https://sputnik.az/20230411/koreya-hokumeti-olkemize-tibbi-cihazlar-iane-edib-453664441.html
Koreya hökuməti ölkəmizə tibbi cihazlar ianə edib
Koreya hökuməti ölkəmizə tibbi cihazlar ianə edib
Sputnik Azərbaycan
Təlimdə "Azərbaycanda yoluxucu xəstəliklərin qarşısının alınması" və "Ölkədə infeksion nəzarət və infeksiyaların profilaktikası ilə bağlı həyata keçirilən... 11.04.2023, Sputnik Azərbaycan
2023-04-11T20:01+0400
2023-04-11T20:01+0400
2023-04-11T20:01+0400
koreya
səhiyyə
azərbaycan
ianə
cihaz
https://cdnn1.img.sputnik.az/img/42223/81/422238161_0:93:2001:1218_1920x0_80_0_0_7ede7ae762a638c646843bc10f6b8a93.jpg
BAKI, 11 aprel — Sputnik. Aprelin 11-də İcbari Tibbi Sığorta üzrə Dövlət Agentliyi ilə Koreya Beynəlxalq Əməkdaşlıq Agentliyinin (KOICA) Azərbaycan nümayəndəliyi arasında icra olunan "Səhiyyə sektorunun dəstəklənməsi" layihəsi çərçivəsində Tibbi Ərazi Bölmələrini İdarəetmə Birliyinin (TƏBİB) tabeliyində fəaliyyət göstərən Akademik M.Ə.Mirqasımov adına Respublika Klinik Xəstəxanasına tibbi cihazlar ianə edilib. İcbari Tibbi Sığorta üzrə Dövlət Agentliyinin yaydığı məlumata görə, KOICA Azərbaycanlı Məzunlar Assosiasiyasının (KOAZ) maliyyə dəstəyi ilə xəstəxananın Pediatriya şöbəsinə ianə edilən cihazlar (inhalyator, elektron qulaq termometri, qlükometr və digərləri) uşaqlara göstərilən tibbi xidmətlərin keyfiyyətinin yaxşılaşdırılması məqsədini daşıyır. Təqdimat mərasimində Respublika Klinik Xəstəxanasının direktoru Elviz Qasımov, KOICA Azərbaycan nümayəndəliyinin direktoru Mun Conq Hyun, agentliyin Beynəlxalq əlaqələr departamentinin rəhbəri Ruslan Abdullayev və TƏBİB-in Strateji inkişaf departamentinin rəhbəri Yaqut Qarayeva iştirak edib. Respublika Klinik Xəstəxanasının direktoru Elviz Qasımov Koreya hökumətinə öz təşəkkürünü bildirib: "Koreya hökumətinin ölkəmizdə səhiyyənin inkişafına və əhalinin sağlamlığının qorunmasına göstərdiyi diqqət təqdirəlayiqdir. İanə edilən avadanlıqlar ambulator və stasionar şəraitdə uşaqlara vaxtında, keyfiyyətli tibbi xidmətlərin göstərilməsinə kömək olacaq". Daha sonra KOICA Azərbaycan nümayəndəliyinin direktoru Mun Conq Hyun Azərbaycandakı səhiyyə qurumları ilə səmərəli əməkdaşlıqdan məmnunluğunu ifadə edib. Qeyd olunub ki, layihə çərçivəsində agentliklə KOICA arasında imzalanan Anlaşma Memorandumunun məqsədi Azərbaycanda tibbi xidmətlərin keyfiyyətini və əlçatanlığını təmin etməkdir. Sonda TƏBİB-in Strateji inkişaf departamentinin rəhbəri Yaqut Qarayeva tibb müəssisələrinin texniki bazasının gücləndirilməsi yönündə göstərilən dəstəyə görə Koreya hökumətinə minnətdarlığını bildirib və səmərəli əməkdaşlığın davam etdiriləcəyinə əminliyini ifadə edib. Tədbirin ikinci hissəsində Respublika Klinik Xəstəxanasının tibb işçilərinin infeksion xəstəliklərlə bağlı biliklərinin artırılması, bu sahədə Koreya təcrübəsinin öyrənilməsi məqsədilə təlim keçirilib. Təlimdə "Azərbaycanda yoluxucu xəstəliklərin qarşısının alınması" və "Ölkədə infeksion nəzarət və infeksiyaların profilaktikası ilə bağlı həyata keçirilən fəaliyyətlər" mövzularında təqdimatlar edilərək, təcrübə mübadiləsi aparılıb.
