https://sputnik.az/20230419/srail-azerbaycanda-etraf-muhitin-muhafizesine-tohfe-verecek-453950705.html

İsrail Azərbaycanda ətraf mühitin mühafizəsinə töhfə verəcək

İsrail Azərbaycanda ətraf mühitin mühafizəsinə töhfə verəcək

Sputnik Azərbaycan

Mikayıl Cabbarov bildirib ki, Saziş ölkələrimizin bu istiqamətdə əməkdaşlığının möhkəmləndirilməsinə və resurslardan səmərəli istifadə imkanlarının... 19.04.2023, Sputnik Azərbaycan

2023-04-19T15:56+0400

2023-04-19T15:56+0400

2023-04-19T15:56+0400

siyasət

eli kohen

mikayıl cabbarov

muxtar babayev

ətraf mühit

israil

https://cdnn1.img.sputnik.az/img/07e7/04/13/453948095_0:26:850:504_1920x0_80_0_0_0a556ea0cf3319531ad4d00837de8b12.jpg

BAKI, 19 aprel — Sputnik. Azərbaycan Respublikası Hökuməti və İsrail Dövləti Hökuməti arasında Ətraf mühitin mühafizəsi sahəsində Saziş imzalanıb. Bu barədə iqtisadiyyat naziri, Birgə Komissiyanın həmsədri Mikayıl Cabbarov Tvitterdə bildirib. Sazişi İsrail xarici işlər naziri, Birgə Komissiyanın həmsədri Eli Kohen və Azərbaycanın ekologiya və təbii sərvətlər naziri Muxtar Babayev imzalayıb. Mikayıl Cabbarov bildirib ki, Saziş ölkələrimizin bu istiqamətdə əməkdaşlığının möhkəmləndirilməsinə və resurslardan səmərəli istifadə imkanlarının artırılmasına xidmət edir. Qeyd edək ki, Azərbaycan Respublikası Hökuməti ilə İsrail Dövləti Hökuməti arasında Birgə Komissiyanın iclası keçirilib. İqtisadiyyat naziri Mikayıl Cabbarov qeyd edib ki, iclasda ikitərəfli iqtisadi əməkdaşlıq üzrə gündəlikdə olan məsələlər nəzərdən keçirilib. Azərbaycan-İsrail əlaqələri genişlənir Xatırladaq ki, dünən Azərbaycan Respublikası Hökuməti ilə İsrail Dövləti Hökuməti arasında Birgə Komissiyanın həmsədrləri - Azərbaycanın iqtisadiyyat naziri Mikayıl Cabbarov və İsrailin xarici işlər naziri Eli Kohen arasında görüş keçirilib. Mikayıl Cabbarov Azərbaycanla İsrail arasında yüksək səviyyəli əlaqələri vurğulayıb. Diqqətə çatdırılıb ki, ölkəmizin İsraildə səfirliyinin açılması ikitərəfli münasibətlərin yeni mərhələyə yüksəldiyini göstərir. Azərbaycan Respublikası Hökuməti ilə İsrail Dövləti Hökuməti arasında Birgə Komissiya, həmçinin Azərbaycanın İsraildəki Ticarət nümayəndəliyi ölkələrimiz arasında tərəfdaşlığın inkişafı üçün əhəmiyyətli platformalardır. Ölkələrimiz iqtisadi-ticarət əməkdaşlığının gücləndirilməsi istiqamətində işləri davam etdirir. İsrail Azərbaycanın əsas ticarət tərəfdaşları sırasındadır. İsraillə qarşılıqlı investisiya, həmçinin, energetika, kənd təsərrüfatı, İT, innovasiya, əczaçılıq, turizm və s. sahələr üzrə səmərəli əməkdaşlıq mövcuddur. Ötən il işgüzar dairələrimiz arasında əlaqələrin genişləndirilməsi istiqamətində fəal iş aparılıb. İsrail şirkətləri ilə birgə investisiya layihələrinin reallaşdırılması üzrə işlər davam edir. İsrail şirkətləri ilə həmçinin, sənaye zonaları və aqroparklar, su təsərrüfatı və digər sahələr üzrə də tərəfdaşlıq edilir. İsraillə innovativ inkişaf və rəqəmsal iqtisadiyyat sahəsində əməkdaşlıq Azərbaycan üçün xüsusi önəm daşıyır. İqtisadiyyat naziri Azərbaycanın əlverişli işgüzar mühiti, azad edilmiş ərazilərimizdə həyata keçirilən quruculuq layihələri, sənaye zonalarının fəaliyyəti, Ələt Azad İqtisadi Zonasının imkanları barədə məlumat verib. İsrail Dövlətinin xarici işlər naziri Eli Kohen ölkəsinin Azərbaycanla əlaqələrin genişlənməsinə önəm verdiyini, İsrail şirkətlərinin müxtəlif sahələrdə tərəfdaşlığa maraq göstərdiyini qeyd edib, əməkdaşlığın gücləndirilməsi üçün geniş imkanların olduğunu vurğulayıb. Görüşdə iki ölkə arasında əlaqələrin mövcud vəziyyəti və perspektivlər barədə müzakirələr aparılıb.

2023

xəbərlər

ru_AZ

eli kohen, mikayıl cabbarov, muxtar babayev, ətraf mühit, israil