https://sputnik.az/20230521/beynelxalq-cay-gunu-ile-bagli-tedbirde-azerbaycan-bu-cur-temsil-olunub---foto-455093407.html
Beynəlxalq Çay Günü ilə bağlı tədbirdə Azərbaycan bu cür təmsil olunub - FOTO
Beynəlxalq Çay Günü ilə bağlı tədbirdə Azərbaycan bu cür təmsil olunub - FOTO
Sputnik Azərbaycan
Ölkəmizin FAO yanındakı daimi nümayəndəsi Rəşad Aslanov konfransda çıxış edərək çayın Azərbaycan mədəniyyətindəki xüsusi yeri barədə danışıb və çay süfrəsinin... 21.05.2023, Sputnik Azərbaycan
2023-05-21T15:13+0400
2023-05-21T15:13+0400
2023-05-21T15:14+0400
azərbaycan xəbərləri
çay
beynəlxalq
gün
azərbaycan
https://cdnn1.img.sputnik.az/img/07e7/05/15/455092311_0:84:892:586_1920x0_80_0_0_4e66eeeb816bb9ea2ada1189b84aafd5.jpg
BAKI, 21 may - Sputnik. Azərbaycanın BMT-nin Ərzaq və Kənd Təsərrüfatı Təşkilatı (FAO) yanında Daimi Nümayəndəliyi bu təşkilatın Beynəlxalq Çay Günü ilə əlaqədar Romada yerləşən qərargahda keçirdiyi tədbirlərdə iştirak edib.Çay istehsalı ilə məşğul olan aparıcı ölkələrin və beynəlxalq təşkilatların yüksək səviyyəli nümayəndələrinin, aqrar sahədə fəaliyyət göstərən mütəxəssislərin iştirak ilə konfrans və sərgi təşkil olunub. Azərbaycanın FAO yanındakı daimi nümayəndəsi Rəşad Aslanov konfransda çıxış edib və Azərbaycan çayları sərgidə təqdim olunub.Konfransdakı açılış nitqində çayın mədəni, irsi və iqtisadi əhəmiyyəti haqqında danışan BMT-nin Ərzaq və Kənd Təsərrüfatı Təşkilatının Baş direktoru Qu Donqyu çay sektorunun milyonlarla yoxsul ailələr üçün əsas məşğulluq və gəlir mənbəyi olduğunu qeyd edib, bu sahənin sosial-iqtisadi inkişafa töhfələrinə, üzləşdiyi problemlərə və FAO tərəfindən təşviq edilən həll yollarına toxunub.Rəşad Aslanov çıxışında çayın Azərbaycan mədəniyyətindəki xüsusi yerindən danışıb və çay süfrəsinin xalqımızın qonaqpərvərlik rəmzlərindən hesab edildiyini deyib. Azərbaycanda müstəqillik illərində bu irsin qorunub saxlanılması, yerli çayların həm ölkə daxilində, həm də xaricdə təşviq edilməsi, bu sahənin inkişafına dövlət dəstəyi haqqında qonaqlara məlumat verilib.R.Aslanov “Azərbaycan Respublikasında çayçılığın inkişafına dair 2018–2027-ci illər üçün Dövlət Proqramı”nın əhəmiyyətini vurğulayıb, müvafiq istiqamətlər üzrə FAO ilə əməkdaşlığın faydası barədə danışıb və qonaqları sərgidə nümayiş olunan Azərbaycan çaylarının tamı ilə tanış olmağa dəvət edib.Tədbirdə nazir və ya daimi nümayəndə səviyyəsində təmsil olunan Çin, İndoneziya, Şri Lanka, Almaniya, Argentina, Zimbabve, Keniya və digər ölkələrin nümayəndələri çay sektorunun əhəmiyyəti və ərzaq təhlükəsizliyi ilə bağlı hazırki vəziyyətdə öz ölkələrində çayçılıq ilə məşğul olan kiçik təsərrüfatların dəstəklənməsi məsələləri ətrafında çıxış ediblər.Sərgidə müxtəlif yerli çay növlərinin, həmçinin çaya əlavə edilən yerli ədviyyatların və quru meyvələrin nümayiş edildiyi Azərbaycan stendi iştirakçıların böyük marağına səbəb olub. Ziyarətçilər çayımızın ətri və tamı ilə tanış olub, onlara Azərbaycanda becərilən çay bitkisinin özünəməxsusluğu, növləri, çay ritualları, eləcə də orqanizmə faydaları haqqında məlumat verilib. FAO-nun Baş direktoru Qu Donqyu da ölkəmizin stendini ziyarət edib və Azərbaycan çayı ilə tanış olub.(Azərtac)Digər maraqlı xəbərləri həmçinin Sputnik Azərbaycan-ın Teleqram kanalından izləyin.
