https://sputnik.az/20230418/hasilatin-azalacagi-narahatligi-nefti-bahalasdirir-453884076.html

Hasilatın azalacağı narahatlığı nefti bahalaşdırır

Hasilatın azalacağı narahatlığı nefti bahalaşdırır

Sputnik Azərbaycan

İqtisadi tənəzzülün və neftə tələbatın azalması səbəbindən mart ayında 70 dollara qədər ucuzlaşan neftin qiyməti ixracatçı ölkələrin hasilatı azaltması ilə... 18.04.2023, Sputnik Azərbaycan

2023-04-18T11:36+0400

2023-04-18T11:36+0400

2023-04-18T11:36+0400

neft

neft-qaz

azeri light markalı neft

qiymət

opek

https://cdnn1.img.sputnik.az/img/07e6/0b/1e/449134956_0:0:3072:1728_1920x0_80_0_0_99ccb08fa658d41dc8f06f217501b1d1.jpg

BAKI, 18 aprel — Sputnik. Dünya birjalarında neft qiymətləri bahalaşıb. London birjasında "Brent" markalı neftin bir barelinin qiyməti 0,45 dollar artaraq 85,21 dollar olub. Nyu-York birjasında "Light" markalı neftin bir barelinin qiyməti isə 0,38 dollar bahalaşaraq 81,21 dollar təşkil edib. Azərbaycan neftinin ("Azeri Light") qiyməti isə 1,5 dollar azalaraq 88,59 dollar olub. Qeyd edək ki, iqtisadi tənəzzülün və neftə tələbatın azalması səbəbindən mart ayında 70 dollara qədər ucuzlaşan neftin qiyməti ixracatçı ölkələrin hasilatı azaltması ilə yüksəlib. Mart ayında qlobal neft tədarükü 450 min barelə yaxın azalıb, OPEC-in neft hasilatı isə mart ayında aylıq bazda təxminən 140 min barel azalıb. 2022-ci ildə bütün iqtisadiyyatlarda, xüsusilə ABŞ və Avropada neft və enerji qiymətlərinin artması inflyasiyanın əsas mənbəyi olub. Onu da bildirək ki, "Rystad Energy" enerji tədqiqatları mərkəzinə görə, "OPEC plus"un hasilatı azaltması neft qiymətlərini 100 dollardan yuxarı qaldıracaq. "Rystad Energy" analitiklərinin fikrincə, hasilatın azaldılması "Brent" markalı neftin qiymətini yayda 110 dollar/barel səviyyəsinə qaldıra bilər. Səudiyyə Ərəbistanı və Birləşmiş Ərəb Əmirlikləri də daxil olmaqla bir sıra OPEC ölkələri könüllü olaraq 2023-cü ilin mayından neft hasilatını azaltmaqla bağlı qərar qəbul edib. OPEC və müttəfiqlərinin hasilatı azaltması gələn ay neft tədarükünün gündəlik 1,1 milyon barel azalması ilə nəticələnəcək. Səudiyyə Ərəbistanı gündəlik 500 min barel azalma ilə neft hasilatının azalmasına qoşulacaq. İraq, Küveyt və Birləşmiş Ərəb Əmirlikləri də gündəlik 100 min bareldən çox azalmaya qoşulur, Rusiya isə gündəlik 500 min barel azaltmanı daha əvvəl bildirmişdi. Rusiyanın ixtisarını nəzərə alsaq, potensial 1,6 milyon barel neft "OPEC plus" üzvləri tərəfindən hasil edilməyəcək. "OPEC plus" sonuncu dəfə oktyabr ayında neft hasilatını gündəlik 2 milyon barel azaldacağını açıqlamışdı. Xatırladaq ki, 2022-ci ildə "Azeri Light" markalı neftin bir barelinin orta satış qiyməti 103,58 ABŞ dolları təşkil edib. 2021-ci ilin göstəricisi ilə müqayisədə ötən il "Azeri Light" nefti 44,6% bahalaşıb. 2022-ci il ərzində "Azeri Light" markalı neftin ən yüksək qiyməti 8 mart tarixində bir barel üçün 135,99 ABŞ dolları, ən aşağı qiyməti isə 8 dekabr tarixində 78,07 ABŞ dolları olub.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

2023

xəbərlər

ru_AZ

neft, azeri light markalı neft, qiymət, opek