https://sputnik.az/20230519/erken-nikahlar-insan-huquqlarinin-pozulmasina-sebeb-olur---vekiller-kollegiyasinin-sedri-455034414.html
Erkən nikahlar insan hüquqlarının pozulmasına səbəb olur - Vəkillər Kollegiyasının sədri
Erkən nikahlar insan hüquqlarının pozulmasına səbəb olur - Vəkillər Kollegiyasının sədri
Sputnik Azərbaycan
Anar Bağırov bildirib ki, erkən nikahlar sağlamlığın qorunması, təhsil, əmək və şəxsi toxunulmazlıq hüquqları kimi insan hüquqlarının pozulmasına səbəb olur. 19.05.2023, Sputnik Azərbaycan
2023-05-19T14:10+0400
2023-05-19T14:10+0400
2023-05-19T14:10+0400
vəkil
cəmiyyət
vəkillər kollegiyası
ailə məcəlləsi
https://cdnn1.img.sputnik.az/img/42167/01/421670175_0:0:3068:1727_1920x0_80_0_0_f94789ea92ce274cc081be26abbb2955.jpg
BAKI, 19 may — Sputnik. "Azərbaycanda hələ də yetkinlik yaşına çatmayanların evliliyinə rast gəlinir. Bu hal cəmiyyət tərəfindən ciddi qınağa səbəb olsa da, təəssüf ki davam etməkdədir". Sputnik Azərbaycan-ın xəbərinə görə, bu fikirləri Vəkillər Kollegiyasının sədri Anar Bağırov "Nikahın xitamı ilə bağlı ailə qanunvericiliyinin tətbiqi sahəsində mövcud vəziyyət" mövzusunda keçirilən konfransda deyib. O xatırladıb ki, Ailə Məcəlləsinə əsasən, nikah nikah yaşına çatmış kişi ilə qadının könüllü ittifaqıdır. Lakin qeyd edilən prinsipə zidd olaraq və dövlətimizin erkən nikahla mübarizə sahəsində apardığı siyasətə baxmayaraq, ölkəmizdə hələ də, yetkinlik yaşına çatmayanların evliliyinə rast gəlinir. "Bu hal cəmiyyət tərəfindən ciddi qınağa səbəb olsa da, təəssüf ki, davam etməkdədir. Erkən nikahlar sağlamlığın qorunması, təhsil, əmək və şəxsi toxunulmazlıq hüquqları kimi insan hüquqlarının pozulmasına səbəb olur. Beynəlxalq hüquq cəmiyyətində, erkən nikahın hətta, köləliyin bir forması kimi tanınması tələb olunur. Qeyd edilən problemin effektiv şəkildə qarşısının alınması üçün vətəndaşların müəyyən təbəqəsinin hüquqi düşüncəsi dəyişməli və bunun üçün hüquqi maarifləndirmə işləri gücləndirilməlidir", - Bağırov deyib. Azərbaycanda Ailə Məhkəmələri yaradıla bilər? Onun sözlərinə görə, ailə qanunvericiliyinə əsasən, nikahın gələcəkdə tərəflərdən birinin sadəcə istəyi ilə, maneəsiz şəkildə (buna ciddi əsaslar olmadan) məhkəmə qaydasında pozulmasına imkan verir: "Yəni nikahda olan tərəfin biri, istənilən formal əsas və səbəb göstərməklə (münasibətlərin pozulması, xasiyyətlərin uyğun gəlməməsi və s.), digər tərəfin istəyi olmadan, nikaha məhkəmə qaydasında xitam verilməsinə nail ola bilər. Bu səbəbləri göstərməsə belə, şəxsin sadəcə nikahın pozulması ilə bağlı iradə ifadəsi buna kifayətdir. Belə olan hallarda, məhkəmə, 3 aylıq müddət gözləməklə nikaha xitam verə bilər". Kollegiya rəhbərinin fikrincə, ailə mübahisələrinin spesifikliyini, mürəkkəbliyini nəzərə alaraq, ailə sahəsində ixtisaslaşan hakimlərin və ya Ailə Məhkəmələrinin yaradılması zəruridir:"Xarici ölkələrin təcrübələrinə diqqət etdikdə görə bilərik ki, bir sıra inkişaf etmiş ölkələrdə, o cümlədən qardaş Türkiyədə Ailə Məhkəmələri mövcuddur. Eyni zamanda Rusiyanın Ali Məhkəməsində Mülki Kollegiyanın tərkibində ailə işlərinə baxan xüsusi tərkib formalaşdırılıb. Düşünürəm ki, bu praktika bizdə də tətbiq edilsə, ailə problemlərinin və boşanmaların səbəbini dərindən öyrənilməsinə zəmin yaradacaq və nəticə etibarı ilə boşanmaların sayının azalmasına müsbət təsir göstərəcək".
