https://sputnik.az/20230419/eli-kohen-srailden-azerbaycana-gelen-turistlerin-sayi-artmaqdadir-453949927.html

Eli Kohen: İsraildən Azərbaycana gələn turistlərin sayı artmaqdadır

Eli Kohen: İsraildən Azərbaycana gələn turistlərin sayı artmaqdadır

Sputnik Azərbaycan

İsrailin xarici işlər nazirinin sözlərinə görə, ölkələrimiz arasında ticarət dövriyyəsinin artım tempi müşahidə edilir və bunun daha da artırılması üçün geniş... 19.04.2023, Sputnik Azərbaycan

2023-04-19T15:27+0400

2023-04-19T15:27+0400

2023-04-19T15:27+0400

iqtisadiyyat

israil

turizm

prezident ilham əliyev

eli kohen

https://cdnn1.img.sputnik.az/img/07e7/03/1d/453131830_0:161:3070:1888_1920x0_80_0_0_bbc9d9c16c15b74072279e7acf67aad5.jpg

BAKI, 19 aprel — Sputnik. Azərbaycanın İsraildə səfirliyinin açılması ölkələrimiz arasında strateji əlaqələr qurulması işinə töhfə verəcək. Bunu İsrail Dövlətinin xarici işlər naziri, Birgə Komissiyanın həmsədri Eli Kohen Prezident İlham Əliyevlə görüşdə deyib. İsrail ilə Azərbaycan arasındakı əlaqələrin strateji xarakter daşıdığını vurğulayan nazir qeyd edib ki, həm dövlətlərimiz, həm də xalqlarımız arasında dostluq münasibətləri mövcuddur. Eli Kohen turizm sahəsində əlaqələrə toxunaraq bildirib ki, İsraildən Azərbaycana gələn turistlərin sayı artmaqdadır. Onun sözlərinə görə, ölkələrimiz arasında ticarət dövriyyəsinin artım tempi müşahidə edilir və bunun daha da artırılması üçün geniş imkanlar var. Azərbaycan-İsrail əlaqələri genişlənir Xatırladaq ki, dünən Azərbaycan Respublikası Hökuməti ilə İsrail Dövləti Hökuməti arasında Birgə Komissiyanın həmsədrləri - Azərbaycanın iqtisadiyyat naziri Mikayıl Cabbarov və İsrailin xarici işlər naziri Eli Kohen arasında görüş keçirilib. Mikayıl Cabbarov Azərbaycanla İsrail arasında yüksək səviyyəli əlaqələri vurğulayıb. Diqqətə çatdırılıb ki, ölkəmizin İsraildə səfirliyinin açılması ikitərəfli münasibətlərin yeni mərhələyə yüksəldiyini göstərir. Azərbaycan Respublikası Hökuməti ilə İsrail Dövləti Hökuməti arasında Birgə Komissiya, həmçinin Azərbaycanın İsraildəki Ticarət nümayəndəliyi ölkələrimiz arasında tərəfdaşlığın inkişafı üçün əhəmiyyətli platformalardır. Ölkələrimiz iqtisadi-ticarət əməkdaşlığının gücləndirilməsi istiqamətində işləri davam etdirir. İsrail Azərbaycanın əsas ticarət tərəfdaşları sırasındadır. İsraillə qarşılıqlı investisiya, həmçinin, energetika, kənd təsərrüfatı, İT, innovasiya, əczaçılıq, turizm və s. sahələr üzrə səmərəli əməkdaşlıq mövcuddur. Ötən il işgüzar dairələrimiz arasında əlaqələrin genişləndirilməsi istiqamətində fəal iş aparılıb. İsrail şirkətləri ilə birgə investisiya layihələrinin reallaşdırılması üzrə işlər davam edir. İsrail şirkətləri ilə həmçinin, sənaye zonaları və aqroparklar, su təsərrüfatı və digər sahələr üzrə də tərəfdaşlıq edilir. İsraillə innovativ inkişaf və rəqəmsal iqtisadiyyat sahəsində əməkdaşlıq Azərbaycan üçün xüsusi önəm daşıyır. İqtisadiyyat naziri Azərbaycanın əlverişli işgüzar mühiti, azad edilmiş ərazilərimizdə həyata keçirilən quruculuq layihələri, sənaye zonalarının fəaliyyəti, Ələt Azad İqtisadi Zonasının imkanları barədə məlumat verib. İsrail Dövlətinin xarici işlər naziri Eli Kohen ölkəsinin Azərbaycanla əlaqələrin genişlənməsinə önəm verdiyini, İsrail şirkətlərinin müxtəlif sahələrdə tərəfdaşlığa maraq göstərdiyini qeyd edib, əməkdaşlığın gücləndirilməsi üçün geniş imkanların olduğunu vurğulayıb. Görüşdə iki ölkə arasında əlaqələrin mövcud vəziyyəti və perspektivlər barədə müzakirələr aparılıb.

2023

xəbərlər

ru_AZ

israil, turizm, prezident ilham əliyev, eli kohen