https://sputnik.az/20230527/prezident-kelbecerde-iki-yasayis-menteqesinin-temelini-qoyub-455327051.html

Prezident Kəlbəcərdə iki yaşayış məntəqəsinin təməlini qoyub

Prezident Kəlbəcərdə iki yaşayış məntəqəsinin təməlini qoyub

Sputnik Azərbaycan

BAKI, 27 may - Sputnik. Mayın 27-də Kəlbəcər rayonunun Yanşaq kəndinin təməli qoyulub. Azərbaycan Respublikasının Prezidenti İlham Əliyev təməlqoyma... 27.05.2023, Sputnik Azərbaycan

2023-05-27T16:29+0400

2023-05-27T16:29+0400

2023-05-27T16:29+0400

azərbaycan xəbərləri

prezident ilham əliyev

kəlbəcər

https://cdnn1.img.sputnik.az/img/07e7/05/1b/455321542_0:65:960:605_1920x0_80_0_0_452af1edf4b4fb6ae4da78fcb7ac561d.jpg

BAKI, 27 may - Sputnik. Mayın 27-də Kəlbəcər rayonunun Yanşaq kəndinin təməli qoyulub. Azərbaycan Respublikasının Prezidenti İlham Əliyev təməlqoyma mərasimində iştirak edib.Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev Azərbaycan Prezidentinə kənddə görüləcək işlər barədə məlumat verib.Bildirilib ki, Yanşaq kəndində ümumilikdə 421 ailənin məskunlaşması planlaşdırılıb. Yaşayış məntəqəsinin salınması üçün 20 illik perspektiv və həmin müddətdən sonrakı inkişaf nəzərə alınmaqla 121 hektardan çox torpaq sahəsinin ayrılması nəzərdə tutulub. Birinci mərhələdə kəndə 218 ailənin köçürülməsi üçün birmərtəbəli fərdi evlərin inşası planlaşdırılır. Tikiləcək 218 evin 50-si ikiotaqlı, 112-si üçotaqlı, 41-i dördotaqlı və 15-i beşotaqlı olacaq. Burada, həmçinin 264 şagird yerlik məktəb, 80 yerlik uşaq bağçası tikiləcək.Qeyd olunub ki, Yanşaq kəndində əhalinin məşğulluğunun və istirahətinin təmin edilməsi üçün hər cür şərait yaradılacaq, geniş abadlıq və yaşıllaşdırma işləri görüləcək. Burada evlərin və küçələrin işıqlandırılmasında “yaşıl enerji”dən istifadə olunacaq.Dövlətimizin başçısının tapşırıqlarına uyğun olaraq, bütün işlər ən yüksək səviyyədə yerinə yetiriləcək.Sonra Azərbaycan Prezidenti kəndin inkişaf planı barədə videoçarxa baxıb. Daha sonra Prezident İlham Əliyev Yanşaq kəndinin təməlini qoyub.***Azərbaycan Respublikasının Prezidenti İlham Əliyev mayın 27-də Kəlbəcər rayonunun Zallar kəndinin təməlqoyma mərasimində iştirak edib. Dövlətimizin başçısına kəndin layihəsi barədə məlumat verilib.Qeyd olunub ki, Zallar kəndində ümumilikdə 487 ailənin məskunlaşması nəzərdə tutulub. Yaşayış məntəqəsinin salınması üçün 20 illik perspektiv və həmin müddətdən sonrakı inkişaf nəzərə alınmaqla 137 hektar torpaq sahəsi ayrılıb. Birinci mərhələdə kəndə 350 ailənin köçürülməsi üçün birmərtəbəli fərdi evlərin inşası planlaşdırılır. Tikiləcək 350 evin 100-ü ikiotaqlı, 167-si üçotaqlı, 57-si dördotaqlı, 26-sı isə beşotaqlı olacaq. Burada, həmçinin 360 şagird yerlik məktəb, 120 yerlik uşaq bağçası inşa ediləcək.Məlumat verilib ki, Zallar kəndində əhalinin məşğulluğunun və istirahətinin təmin edilməsi üçün hər cür şərait yaradılacaq, geniş abadlıq və yaşıllaşdırma işləri görüləcək. Burada evlərin və küçələrin işıqlandırılmasında “yaşıl enerji”dən istifadə olunacaq.Dövlətimizin başçısının tapşırıqlarına uyğun olaraq, bütün işlər ən yüksək səviyyədə yerinə yetiriləcək.Sonra Azərbaycan Prezidenti kəndin inkişaf planı barədə videoçarxa baxıb. Daha sonra Prezident İlham Əliyev Zallar kəndinin təməlini qoyub.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

2023

xəbərlər

ru_AZ

prezident ilham əliyev, kəlbəcər