https://sputnik.az/20230515/erken-nikahin-saglamligina-vura-bileceyi-fesadlar-aciqlandi-454863045.html
Erkən nikahın insan sağlamlığına vura biləcəyi fəsadlar açıqlandı
Erkən nikahın insan sağlamlığına vura biləcəyi fəsadlar açıqlandı
Sputnik Azərbaycan
Səhiyyə Nazirliyi İctimai Səhiyyə və İslahatlar Mərkəzinin həkim-metodisti bildirib ki, 18 yaşına çatmadan nikaha daxil olmaq uşaqlıq dövrünün qısaldılması... 15.05.2023, Sputnik Azərbaycan
2023-05-15T19:38+0400
2023-05-15T19:38+0400
2023-05-16T13:45+0400
cəmiyyət
erkən nikah
azərbaycan
səhiyyə nazirliyi
https://cdnn1.img.sputnik.az/img/42167/01/421670175_0:0:3068:1727_1920x0_80_0_0_f94789ea92ce274cc081be26abbb2955.jpg
BAKI, 15 may — Sputnik. Səhiyyə Nazirliyi erkən nikahın yeniyetmələrin sağlamlığına vura biləcəyi fəsadları açıqlayıb. Nazirliyin İctimai Səhiyyə və İslahatlar Mərkəzinin həkim-metodisti Afət Məmmədova deyib ki, erkən nikah nikahda olan fərdlərə, onların uşaqlarına, ümumilikdə ailə institutuna (sisteminə) və bütövlükdə cəmiyyətə mənfi təsir göstərir.O həmçinin bildirib ki, ailənin 18 yaşından tez qurulması erkən nikah hesab edilir: "18 yaşına çatmadan nikaha daxil olmaq uşaqlıq dövrünün qısaldılması, uşaqların əsas hüquqlarının pozulması deməkdir". Mütəxəssis yeniyetmə hamilədə hansı ağırlaşmaların baş verə biləcəyinə aydınlıq gətirib:Nazirlik nümayəndəsi qeyd edib ki, yeniyetmə ananın körpəsində hansı problemlərin olacağına da toxunub:"Ananın fiziki problemləri səbəbindən doğulan uşaqların azçəkili olması ehtimalı daha yüksəkdir və bununla bağlı onların xəstələnmə ehtimalı da artır. Əhəmiyyətli amillərdən biri də demək olar ki, özü uşaq olan anaların körpələri böyütmək üçün kifayət qədər bilik və bacarıqlarının olmamasıdır. Bu qadınların reproduktiv sağlamlıq haqqında əsas məlumatlarının yoxluğu, çatışmaması, cinsi münasibətləri müzakirə etmək bacarıqlarının olmaması özlərinin, eyni zamanda körpələrinin sağlamlığına ciddi təhlükə yaradır".Digər maraqlı xəbərləri həmçinin Sputnik Azərbaycan-ın Teleqram kanalından izləyin.
azərbaycan
Sputnik Azərbaycan
media@sputniknews.com
+74956456601
MIA „Rossiya Segodnya“
2023
Sputnik Azərbaycan
media@sputniknews.com
+74956456601
MIA „Rossiya Segodnya“
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rossiya Segodnya“
Sputnik Azərbaycan
media@sputniknews.com
+74956456601
MIA „Rossiya Segodnya“
erkən nikah, azərbaycan, səhiyyə nazirliyi
erkən nikah, azərbaycan, səhiyyə nazirliyi
Erkən nikahın insan sağlamlığına vura biləcəyi fəsadlar açıqlandı
19:38 15.05.2023 (Yenilənib: 13:45 16.05.2023) Səhiyyə Nazirliyi İctimai Səhiyyə və İslahatlar Mərkəzinin həkim-metodisti bildirib ki, 18 yaşına çatmadan nikaha daxil olmaq uşaqlıq dövrünün qısaldılması, uşaqların əsas hüquqlarının pozulması deməkdir.
BAKI, 15 may — Sputnik. Səhiyyə Nazirliyi erkən nikahın yeniyetmələrin sağlamlığına vura biləcəyi fəsadları açıqlayıb. Nazirliyin İctimai Səhiyyə və İslahatlar Mərkəzinin həkim-metodisti Afət Məmmədova deyib ki, erkən nikah nikahda olan fərdlərə, onların uşaqlarına, ümumilikdə ailə institutuna (sisteminə) və bütövlükdə cəmiyyətə mənfi təsir göstərir.
"Erkən nikaha daxil olan qızlar ana və uşaq ölümü, təhsildən və inkişafdan məhrum edilmə, sosial və iş imkanlarının məhdudlaşması, məişət zorakılığı kimi ciddi problemlərlə üzləşirlər", - deyə nazirlik rəsmisi bildirib.
O həmçinin bildirib ki, ailənin 18 yaşından tez qurulması erkən nikah hesab edilir: "18 yaşına çatmadan nikaha daxil olmaq uşaqlıq dövrünün qısaldılması, uşaqların əsas hüquqlarının pozulması deməkdir".
Mütəxəssis yeniyetmə hamilədə hansı ağırlaşmaların baş verə biləcəyinə aydınlıq gətirib:
"Hamiləlik zamanı yeniyetmələrdə daha tez-tez qan təzyiqinin qalxması (hipertoniya), qan azlığı (anemiya), preeklampsiya dəqiq səbəbi məlum olmayan hamiləliyin 2-ci yarısında qan təzyiqinin qalxması və sidik ilə zülalın itirilməsi (proteinuriya) müşayiət olunur. Bu vəziyyət ağır hallarda ana və körpənin həyatı üçün təhlükə yarada bilər. Yeniyetmələrdə doğuşdan sonrakı depressiya halları da daha tez-tez müşahidə olunur. Doğuş zamanı yeniyetmələrdə çanağın fiziki yetişkənliyi başa çatmadığı səbəbindən obstruktiv doğuş (adekvat doğuş fəaliyyətinə baxmayaraq, doğum kanalında dölün gələcək hissəsinin irəliləyişi müşahidə olunmur), ləng doğuş, qanaxma, həmçinin eklampsiya (çox vaxt dölün və ananın ölümü ilə nəticələnə bilən qıcolmalar) kimi fəsadlara daha tez-tez rast gəlinir".
Nazirlik nümayəndəsi qeyd edib ki, yeniyetmə ananın körpəsində hansı problemlərin olacağına da toxunub:
"Ananın fiziki problemləri səbəbindən doğulan uşaqların azçəkili olması ehtimalı daha yüksəkdir və bununla bağlı onların xəstələnmə ehtimalı da artır. Əhəmiyyətli amillərdən biri də demək olar ki, özü uşaq olan anaların körpələri böyütmək üçün kifayət qədər bilik və bacarıqlarının olmamasıdır. Bu qadınların reproduktiv sağlamlıq haqqında əsas məlumatlarının yoxluğu, çatışmaması, cinsi münasibətləri müzakirə etmək bacarıqlarının olmaması özlərinin, eyni zamanda körpələrinin sağlamlığına ciddi təhlükə yaradır".
Digər maraqlı xəbərləri həmçinin Sputnik Azərbaycan-ın Teleqram kanalından izləyin. 
