Купюра номиналом в 200 AZN, фото из архива - Sputnik Azərbaycan, 1920
İQTİSADİYYAT
Sosial-iqtisadi gündəmə, maliyyə, biznes sahəsinə dair materiallar

Azərbaycanın kənd təsərrüfatında istehsal artıb - DETALLAR

© Photo : Ministry of Agriculture (Azerbaijan)Kənd təsərrüfatı
Kənd təsərrüfatı - Sputnik Azərbaycan, 1920, 29.05.2023
Abunə olmaq
2023-cü ilin yanvar-aprel aylarında quş əti də daxil olmaqla diri çəkidə 187,3 min ton ət, 697,6 min ton süd, 726,5 milyon ədəd yumurta və 2,1 min ton yun istehsal edilib.
BAKI, 27 may - Sputnik. Cari ilin yanvar-aprel aylarında Azərbaycanda kənd təsərrüfatının ümumi məhsulunun faktiki qiymətlərlə dəyəri 1 milyard 961,5 milyon manat təşkil edib. Onun da 1 milyard 796,2 milyon manatı heyvandarlıq, 165,3 milyon manatı bitkiçilik məhsullarının payına düşür.
Bu barədə Dövlət Statistika Komitəsindən Sputnik Azərbaycan-a məlumat verilib.
Əvvəlki ilin müvafiq dövrü ilə müqayisədə kənd təsərrüfatının istehsalı 3,5 faiz, o cümlədən heyvandarlıq məhsulları üzrə 3,5 faiz, bitkiçilik məhsulları üzrə 3,2 faiz artıb.
Bitkiçilik
Ölkədə yaz-tarla işləri aparılır və 2023-cü ilin yanvar-aprel aylarında 266,8 min hektar sahədə və ya 2022-ci ilin eyni dövrü ilə müqayisədə 12,8 faiz az yazlıq bitkilərin səpini aparılıb. Bu dövrdə 44,0 min hektar sahədə dənlilər və dənli paxlalı bitkilər (ondan 20,5 min hektarı dən üçün qarğıdalı), 45,9 min hektar sahədə kartof, 42,9 min hektar sahədə tərəvəz, 10,8 min hektar sahədə bostan bitkiləri, 72,2 min hektar sahədə pambıq, 7,7 min hektar sahədə dən üçün günəbaxan, 4,3 min hektar sahədə şəkər çuğunduru, 1,2 min hektar sahədə tütün, 36,6 min hektar sahədə çoxillik otlar, 1,0 min hektar sahədə birillik otlar və 0,2 min hektar sahədə sair yazlıq bitkilər əkilib.
Təsərrüfatlarda yanvar-aprel aylarında 128,3 min ton tərəvəz və 50,3 min ton kartof istehsal olunub. Keçən ilin yanvar-aprel ayları ilə müqayisədə tərəvəz istehsalı 0,6 faiz, kartof istehsalı 9,5 faiz artıb.
Heyvandarlıq
2023-cü ilin yanvar-aprel aylarında quş əti də daxil olmaqla diri çəkidə 187,3 min ton ət, 697,6 min ton süd, 726,5 milyon ədəd yumurta və 2,1 min ton yun istehsal edilib. 2022-ci ilin müvafiq dövrünə nisbətən ət istehsalı 3,1 faiz, süd istehsalı 1,8 faiz, yumurta istehsalı 13,0 faiz artıb, yun istehsalı isə 4,3 faiz azalıb.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Xəbər lenti
0