https://sputnik.az/20230428/abs-ermenistani-sulh-muqavilesini-imzalamaga-mecbur-edir---layiheni-erika-olson-getirib-454225955.html

ABŞ Ermənistanı sülh müqaviləsini imzalamağa məcbur edir - layihəni Erika Olson gətirib

ABŞ Ermənistanı sülh müqaviləsini imzalamağa məcbur edir - layihəni Erika Olson gətirib

Sputnik Azərbaycan

Sənədin məzmunu ilə bağlı təfərrüatlar məlum deyil, lakin onun Ermənistan maraqlarına heç də uyğun olmadığına dair məlumatlar var. 28.04.2023, Sputnik Azərbaycan

2023-04-28T13:30+0400

2023-04-28T13:30+0400

2023-04-28T13:34+0400

abş

siyasət

ermənistan

ermənistan xin

rusiya

nikol paşinyan

ermənistanın baş naziri nikol paşinyan

dağlıq qarabağ

https://cdnn1.img.sputnik.az/img/07e6/0b/0a/448434224_0:136:3158:1912_1920x0_80_0_0_06cbe1e774e6d3c2247662777805e894.jpg

BAKI, 28 aprel — Sputnik. ABŞ Ermənistan hakimiyyətinə sülh sazişinin tezliklə imzalanması üçün təzyiqlər edir. Bu barədə məlumat Ermənistan KİV-ində yayılıb. Qeyd olunur ki, tərəflər sazişin ilkin variantını mayın sonuna kimi təsdiq etməlidirlər və müqavilənin layihə variantını bu yaxınlarda Ermənistana səfər etmiş ABŞ dövlət katibinin müavini Erika Olson gətirib. Sənədin məzmunu ilə bağlı təfərrüatlar məlum deyil, lakin onun Ermənistan maraqlarına heç də uyğun olmadığına dair məlumatlar var. Xüsusən də bir neçə həftə əvvəl Azərbaycanın xarici işlər nazirinin bir neçə ay əvvəl Ermənistana təkliflər göndərdikləri və cavab almadıqları barədə bəyanatını nəzərə aldıqda məlum olur ki, bu təkliflər o qədər pisdir ki, hətta Nikol Paşinyan belə onunla razılaşmır. Qərbin bu tələsikliyi, yəqin ki, Ukrayna cəbhəsində irəliləyişə nail olmaq və nəhayət, Rusiyanı məğlub etmək istəmələri ilə bağlıdır. Rusiyanı küncə sıxışdırmağın yollarından biri də Rusiyanı regiondan qovmaqdır. Məqalədə qeyd olunub ki, Qərbin tətbiq etdiyi sülh müqaviləsi isə məqsədə çatmağın yollarından biridir: "Qərb də görür ki, Ermənistan xarici ticarət dövriyyəsinin kəskin artması, büdcəyə əlavə daxilolmalar sırf Rusiya-Ukrayna münaqişəsi, yəni Ermənistanın Rusiyaya qarşı tətbiq edilmiş sanksiyalardan yan keçməsi ilə bağlıdır". Bildirilib ki, Ermənistana Azərbaycanla sülh müqaviləsi imzalatmaqla onu siyasi addım atmağa məcbur etmək, Rusiyaya "paralel ixracı" dayandırmaq qərarına gəliblər. Martın əvvəlində Avropa İttifaqının nümayəndəsi bəyan edib ki, Rusiyaya yaxın ölkələrlə, o cümlədən Ermənistanla ticarətin əhəmiyyətli dərəcədə artması suallar doğurur. Suallar sanksiyalara məruz qalan malların başqa ölkələr vasitəsilə Rusiyaya daxil olub-olmaması ilə bağlıdır ki, bu da həmin ölkələrin Rusiya bazarında ixracının bu qədər kəskin artmasına səbəb olub və Rusiyanın sanksiyaların təzyiqinə tab gətirməsinə