azərbaycan
Sputnik Azərbaycan
media@sputniknews.com
+74956456601
MIA „Rosiya Segodnya“
2023
Sputnik Azərbaycan
media@sputniknews.com
+74956456601
MIA „Rosiya Segodnya“
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rosiya Segodnya“
Sputnik Azərbaycan
media@sputniknews.com
+74956456601
MIA „Rosiya Segodnya“
koreya, azərbaycan, ianə, cihaz
koreya, azərbaycan, ianə, cihaz
Koreya hökuməti ölkəmizə tibbi cihazlar ianə edib
Təlimdə "Azərbaycanda yoluxucu xəstəliklərin qarşısının alınması" və "Ölkədə infeksion nəzarət və infeksiyaların profilaktikası ilə bağlı həyata keçirilən fəaliyyətlər" mövzularında təqdimatlar edilərək, təcrübə mübadiləsi aparılıb
BAKI, 11 aprel — Sputnik. Aprelin 11-də İcbari Tibbi Sığorta üzrə Dövlət Agentliyi ilə Koreya Beynəlxalq Əməkdaşlıq Agentliyinin (KOICA) Azərbaycan nümayəndəliyi arasında icra olunan "Səhiyyə sektorunun dəstəklənməsi" layihəsi çərçivəsində Tibbi Ərazi Bölmələrini İdarəetmə Birliyinin (TƏBİB) tabeliyində fəaliyyət göstərən Akademik M.Ə.Mirqasımov adına Respublika Klinik Xəstəxanasına tibbi cihazlar ianə edilib.
İcbari Tibbi Sığorta üzrə Dövlət Agentliyinin yaydığı məlumata görə, KOICA Azərbaycanlı Məzunlar Assosiasiyasının (KOAZ) maliyyə dəstəyi ilə xəstəxananın Pediatriya şöbəsinə ianə edilən cihazlar (inhalyator, elektron qulaq termometri, qlükometr və digərləri) uşaqlara göstərilən tibbi xidmətlərin keyfiyyətinin yaxşılaşdırılması məqsədini daşıyır.
Təqdimat mərasimində Respublika Klinik Xəstəxanasının direktoru Elviz Qasımov, KOICA Azərbaycan nümayəndəliyinin direktoru Mun Conq Hyun, agentliyin Beynəlxalq əlaqələr departamentinin rəhbəri Ruslan Abdullayev və TƏBİB-in Strateji inkişaf departamentinin rəhbəri Yaqut Qarayeva iştirak edib.
Respublika Klinik Xəstəxanasının direktoru Elviz Qasımov Koreya hökumətinə öz təşəkkürünü bildirib: "Koreya hökumətinin ölkəmizdə səhiyyənin inkişafına və əhalinin sağlamlığının qorunmasına göstərdiyi diqqət təqdirəlayiqdir. İanə edilən avadanlıqlar ambulator və stasionar şəraitdə uşaqlara vaxtında, keyfiyyətli tibbi xidmətlərin göstərilməsinə kömək olacaq".
Daha sonra KOICA Azərbaycan nümayəndəliyinin direktoru Mun Conq Hyun Azərbaycandakı səhiyyə qurumları ilə səmərəli əməkdaşlıqdan məmnunluğunu ifadə edib. Qeyd olunub ki, layihə çərçivəsində agentliklə KOICA arasında imzalanan Anlaşma Memorandumunun məqsədi Azərbaycanda tibbi xidmətlərin keyfiyyətini və əlçatanlığını təmin etməkdir.
Sonda TƏBİB-in Strateji inkişaf departamentinin rəhbəri Yaqut Qarayeva tibb müəssisələrinin texniki bazasının gücləndirilməsi yönündə göstərilən dəstəyə görə Koreya hökumətinə minnətdarlığını bildirib və səmərəli əməkdaşlığın davam etdiriləcəyinə əminliyini ifadə edib.
Tədbirin ikinci hissəsində Respublika Klinik Xəstəxanasının tibb işçilərinin infeksion xəstəliklərlə bağlı biliklərinin artırılması, bu sahədə Koreya təcrübəsinin öyrənilməsi məqsədilə təlim keçirilib. Təlimdə "Azərbaycanda yoluxucu xəstəliklərin qarşısının alınması" və "Ölkədə infeksion nəzarət və infeksiyaların profilaktikası ilə bağlı həyata keçirilən fəaliyyətlər" mövzularında təqdimatlar edilərək, təcrübə mübadiləsi aparılıb.
