https://sputnik.az/20230329/qrossi-ve-rosenergoatom-bas-direktorunun-musaviri-zaes-erazisini-yoxlayirlar-453168887.html
Qrossi və "Rosenergoatom" baş direktorunun müşaviri ZAES ərazisini yoxlayırlar
Qrossi və "Rosenergoatom" baş direktorunun müşaviri ZAES ərazisini yoxlayırlar
Sputnik Azərbaycan
MAQATE dəfələrlə ZAES ətrafında təhlükəsizlik zonasının yaradılmasının zəruriliyini bəyan edib. 29.03.2023, Sputnik Azərbaycan
2023-03-29T19:31+0400
2023-03-29T19:31+0400
2023-03-29T19:31+0400
dünya xəbərləri
zaporojye
aes
yoxlama
rusiyanın müdafiə naziri sergey şoyqu
https://cdnn1.img.sputnik.az/img/07e6/09/02/445635302_0:134:3162:1913_1920x0_80_0_0_cd8c5349378e769181d09ba33e0200f1.jpg
BAKI, 29 mart — Sputnik. Beynəlxalq Atom Enerjisi Agentliyinin (MAQATE) baş direktoru Rafael Qrossi və "Rosenerqoatom" konserninin baş direktorunun müşaviri Renat Karçaa Zaporojye Atom Elektrik Stansiyasının ərazisinə baxış keçirirlər. Bu barədə "RİA Novosti"nin müxbiri xəbər verir. Nümayəndə heyəti hazırda Ukraynanın ZAES-ə zərbə endirdiyi ərazilərə baxış keçirir. "Rosenerqoatom"un nümayəndəsi stansiyanın bərpa olunmuş hissələrini, eləcə də təmir işlərinin aparıldığı hissələri göstərir. Zaporojye AES Dnepr çayının sol sahilində, Enerqodar şəhəri yaxınlığında yerləşir. Bu, aqreqatların sayına və quraşdırılmış gücünə görə Avropanın ən böyük atom elektrik stansiyasıdır - stansiyada hər birinin gücü 1 geqavatt olan altı enerji bloku var. 2022-ci ilin martından o, Rusiya ordusunun himayəsindədir. Rusiya Xarici İşlər Nazirliyi nüvə və radioaktiv materialların sızmasının qarşısını almaq üçün bu addımın haqlı olduğunu vurğulayıb. Ukrayna hərbçiləri Enerqodarı və Zaporojye AES-in şəhərə bitişik ərazilərini mütəmadi olaraq atəşə tutmaqda davam edirlər. Rusiyanın müdafiə naziri Sergey Şoyqu bildirib ki, Kiyev rejimi ZAES-i məqsədyönlü şəkildə atəşə tutmağa davam etməklə nüvə fəlakəti təhlükəsi görüntüsü yaratmağa çalışır. MAQATE dəfələrlə ZAES ətrafında təhlükəsizlik zonasının yaradılmasının zəruriliyini bəyan edib. Bu, Qrossinin AES-ə ikinci səfəri və onun keçən il sentyabrın 1-də ZAES-də MAQATE ekspertlərinin daimi iştirakını təyin etdikdən sonra ilk səfəridir. MAQATE-də izah edildiyi kimi, Qrossi "obyektdəki nüvə təhlükəsizliyi ilə bağlı ciddi vəziyyəti şəxsən qiymətləndirmək və ölkədə davam edən hərbi münaqişə zamanı onun qorunmasının təcili ehtiyacını vurğulamaq üçün" ZAES-ə gedəcək. Baş direktor özü qeyd edib ki, vəziyyəti dəyərləndirməyi və çətin şəraitdə obyekti işlədənlərlə danışmağı planlaşdırır. O, həmçinin stansiyanın mühafizəsi təklifi üzərində işləməyə davam etdiyini bildirib.