azərbaycan
Sputnik Azərbaycan
media@sputniknews.com
+74956456601
MIA „Rossiya Segodnya“
2023
Sputnik Azərbaycan
media@sputniknews.com
+74956456601
MIA „Rossiya Segodnya“
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rossiya Segodnya“
Sputnik Azərbaycan
media@sputniknews.com
+74956456601
MIA „Rossiya Segodnya“
çay, beynəlxalq, gün, azərbaycan
çay, beynəlxalq, gün, azərbaycan
Beynəlxalq Çay Günü ilə bağlı tədbirdə Azərbaycan bu cür təmsil olunub - FOTO
15:13 21.05.2023 (Yenilənib: 15:14 21.05.2023) Ölkəmizin FAO yanındakı daimi nümayəndəsi Rəşad Aslanov konfransda çıxış edərək çayın Azərbaycan mədəniyyətindəki xüsusi yeri barədə danışıb və çay süfrəsinin xalqımızın qonaqpərvərlik rəmzlərindən hesab edildiyini deyib.
BAKI, 21 may - Sputnik. Azərbaycanın BMT-nin Ərzaq və Kənd Təsərrüfatı Təşkilatı (FAO) yanında Daimi Nümayəndəliyi bu təşkilatın Beynəlxalq Çay Günü ilə əlaqədar Romada yerləşən qərargahda keçirdiyi tədbirlərdə iştirak edib.
Çay istehsalı ilə məşğul olan aparıcı ölkələrin və beynəlxalq təşkilatların yüksək səviyyəli nümayəndələrinin, aqrar sahədə fəaliyyət göstərən mütəxəssislərin iştirak ilə konfrans və sərgi təşkil olunub. Azərbaycanın FAO yanındakı daimi nümayəndəsi Rəşad Aslanov konfransda çıxış edib və Azərbaycan çayları sərgidə təqdim olunub.
Konfransdakı açılış nitqində çayın mədəni, irsi və iqtisadi əhəmiyyəti haqqında danışan BMT-nin Ərzaq və Kənd Təsərrüfatı Təşkilatının Baş direktoru Qu Donqyu çay sektorunun milyonlarla yoxsul ailələr üçün əsas məşğulluq və gəlir mənbəyi olduğunu qeyd edib, bu sahənin sosial-iqtisadi inkişafa töhfələrinə, üzləşdiyi problemlərə və FAO tərəfindən təşviq edilən həll yollarına toxunub.
Rəşad Aslanov çıxışında çayın Azərbaycan mədəniyyətindəki xüsusi yerindən danışıb və çay süfrəsinin xalqımızın qonaqpərvərlik rəmzlərindən hesab edildiyini deyib. Azərbaycanda müstəqillik illərində bu irsin qorunub saxlanılması, yerli çayların həm ölkə daxilində, həm də xaricdə təşviq edilməsi, bu sahənin inkişafına dövlət dəstəyi haqqında qonaqlara məlumat verilib.
R.Aslanov “Azərbaycan Respublikasında çayçılığın inkişafına dair 2018–2027-ci illər üçün Dövlət Proqramı”nın əhəmiyyətini vurğulayıb, müvafiq istiqamətlər üzrə FAO ilə əməkdaşlığın faydası barədə danışıb və qonaqları sərgidə nümayiş olunan Azərbaycan çaylarının tamı ilə tanış olmağa dəvət edib.
Tədbirdə nazir və ya daimi nümayəndə səviyyəsində təmsil olunan Çin, İndoneziya, Şri Lanka, Almaniya, Argentina, Zimbabve, Keniya və digər ölkələrin nümayəndələri çay sektorunun əhəmiyyəti və ərzaq təhlükəsizliyi ilə bağlı hazırki vəziyyətdə öz ölkələrində çayçılıq ilə məşğul olan kiçik təsərrüfatların dəstəklənməsi məsələləri ətrafında çıxış ediblər.
Sərgidə müxtəlif yerli çay növlərinin, həmçinin çaya əlavə edilən yerli ədviyyatların və quru meyvələrin nümayiş edildiyi Azərbaycan stendi iştirakçıların böyük marağına səbəb olub. Ziyarətçilər çayımızın ətri və tamı ilə tanış olub, onlara Azərbaycanda becərilən çay bitkisinin özünəməxsusluğu, növləri, çay ritualları, eləcə də orqanizmə faydaları haqqında məlumat verilib. FAO-nun Baş direktoru Qu Donqyu da ölkəmizin stendini ziyarət edib və Azərbaycan çayı ilə tanış olub.
Digər maraqlı xəbərləri həmçinin Sputnik Azərbaycan-ın Teleqram kanalından izləyin. 
