https://sputnik.az/20230531/her-seyi-gormek-ucun-vaxt-azdir-parisde-pompidani-baglayacaqlar-455407505.html

Hər şeyi görmək üçün vaxt azdır: Parisdə Pompidanı bağlayacaqlar

Hər şeyi görmək üçün vaxt azdır: Parisdə Pompidanı bağlayacaqlar

Sputnik Azərbaycan

Avropanın ən məşhur və dünyanın ən yaxşı müasir incəsənət muzeylərindən biri - Parisdəki Pompidu Mərkəzi beş il müddətinə bağlanacaq. 31.05.2023, Sputnik Azərbaycan

2023-05-31T22:14+0400

2023-05-31T22:14+0400

2023-05-31T22:14+0400

paris

mədəniyyət

luvr muzeyi

https://cdnn1.img.sputnik.az/img/07e6/0c/1d/450152989_0:160:3072:1888_1920x0_80_0_0_d04342fb01ba9187e97a93bff97df71d.jpg

BAKI, 31 may — Sputnik. Fransa hakimiyyəti, Jorj Pompidu Paris Milli İncəsənət və Mədəniyyət Mərkəzinin beş il müddətinə təmirə bağlanacağını açıqlayıb. Lakin müasir incəsənət həvəskarlarının hələ də vaxtı var - məşhur məkanı ziyarət etmək üçün düz bir il yarım qalıb, çünki bağlanma 2025-ci ildə baş verəcək. Pompidu Muzeyi Avropanın ən böyük müasir incəsənət kolleksiyasına malikdir. Eyni zamanda o, digər muzey və qalereyalara ildə 8000-dən 10000-dək sənət əsəri təqdim edərək, rəsm və heykəltəraşlıq sahəsində dünyanın aparıcı kreditorudur. Pompidou Mərkəzi Pablo Pikassodan Vasili Kandinskiyə qədər rəssamların əsərlərini nümayiş etdirir. Mərkəz keçən il, təxminən dörd milyon insan tərəfindən ziyarət edilib. Açıldığı gündən bəri isə muzey 300 milyondan çox ziyarətçini qəbul edib. Mərkəzin tikintisi zamanı üç nəfərlik bir qrup tərəfindən təqdim olunan layihə seçilib: britaniyalı memar Riçard Rocers və iki italyan - Renzo Pyano və Canfranko Françini. Pyano və Rocers müstəqil olaraq layihənin idarə edilməsinə nəzarət edirdilər. Mərkəzin açılışı uzaq 1977-ci ildə baş tutub. Binanın yüksək texnologiyalı üslubda orijinal memarlıq həlli müasirlərin qeyri-müəyyən qiymətləndirmələrinə səbəb olub: ekstravaqant binanı tənqidçilər neft emalı zavoduna bənzədirdilər. Ancaq tezliklə Pompidou Mərkəzi Parisin vizit kartlarından birinə və Fransanın və dünyanın ən çox ziyarət edilən görməli yerlərindən birinə çevrildi. Bina "içəridən kənar tərəfə" - kənarda borularla innovativ dizayndır. Bu, çox böyük ölçülərə - uzunluğu 166 m, eni 60 m və hündürlüyü 42 m malik şüşə paralelepipeddir. Memarların orijinal ideyası sayəsində bütün texniki strukturlar (boru kəmərləri, liftlər və eskalatorlar) binadan kənarda istifadəyə verilib ki, bu da maksimum yararlı ərazini boşaltmağa imkan yaradıb. Konstruktiv konstruksiyalar ağ, ventilyasiya boruları göy, santexnika yaşıl, elektrik naqilləri sarı, eskalator və liftlər qırmızı rəngə boyanıblar. Binanın qarşısındakı geniş meydanı rəssamlar, səyyar artistlər, musiqiçilər və sirk ifaçıları seçiblər. Mərkəz Fransada Luvr və Eyfel qülləsindən sonra ən çox ziyarət edilən üçüncü mədəniyyət məkanıdır. Açılışdan keçən illər ərzində bina nəzərəçarpacaq dərəcədə köhnəlib. Buna görə də 2025-ci ildə binanın tarixində ilk əsaslı modernizasiyasına başlamaq qərara alınıb. Bu, 300 milyon dollara başa gələcək. Yanğın təhlükəsizliyi strukturunun yenilənməsi, binanın əlillər üçün xüsusi qurğularla təchiz edilməsi və ümumi təmir işlərinin aparılması nəzərdə tutulur. Əlavə etmək lazımdır ki, binanın 2027-ci ildə 50 illik yubileyi üçün yenidən açılmasına imkan vermək üçün təkmilləşdirmənin əvvəlcə 2023-cü ildən 2027-ci ilə qədər aparılması planlaşdırılırdı, lakin hazırda 2030-cu ilə qədər o, açılmayacaq. Bu səbəbdən böyük sənətin bütün pərəstişkarları tələsməlidirlər, çünki çox yaxında Pompidunun qapıları uzun müddətə bağlanacaq.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

2023

xəbərlər

ru_AZ

paris, luvr muzeyi