Sputnik Azərbaycan
media@sputniknews.com
+74956456601
MIA „Rossiya Segodnya“
2023
Aygün Bünyadzadə
https://cdnn1.img.sputnik.az/img/07e6/05/06/441716660_0:0:1000:1001_100x100_80_0_0_486cda2f4c78f152b984457db6213569.png
Aygün Bünyadzadə
https://cdnn1.img.sputnik.az/img/07e6/05/06/441716660_0:0:1000:1001_100x100_80_0_0_486cda2f4c78f152b984457db6213569.png
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rossiya Segodnya“
Sputnik Azərbaycan
media@sputniknews.com
+74956456601
MIA „Rossiya Segodnya“
Aygün Bünyadzadə
https://cdnn1.img.sputnik.az/img/07e6/05/06/441716660_0:0:1000:1001_100x100_80_0_0_486cda2f4c78f152b984457db6213569.png
zaporojye, aes, yoxlama, rusiyanın müdafiə naziri sergey şoyqu
zaporojye, aes, yoxlama, rusiyanın müdafiə naziri sergey şoyqu
Qrossi və "Rosenergoatom" baş direktorunun müşaviri ZAES ərazisini yoxlayırlar
MAQATE dəfələrlə ZAES ətrafında təhlükəsizlik zonasının yaradılmasının zəruriliyini bəyan edib.
BAKI, 29 mart — Sputnik. Beynəlxalq Atom Enerjisi Agentliyinin (MAQATE) baş direktoru Rafael Qrossi və "Rosenerqoatom" konserninin baş direktorunun müşaviri Renat Karçaa Zaporojye Atom Elektrik Stansiyasının ərazisinə baxış keçirirlər.
Bu barədə "RİA Novosti"nin müxbiri xəbər verir.
Nümayəndə heyəti hazırda Ukraynanın ZAES-ə zərbə endirdiyi ərazilərə baxış keçirir. "Rosenerqoatom"un nümayəndəsi stansiyanın bərpa olunmuş hissələrini, eləcə də təmir işlərinin aparıldığı hissələri göstərir.
Zaporojye AES Dnepr çayının sol sahilində, Enerqodar şəhəri yaxınlığında yerləşir. Bu, aqreqatların sayına və quraşdırılmış gücünə görə Avropanın ən böyük atom elektrik stansiyasıdır - stansiyada hər birinin gücü 1 geqavatt olan altı enerji bloku var. 2022-ci ilin martından o, Rusiya ordusunun himayəsindədir. Rusiya Xarici İşlər Nazirliyi nüvə və radioaktiv materialların sızmasının qarşısını almaq üçün bu addımın haqlı olduğunu vurğulayıb. Ukrayna hərbçiləri Enerqodarı və Zaporojye AES-in şəhərə bitişik ərazilərini mütəmadi olaraq atəşə tutmaqda davam edirlər. Rusiyanın müdafiə naziri Sergey Şoyqu bildirib ki, Kiyev rejimi ZAES-i məqsədyönlü şəkildə atəşə tutmağa davam etməklə nüvə fəlakəti təhlükəsi görüntüsü yaratmağa çalışır. MAQATE dəfələrlə ZAES ətrafında təhlükəsizlik zonasının yaradılmasının zəruriliyini bəyan edib.
Bu, Qrossinin AES-ə ikinci səfəri və onun keçən il sentyabrın 1-də ZAES-də MAQATE ekspertlərinin daimi iştirakını təyin etdikdən sonra ilk səfəridir. MAQATE-də izah edildiyi kimi, Qrossi "obyektdəki nüvə təhlükəsizliyi ilə bağlı ciddi vəziyyəti şəxsən qiymətləndirmək və ölkədə davam edən hərbi münaqişə zamanı onun qorunmasının təcili ehtiyacını vurğulamaq üçün" ZAES-ə gedəcək. Baş direktor özü qeyd edib ki, vəziyyəti dəyərləndirməyi və çətin şəraitdə obyekti işlədənlərlə danışmağı planlaşdırır. O, həmçinin stansiyanın mühafizəsi təklifi üzərində işləməyə davam etdiyini bildirib.