kömək edib. Sanksiyaların tətbiqindən sonra Avropa Birliyi, ABŞ və Böyük Britaniyadan Rusiyaya ixrac kəskin azalıb. Amma eyni zamanda, Avropa və ABŞ-dan Ermənistana idxalda kəskin artım olub, Rusiyaya ixrac isə iki dəfə artıb. Qərb Rusiyadan enerji daşıyıcılarının Azərbaycan və Türkiyə üzərindən ixracına göz yumur. Çünki bu, onun maraqlarına uyğundur. Onları erməni xalqının və Ermənistan dövlətinin maraqları maraqlandırmır. "Qərbin müxtəlif rəsmilərinin tez-tez Ermənistana səfərləri sübut edir ki, bizim manevr imkanlarımız bitib və Nikol Paşinyan aydın və tez qərar verməyə məcburdur. Müqavilə imzalayın və sanksiyalar altında olan Rusiya ilə siyasi və ticarət-iqtisadi əlaqələri dayandırın. Bir neçə həftə əvvəl ABŞ-ın "The New York Times" jurnalında dərc olunan məqalədə deyilir ki, Ukraynada başlayan müharibədən sonra Rusiya sanksiyalardan yan keçərək Ermənistan və Qazaxıstanın köməyi ilə bir sıra hərbi məhsullar idxal etməyə başlayıb. Qəzet ABŞ Vergi Xidməti və Ticarət Nazirliyinin əməkdaşlarının iştirakı ilə keçirilən məsləhətləşmə zamanı təqdim olunan materiallara istinad edir. Nəşrin yazdığına görə, idxal olunan texnika Rusiya hərbi sənayesi, xüsusən də raket istehsalı üçün böyük əhəmiyyət kəsb edir", - deyə "Hraparak" nəşri yazıb. Məqalədə o da qeyd olunub ki, Qərbdən gələn emissarlar Nikol Paşinyana qırmızı vərəqə göstərərək, onu Qərblə münasibətləri istiləşdirməklə sərt anti-Rusiya siyasəti aparmağa məcbur ediblər. Güman ki, Paşinyanın hökumətin dünənki iclasında səsləndirdiyi bəyanatlar bununla bağlıdır. Baş nazir Paşinyan bildirib ki, "Dağlıq Qarabağ"da və Laçın dəhlizində daha geniş beynəlxalq iştirak hər gün daha çox zərurətə çevrilir: "Azərbaycanın "Dağlıq Qarabağ"ı ermənilər üçün yeni sərhədə çevirmək səylərinə son qoyulmalıdır və bunun yeganə etibarlı yolu "Dağlıq Qarabağ"da geniş beynəlxalq mandata malik nümayəndələrin olmasıdır. İlk addım kimi Laçın dəhlizinə və "Dağlıq Qarabağ"a təcili beynəlxalq faktaraşdırıcı missiya göndərmək lazımdır. Onu da qeyd edək ki, dünən axşam saatlarında Azərbaycanın xarici işlər naziri fransalı həmkarı ilə keçirdiyi mətbuat konfransında Azərbaycan və Ermənistan XİN rəhbərlərinin gələn həftə ABŞ-da görüşəcəklərini, mövqelərini uyğunlaşdırmağa çalışacaqlarını açıqlayıb. Maraqlıdır ki, Qərb rəsmilərinin səfərləri və Paşinyanın Rusiya Prezidenti Putinlə telefon danışığından sonra dünən Ermənistan İctimai Televiziyasında çıxış edən Təhlükəsizlik Şurasının katibi Armen Qriqoryan bir sıra anti-Rusiya bəyanatları ilə çıxış edərək, təkcə bugünkü vəziyyətə görə Rusiyanı günahlandırıb.

2023

xəbərlər

ru_AZ

abş, ermənistan, ermənistan xin, rusiya, nikol paşinyan, ermənistanın baş naziri nikol paşinyan, dağlıq qarabağ