DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

Hindistan orduda qatırların qismən robotlarla əvəz edilməsini planlaşdırır

© AFP 2023 / ROBERTO SCHMIDTHindistan ordusu
Hindistan ordusu - Sputnik Azərbaycan, 1920, 04.04.2023
Abunə olmaq
Robot-qatırlar batareyalar, su və döyüş sursatları da daxil olmaqla yük daşımaq və müstəqil şəkildə və ya uzaqdan idarə olunmaqla nəzarət altında hərəkət etmək üçün nəzərdə tutulublar.
BAKI, 4 aprel — Sputnik. Hindistan 2030-cu ilə qədər ordudakı qatırların 60%-ni qatır-robotlarla əvəz etməyi planlaşdırır. Bu barədə "Indian Defence Research Wing" məlumat yayıb.
Qeyd olunduğu kimi, qatırlardan Hindistan ordusunda çətin iqlim şəraiti olan bölgələrdə yüklərin daşınması üçün istifadə olunur.
Hindistan ordusunun müxtəlif növ ərazilərdə ayrılıqda hərəkət edə bilən və maneələrdən qaça bilən dördayaqlı qatır robotları almağı planlaşdırdığı bildirilir.
Xəbərdə Hindistan ordusunun sərhəddəki ucqar bazalara ərzaq kimi yükləri çatdıra bilən kiçik, orta və böyük yük dronları da almağı planlaşdırdığı bildirilib.
Planlaşdırılır ki, pilotsuz təyyarələr sərbəst şəkildə işləyə və 100-150 kilometrə qədər məsafədə əvvəlcədən müəyyən edilmiş marşrutlar üzrə hərəkət edə biləcəklər.
Qeyd edək ki, 2022-ci ilin noyabrından başlayaraq "General Dynamics"in ilk robot-qatırları ABŞ Ordusunda xidmətə başlayıblar.
Onlar batareyalar, su və döyüş sursatları da daxil olmaqla yük daşımaq və sərbəst şəkildə və ya uzaqdan idarə olunmaqla pilotun nəzarəti altında hərəkət etmək üçün nəzərdə tutulublar. Robot-qatırlar, həmçinin, batareyaları doldurmaq üçün də istifadə edilə bilərlər.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Xəbər lenti
0