O Səs Türkiyə" müsabiqəsində isə qalib olan Elnur Hüseynov bildirir ki, sənətə davam etmək üçün fikir, sponsor, maliyyə lazımdır. Nə qədər bacarıqlı olsan belə, qapılar pulla açılır:Müğənni Türkiyənin "O səs Türkiye" yarışmasındakı iştirakından da danışıb:"O ses Türkiye"dəki birincilər yoxdurlar. Nə məndən əvvəl, nə də sonra. Çünki qəribə bir şey var orada. "O ses Türkiye"dən sonra "Avrupa müzik"lə sövdələşməyə getmişdim. O da bu cür baş verir. "O ses Türkiye"yə gələndə 2 sövdələşməyə imza atırsan. Birincisi "TV8", "Acun Media" ilədir. Bir il ərzində başqa televiziyaya getməyəcəksən, müsahibə verməyəcəksən. İkinci də o vaxt keçərli olur ki, birinci olursan. Qalib oldum və "Avrupa müzik"ə keçdim. İki il ərzində heç nə etmədilər. Soruşurdum ki, niyə nəsə etmirik? Məndən öncə bir uşaq birinci olmuşdu. Aşpaz idi, opera oxuyurdu, gözəl də səsi var idi. Dedim ki, "ona niyə albom çıxartmamısınız?" Dedilər ki, "satılmır, elə olur, belə olur". Soruşdum nə elə olur? Dedim götürsəniz internetdən aranjemanlar var, pulla alsanız, bir disk başlayın da ona. İşləmək istəmirlər. Bir il ərzində də sponsorlar gəldi-getdi, çünki sövdələşmə var idi. O vaxt danışa bilmirdim. Bəli, mən özüm mahnı yaza bilərəm, dostlarım, çevrəm, yaxınlarım var, özüm də bacara bilərəm. Amma belə uşaqlar var idi ki, gedirdilər ora ki, indi hər şey gözəl olacaq, amma olmadı. Belə olmamalıdır". Digər maraqlı xəbərləri həmçinin Sputnik Azərbaycan-ın Teleqram kanalından izləyin.
https://sputnik.az/20230113/baki-payizi-35-ilden-sonra-geri-qayidir---vdeo-450631976.html
Sputnik Azərbaycan
media@sputniknews.com
+74956456601
MIA „Rossiya Segodnya“
2023
Sputnik Azərbaycan
media@sputniknews.com
+74956456601
MIA „Rossiya Segodnya“
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rossiya Segodnya“
Sputnik Azərbaycan
media@sputniknews.com
+74956456601
MIA „Rossiya Segodnya“
müğənni, müsabiqə, televiziya
müğənni, müsabiqə, televiziya
Mübariz Tağıyev: "İstedadlı insanlarımız önə çıxa bilmir"
İllərdir ki, Azərbaycanda müxtəlif mahnı müsabiqələri təşkil olunur. Amma nədənsə müsabiqədən sonra iştirakçılar unudulur. Bunun kökündə nə dayanır?
BAKI, 18 iyun — Sputnik. Bu yaxınlarda "Bakı payızı 2023" müsabiqəsinin birinci və ikinci turları çərçivəsində konsert proqramları keçiriləcək. Azərbaycanda hər il musiqi müsabiqələri keçirilir. Eyni zamanda, musiqiçilərimiz xarici müsabiqələrdə də iştirak edirlər. Həmin dönəmlərdə ulduz olsalar da, sonra unudulurlar. Onların unudulmasının səbəbi nədir?
Xalq artisti Mübariz Tağıyev uzun illər "Yeni ulduz" müsabiqəsində münsiflər heyətinin üzvü olub. Sənətkar bildirir ki, bunun üçün maliyyə ilə yanaşı müğənnin özü də cəhd etməlidir:
"Müsabiqədən sonra gərək yeni mahnılar yazdırsın. Təəssüf ki, bu gün elə bir dövrə çatmışıq ki, hər şeyi özləri etməlidirlər. Sovet vaxtı rayonlarda, paytaxtda klublar, mədəniyyət evləri var idi. Müsabiqədən çıxmış sənətçi orada çıxış edirdi. İndi isə sənətçilər özlərini ancaq toyda göstərə bilirlər. Ya da sponsor tapmalıdırlar ki, onları maliyyələşdirsinlər".
