https://sputnik.az/20230512/deputat-kollec-telebelerine-herbi-xidmete-cagirisla-bagli-guzestin-verilmesini-teklif-edib-454763582.html

Deputat kollec tələbələrinə hərbi xidmətə çağırışla bağlı güzəştin verilməsini təklif edib

Deputat kollec tələbələrinə hərbi xidmətə çağırışla bağlı güzəştin verilməsini təklif edib

Sputnik Azərbaycan

Qanuna əsasən, mülkiyyət və təşkilati-hüquqi formasından asılı olmayaraq dövlət qeydiyyatına alınmış, fəaliyyətinə xüsusi razılıq (lisenziya) verilmiş və... 12.05.2023, Sputnik Azərbaycan

2023-05-12T12:29+0400

2023-05-12T12:29+0400

2023-05-12T12:29+0400

deputat

cəmiyyət

çağırış

hərbi xidmətdən möhlət hüququ

https://cdnn1.img.sputnik.az/img/07e6/02/06/438885892_100:0:900:450_1920x0_80_0_0_971b0a72ca5df9f5f6842ad23279645d.jpg

BAKI, 12 may - Sputnik. “Azərbaycanda universitet tələbələrinə əsgərlikdən möhlət hüququ tanınsa da, kollec tələbələrinə bu möhlət verilmir”. Bunu Milli Məclisin bu gün keçirilən iclasında deputat Naqif Həmzəyev deyib. Deputat kollecdə təhsil alan gənclərə də hərbi xidmətə çağırışla bağlı müəyyən güzəştlər verilməsini təklif edib. "Hərbi vəzifə və hərbi xidmət haqqında" qanun Xatırladaq ki, bu qanunun mövcud 21-ci maddəsi belədir: Maddə 21. Təhsili davam etdirmək üçün çağırışa möhlət verilməsi 21.1. Mülkiyyət və təşkilati-hüquqi formasından asılı olmayaraq dövlət qeydiyyatına alınmış, fəaliyyətinə xüsusi razılıq (lisenziya) verilmiş və akkreditasiya olunmuş təhsil müəssisələrində və onların filiallarında, müvafiq icra hakimiyyəti orqanının müəyyən etdiyi elmi təşkilatda təhsilini davam etdirmək üçün aşağıdakı çağırışçılara möhlət yalnız bir dəfə verilir: 21.1.1. ümumi təhsil müəssisələrində tam orta təhsil alan, 20 yaşınadək çağırışçılara; 21.1.2. peşə təhsili müəssisələrində təhsil alan, bu müəssisələrə daxil olana qədər tam orta təhsil almamış 20 yaşınadək çağırışçılara; 21.1.3. orta ixtisas təhsili müəssisələrində təhsil alan, bu müəssisələrə daxil olana qədər tam orta təhsil almamış 22 yaşınadək çağırışçılara; 21.1.4. əyani təhsilalma formasında bakalavriatda, magistraturada, doktoranturada (adyunkturada), əsas (baza ali) tibb təhsili və rezidenturada təhsil alanlara - təhsilini bitirənədək; 21.1.4-1. doktoranturaya (adyunkturaya) qəbul üzrə ilk imtahandan müvəffəqiyyətlə keçən çağırışçılara - 3 ay müddətinə; 21.1.5. xarici ölkələrdə əyani təhsilalma formasında təhsil alanlara ali təhsil pilləsinin bakalavriat, magistratura və doktorantura (adyunktura) səviyyələrində, tibb təhsili üçün əsas (baza ali) tibb təhsili və rezidenturada (internaturada) təhsil alanlara müvafiq təhsilini bitirənədək. 21.2. Ali təhsil müəssisələrindən xaric edilmiş şəxslər 6 ay müddətində ali təhsil müəssisəsinə bərpa olunmadıqda çağırışa möhlət hüquqlarını itirirlər və ümumi əsaslarla müddətli həqiqi hərbi xidmətə çağırılırlar. 21.3. Təhsilini davam etdirmək üçün müddətli həqiqi hərbi xidmətə çağırışa möhlət almış və müddətli həqiqi hərbi xidmətə çağırılmamış çağırışçılar 35 yaşına çatanadək müddətli həqiqi hərbi xidmətə çağırılırlar. Qeyd: Bu qanunun 21.1.4-cü və 21.1.5-ci maddələrində nəzərdə tutulmuş qaydalar təkrar ali təhsil alan çağırışçılara şamil olunmur.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

2023

xəbərlər

ru_AZ

deputat, çağırış, hərbi xidmətdən möhlət hüququ