Sputnik Azərbaycan
media@sputniknews.com
+74956456601
MIA „Rossiya Segodnya“
2023
Sputnik Azərbaycan
media@sputniknews.com
+74956456601
MIA „Rossiya Segodnya“
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rossiya Segodnya“
Sputnik Azərbaycan
media@sputniknews.com
+74956456601
MIA „Rossiya Segodnya“
vəkil, vəkillər kollegiyası, ailə məcəlləsi
vəkil, vəkillər kollegiyası, ailə məcəlləsi
Erkən nikahlar insan hüquqlarının pozulmasına səbəb olur - Vəkillər Kollegiyasının sədri
Anar Bağırov bildirib ki, erkən nikahlar sağlamlığın qorunması, təhsil, əmək və şəxsi toxunulmazlıq hüquqları kimi insan hüquqlarının pozulmasına səbəb olur.
BAKI, 19 may — Sputnik. "Azərbaycanda hələ də yetkinlik yaşına çatmayanların evliliyinə rast gəlinir. Bu hal cəmiyyət tərəfindən ciddi qınağa səbəb olsa da, təəssüf ki davam etməkdədir".
Sputnik Azərbaycan-ın xəbərinə görə, bu fikirləri Vəkillər Kollegiyasının sədri Anar Bağırov "Nikahın xitamı ilə bağlı ailə qanunvericiliyinin tətbiqi sahəsində mövcud vəziyyət" mövzusunda keçirilən konfransda deyib.
O xatırladıb ki, Ailə Məcəlləsinə əsasən, nikah nikah yaşına çatmış kişi ilə qadının könüllü ittifaqıdır. Lakin qeyd edilən prinsipə zidd olaraq və dövlətimizin erkən nikahla mübarizə sahəsində apardığı siyasətə baxmayaraq, ölkəmizdə hələ də, yetkinlik yaşına çatmayanların evliliyinə rast gəlinir.
"Bu hal cəmiyyət tərəfindən ciddi qınağa səbəb olsa da, təəssüf ki, davam etməkdədir. Erkən nikahlar sağlamlığın qorunması, təhsil, əmək və şəxsi toxunulmazlıq hüquqları kimi insan hüquqlarının pozulmasına səbəb olur. Beynəlxalq hüquq cəmiyyətində, erkən nikahın hətta, köləliyin bir forması kimi tanınması tələb olunur. Qeyd edilən problemin effektiv şəkildə qarşısının alınması üçün vətəndaşların müəyyən təbəqəsinin hüquqi düşüncəsi dəyişməli və bunun üçün hüquqi maarifləndirmə işləri gücləndirilməlidir", - Bağırov deyib.
Azərbaycanda Ailə Məhkəmələri yaradıla bilər?
Onun sözlərinə görə, ailə qanunvericiliyinə əsasən, nikahın gələcəkdə tərəflərdən birinin sadəcə istəyi ilə, maneəsiz şəkildə (buna ciddi əsaslar olmadan) məhkəmə qaydasında pozulmasına imkan verir:
"Yəni nikahda olan tərəfin biri, istənilən formal əsas və səbəb göstərməklə (münasibətlərin pozulması, xasiyyətlərin uyğun gəlməməsi və s.), digər tərəfin istəyi olmadan, nikaha məhkəmə qaydasında xitam verilməsinə nail ola bilər. Bu səbəbləri göstərməsə belə, şəxsin sadəcə nikahın pozulması ilə bağlı iradə ifadəsi buna kifayətdir. Belə olan hallarda, məhkəmə, 3 aylıq müddət gözləməklə nikaha xitam verə bilər".
Kollegiya rəhbərinin fikrincə, ailə mübahisələrinin spesifikliyini, mürəkkəbliyini nəzərə alaraq, ailə sahəsində ixtisaslaşan hakimlərin və ya Ailə Məhkəmələrinin yaradılması zəruridir:
"Xarici ölkələrin təcrübələrinə diqqət etdikdə görə bilərik ki, bir sıra inkişaf etmiş ölkələrdə, o cümlədən qardaş Türkiyədə Ailə Məhkəmələri mövcuddur. Eyni zamanda Rusiyanın Ali Məhkəməsində Mülki Kollegiyanın tərkibində ailə işlərinə baxan xüsusi tərkib formalaşdırılıb. Düşünürəm ki, bu praktika bizdə də tətbiq edilsə, ailə problemlərinin və boşanmaların səbəbini dərindən öyrənilməsinə zəmin yaradacaq və nəticə etibarı ilə boşanmaların sayının azalmasına müsbət təsir göstərəcək".
