https://sputnik.az/20230531/azerbaycanli-modelin-evli-olan-sevgilisi-terefinden-doyulmesini-polis-arasdirir--455423532.html

Azərbaycanlı modelin evli olan sevgilisi tərəfindən döyülməsini polis araşdırır

Azərbaycanlı modelin evli olan sevgilisi tərəfindən döyülməsini polis araşdırır

Sputnik Azərbaycan

İddialara görə, Razi Əliyeva sevgilisinə xəyanət edib, sevgilisi Ziya Hüseynzadə isə bu xəyanəti sübuta yetirib və modeli şantaja məruz qoyub. 31.05.2023, Sputnik Azərbaycan

2023-05-31T11:28+0400

2023-05-31T11:28+0400

2023-05-31T14:44+0400

din

cəmiyyət

model

https://cdnn1.img.sputnik.az/img/07e5/0a/04/433866342_0:354:1200:1029_1920x0_80_0_0_e27cb40109edfadf6cbacea91febfaf4.jpg

BAKI, 31 may — Sputnik. 2017-ci ildə Azərbaycan gözəli seçilən model Razi Əliyeva şiddətə məruz qalıb. Model bu barədə özünün sosial media hesabında məlumat yayıb. Model sevgilisi tərəfindən işgəncələr gördüyünü açıqlayıb:"Bilirsiniz bütün bunlar nəyə görə baş verir? Ona görə ki, Ziya adlı "monstr"dan qaçdım. Məni buraxmaq istəmirdi, bütün günü əzab verirdi. Günlərlə döyürdü, evdən çıxmağa icazə vermirdi. Bütün bunlar mənə tanımadığım nömrədən mesaj gəldiyinə görə başladı. Gedirdi, həmin şəxslərlə görüşürdü. Bilirdi ki, hansısa bir əlaqəm yoxdur. Gəlib məndən üzr istəyirdi, barışırdı. Telefonumu götürüb hamı ilə adımdan yazışırdı. Dəqiqləşdirmək istəyirdi ki, mən ondan başqa kimləsə görüşürəm, ya yox? Sonra bütün yazışmaları silirdi ki, xəbərim olmasın. Bütün şəkillərimi öz telefonuna göndərirdi ki, yaydığı görüntülərlə məni şantaj etsin. Evə bağlayırdı ki, heç yerə çıxmayım. Günlərlə döyürdü. Hədə-qorxu gəlirdi. Ondan qaça bilmirdim, qorxurdum. Bütün bu biabırçılıqlara görə heç yerə çıxa bilmirdim".Razi Əliyeva sevgilisinin hərəkətlərinə görə, intihar həddinə çatdığını da qeyd edib: "Mənimlə görüşə-görüşə başqası ilə gizlicə nikah bağladı, amma mənə üç dəfə evlilik təklifi etdi. Qaçıb anamın evinə getdim. Qapını qırdı, anama, rəfiqələrimə, mənə hədə-qorxu gəlir. Yerimdə başqa kim olsaydı, özünü öldürmüşdü. İndi bilirsiniz mən nələr yaşayıram? Əlbəttə ki, çox pisəm. Amma çox xoşbəxtəm ki, o insandan canımı qurtara bildim. Sizin gördükləriniz biabırçılıqdır. Sizə görə mən fahişəyəm. Amma bu, həyatımda yaşadığım ən böyük dəhşətdir. Çox xoşbəxtəm ki, ondan canımı qurtardım. Əgər mənə və ailəmə bir şey olsa, səbəbkar odur. Biz hamımız təhlükədəyik. Evlərimizə gedə, yemək yeyə bilmirik. Məni və ətrafımı ölümlə hədələyir". Razi döyüldüyünü, şəxsi yazışmalar, ailəsinin evinə vurduğu zərəri əks etdirən görüntülər paylaşıb. Həmçinin, Əliyevanın açıqlamasından əvvəl sosial mediada modelin adına səhifə açılıb. Onun görüntüləri, yazışmaları, şəxsi fotoları paylaşılıb. İddia olunub ki, təqdim olunan mesajlar Raziyə məxsusdur və o, sevgilisinə xəyanət edib. Həmin hesabın ifşa məqsədilə Ziya Hüseynzadə tərəfindən açıldığı iddia edilib. Səhifə viral olduqdan sonra sosial şəbəkə istifadəçiləri tərəfindən şikayət edilib, hesab deaktiv edilib. Sonda R.Əliyeva polisə müraciət edərək kömək diləyib. Qeyd edək ki, Daxili İşlər Nazirliyi (DİN) model Razi Əliyevanın sevgilisi tərəfindən döyülməsi iddialarına münasibət bildirib. DİN-in Mətbuat Xidmətindən bildirib ki, Nazirlik yayılan görüntülərdən məlumatlıdır. Araşdırma aparılır. Əlavə məlumat veriləcək.

2023

xəbərlər

ru_AZ

din, model