Uşaqlara 18+ material nə üçün təqdim olunur? - Div ilə nənənin "sərgüzəştləri" barədə

“Yəni bu dərsliklərdə 18+ ifadələr o qədər də gözə dəymir. Lakin təəssüflə qeyd edim ki, xüsusən də ibtidai siniflərdə bəzən müəllimlər dərsə “rəng” qatmaq üçün əlavə oxu vəsaitlərinə keçirlər. Hansı ki, bu əlavə vəsaitlər nazirlik tərəfindən də müsbət qarşılanmayıb, müsbət rəy verilməyib. Bu vəsaitlər diqqətdən kənar qaldığı üçün xətalarla dolu olur. Lakin təəssüflər olsun ki, bəzən bu kitablar uşaqalara satılır, məcbur edilir ki, onlar bu kitabları alsınlar”.

"Çünki burada ikili maraq özünü göstərir. Bəzən "geydirmə" vəsaitlərin müəllifləri direktorla əlbir olurlar ki, daha çox kitab satıb, əlavə faiz əldə etsinlər. Bəlkə də buna görə belə kitablara “maraq” yaranır”, - deyə ekspert bildirib.

“Ümumiyyətlə, Nazirlər Kabinetinin qərarına əsasən dərsliklər, sinifdənxaric oxuların hazırlanması zamanı uşaqların yaş psixologiyası, oradakı informasiyaların dəqiqliyi, kitabın həcmi və sair məqamlar nəzərə alınmalıdır. Əslində bütün bunlara da nəzarət edəcək qurum olmalıdır. Yəni düşünürəm ki, dərsliklərdən əlavə, digər vəsaitlərə də nəzarət olmalıdır. Yaxşı olar ki, öncə müəllim özü sinifdənxaric oxu üçün məsləhət bildiyi hekayəni oxusun, tanış olsun. Çünki əks halda hekayə şagird üçün zərərli ola bilər”.

“Bu, şagirdlərə çox pis nümunə ola bilər. Kitabda əxlaqsız ifadələrin, şəkillərin olması yolverilməzdir. Bu, xalqa qarşı cinayətdir. Bu, əxlaqsızlığı təbliğ etməkdir. Təhsil haqqında qanunda nəzərdə tutulur ki, orta məktəb şəxsiyyət yetişdirir, bu səbəbdən kitablar da milli dövlətçilik və dəyərlərə sadiq olan vətəndaşların yetişdirilməsinə xidmət edir. Amma reallıq isə bunun əksini göstərir”.

“Çünki, təhsil nazirliyi sifariş verir və deyir ki, dövlətin standartlarına cavab verən dərsliklər yazın. Amma burada mübahisəli məsələ var. Həmin o standart reallaşmasa belə, təhsil nazirliyinin elan etdiyi tenderə bir neçə müəllif müraciət edir. Dövlətin müəyyən etdiyi qiymətləndirmə balı var. Məsələn, 100 balı keçən dərslik qalib elan olunur. Amma, tutaq ki, 5 dərslik tenderə təqdim olunub, heç biri 100 bal yığmayıb. Hətta cəmi 1, 2, 3, 4 və 5 bal yığıb. Nazirlik məcbur olur ki, tenderdə qalib gəlməyən, amma ən yüksək bal toplayan dərsliyi ən keyfiyyətsiz olsa belə, qəbul edib orta məktəblərə göndərsin. Yəni, "pislərin içərisindən bir az yaxşını" götürüb məktəblərə veririk”.

"Ümumiyyətlə, dövlət ümumi təhsil müəssisələri üçün hazırlanan dərsliklər istifadəyə verilmədən öncə onlara Elm və Təhsil Nazirliyinin fənlər üzrə ekspertlərinin, Dövlət İmtahan Mərkəzinin mütəxəssislərinin, ali və ümumi təhsil müəssisələrinin müəllimlərinin və ictimai müzakirədən daxil olan rəylərin əsasında düzəlişlər edilir. Bu səbəbdən şagirdlərə təqdim edilən dərsliklərdə belə halların olması mümkün deyil".