Xalq artisti əlavə edir ki, bəzən şirkətlər, prodakşınlar səsi mükəmməl olan müğənniyə deyil hansısa səsi olmayanlara "pul tökürlər":
"Elə müsabiqə iştirakçısı var ki, o, müsabiqə vaxtı özünü tam göstərə bilmir. Sponsorlara dəfələrlə demişəm ki, xahiş edirəm, filan iştirakçı özünü müsabiqədə göstərə bilməsə də, səsi var, istedadlıdır. Amma onlar gedib səsi, istedadı olmayana pul tökürlər. Əfsuslar olsun ki, bu gün sərhədləri aşa bilən sənətçi yoxdur. Bunun da səbəbi odur ki, istedadlı insanlarımız qabağa çıxa bilmir".
"Yeni ulduz" müsabiqəsinin qaliblərindən olan Vüqar Muradov qeyd edir ki, müsabiqədən sonra müğənni sənətini davam etdirməsə unundulacaq:
"Müsabiqədən sonra müğənni özünü mütləq "raskrutka" etməlidir. Yeni mahnılar yazdırmaldır. Əks halda unudulacaq. Çünki, bu gün elə bir dövrə çatmışıq ki, məşhur olmaq olduqca asandır. İndiki dövrdə yadda qalmaq qəliz məsələdir".
Müğənni bildirir ki, sosial şəbəkələr televiziyaları üstələdiyinə görə, artıq müsabiqələrə bir o qədər də maraq yoxdur:
"Mən "Yeni ulduz"da iştirak edən illərdə (2006-2007) televiziyanın çox böyük nüfuzu var idi. O zamanlar bir verilişə çıxmaq üçün böyük məbləğ ödəyirdik. İndi isə televiziyalara baxanların sayı olduqca azıdır. O verilişlər də ancaq qalmaqallara kökləniblər. Amma həmin dönəmlərdə televiziyanın xüsusi çəkisi var idi. Mən bir verilişə çıxırdım, hamı zəng edib deyirdi ki, "baxdıq verilişə". Amma indi elan edirəm, 1-2 adam baxır. O zamanlar müsabiqədə iştirak edənlər də xalqın yadında qalırdı. Amma indi o maraq yoxdur".
2003-cü ildə Lider TV-də yayımlanan "Sing Your Song", 2008-ci ildə Avroviziya Mahnı Müsabiqəsində iştirak edən, 2014–2015 mövsümündə TV8 kanalında yayımlanan "O Səs Türkiyə" müsabiqəsində isə qalib olan Elnur Hüseynov bildirir ki, sənətə davam etmək üçün fikir, sponsor, maliyyə lazımdır. Nə qədər bacarıqlı olsan belə, qapılar pulla açılır:
"Bunu 35 yaşında başa düşdüm. Mənə demişdilər ki, cibində pulun, arxanda adam yoxdursa, heç kimsən. Deyirdim elə deyil. Amma zamanla başa düşdüm ki, elədir".
Müğənni Türkiyənin "O səs Türkiye" yarışmasındakı iştirakından da danışıb:
"O ses Türkiye"dəki birincilər yoxdurlar. Nə məndən əvvəl, nə də sonra. Çünki qəribə bir şey var orada. "O ses Türkiye"dən sonra "Avrupa müzik"lə sövdələşməyə getmişdim. O da bu cür baş verir. "O ses Türkiye"yə gələndə 2 sövdələşməyə imza atırsan. Birincisi "TV8", "Acun Media" ilədir. Bir il ərzində başqa televiziyaya getməyəcəksən, müsahibə verməyəcəksən. İkinci də o vaxt keçərli olur ki, birinci olursan. Qalib oldum və "Avrupa müzik"ə keçdim. İki il ərzində heç nə etmədilər. Soruşurdum ki, niyə nəsə etmirik? Məndən öncə bir uşaq birinci olmuşdu. Aşpaz idi, opera oxuyurdu, gözəl də səsi var idi. Dedim ki, "ona niyə albom çıxartmamısınız?" Dedilər ki, "satılmır, elə olur, belə olur". Soruşdum nə elə olur? Dedim götürsəniz internetdən aranjemanlar var, pulla alsanız, bir disk başlayın da ona. İşləmək istəmirlər. Bir il ərzində də sponsorlar gəldi-getdi, çünki sövdələşmə var idi. O vaxt danışa bilmirdim. Bəli, mən özüm mahnı yaza bilərəm, dostlarım, çevrəm, yaxınlarım var, özüm də bacara bilərəm. Amma belə uşaqlar var idi ki, gedirdilər ora ki, indi hər şey gözəl olacaq, amma olmadı. Belə olmamalıdır".
Digər maraqlı xəbərləri həmçinin Sputnik Azərbaycan-ın Teleqram kanalından izləyin. 
