https://sputnik.az/20230324/azerbaycanda-en-yuksek-ve-en-asagi-maas-olan-rayon-ve-seherler---nfoqrafka-452617113.html

Azərbaycanda ən yüksək və ən aşağı maaş olan rayon və şəhərlər - İNFOQRAFİKA

Azərbaycanda ən yüksək və ən aşağı maaş olan rayon və şəhərlər - İNFOQRAFİKA

Sputnik Azərbaycan

Ölkədə muzdla çalışan işçilərin orta aylıq əməkhaqqı kəskin artıb. Qarabağ iqtisadi rayonu üzrə ötən il orta aylıq əməkhaqqı 537,2 manat təşkil edib. Məsələn... 24.03.2023, Sputnik Azərbaycan

2023-03-24T09:31+0400

2023-03-24T09:31+0400

2023-03-24T09:31+0400

maaş

iqtisadiyyat

rayon

şəhər

füzuli rayonu

ağdam rayonu

bakı şəhəri

qax rayonu

cəbrayıl rayonu

əmək haqqı

https://cdnn1.img.sputnik.az/img/42226/85/422268526_0:0:2000:1125_1920x0_80_0_0_2a6f7fb5999bdfde24201657e908ad5d.jpg

BAKI, 24 mart — Sputnik. Keçən il Azərbaycanda muzdla çalışan işçilərin orta aylıq nominal əməkhaqqı 2021-ci ilə nisbətən 14,7 faiz artaraq 839,4 manat olub. Muzdla çalışan işçilərin sayı 2021-ci illə müqayisədə 24,8 min nəfər və ya 1,5 faiz artaraq 1 milyon 733,9 min nəfər təşkil edib. Bəs maraqlıdır, ötən il ən yüksək və ən aşağı orta aylıq əməkhaqqı hansı rayon və şəhərlərdə qeydə alınıb? Ən yüksək əməkhaqqı Bakıdadır Dövlət Statistika Komitəsinin məlumatına görə, ötən il ən yüksək orta aylıq nominal əməkhaqqı Bakı şəhərində qeydə alınıb. Belə ki, paytaxta bu göstərici 1079,8 manat təşkil edib. İkinci ən çox orta aylıq nominal əməkhaqqı Daşkəsən rayonunda olub - 954,9 manat. Üçüncü yerdə isə 737,2 manat olmaqla Gədəbəy rayonu qərarlaşıb. Ən yüksək orta aylıq nominal əməkhaqqının olduğu dördüncü yerdə 733,4 manat olmaqla Sumqayıt şəhəri, beşinci yerdə isə 712,7 manat olmaqla Şuşadır. Ən aşağı maaş isə Qaxdadır Ölkə üzrə ən aşağı orta aylıq nominal əməkhaqqı Qax rayonunda qeydə alınıb. Belə ki, rayonda bu göstərici 451,5 manat olub. İkinci ən aşağı orta aylıq nominal əməkhaqqı Balakən rayonunda qeydə alınıb - 480,3 manat. Üçüncü yerdə isə 480,4 manat olmaqla Zaqatala rayonu qərarlaşıb. Ən aşağı orta aylıq nominal əməkhaqqının olduğu dördüncü yer 488,3 manat olmaqla Xızı rayonu, beşinci yer isə 497,6 manat olmaqla Beyləqan rayonudur. Onu da qeyd edək ki, Qarabağ iqtisadi rayonu üzrə isə ötən il orta aylıq nominal əməkhaqqı 537,2 manat təşkil edib. Məsələn, Füzulidə bu göstərici 525,1 manat, Tərtərdə 513,4 manat, Ağdamda 530,4 manat olub. Cəbrayılda əməkhaqqı 608,6 manat olub Şərqi Zəngəzur iqtisadi rayonu üzrə orta aylıq nominal əməkhaqqı 582,8 manat olub. Bu göstərici Şərqi Zəngəzur iqtisadi rayonuna daxil olan Cəbrayıl rayonunda 608,6 manat, Kəlbəcər rayonunda 572,4 manat, Qubadlı rayonunda 678,7 manat, Laçın rayonunda 529,8 manat, Zəngilan rayonunda 639,6 manat qeydə alınıb. İqtisadiyyatda işləyənlərin sayı Qeyd edək ki, Dövlət Statistika Komitəsinin məlumatına görə, ötən il ölkə iqtisadiyyatında muzdla çalışan işçilərin sayı 2021-ci illə müqayisədə 24,8 min nəfər və ya 1,5 faiz artaraq 1733,9 min nəfər olub, onlardan 903,3 min nəfəri iqtisadiyyatın dövlət sektorunda, 830,6 min nəfəri isə qeyri-dövlət sektorunda fəaliyyət göstərib. Muzdla işləyənlərin 19,3 faizi təhsil, 18,7 faizi ticarət, nəqliyyat vasitələrinin təmiri, 12,9 faizi sənaye, 8,2 faizi əhaliyə səhiyyə və sosial xidmətlərin göstərilməsi, 7,1 faizi tikinti, 6,5 faizi dövlət idarəetməsi və müdafiə, sosial təminat, 4,2 faizi nəqliyyat və anbar təsərrüfatı, 3,6 faizi kənd təsərrüfatı, meşə təsərrüfatı və balıqçılıq, 3,5 faizi peşə, elmi və texniki fəaliyyət, 2,0 faizi maliyyə və sığorta fəaliyyəti, 14,0 faizi isə iqtisadiyyatın digər sahələrində məşğul olublar. İqtisadiyyatın mədənçıxarma sənayesi, maliyyə və sığorta fəaliyyəti, peşə, elmi və texniki fəaliyyət, eləcə də informasiya və rabitə sahələrində orta aylıq nominal əməkhaqqı daha yüksək olub.

https://sputnik.az/20230208/azerbaycanda-minimum-maas-yasayis-minimumu-mebleginden-40-faiz-yuksekdir-451541504.html

2023

xəbərlər

ru_AZ

maaş, rayon, şəhər, füzuli rayonu, ağdam rayonu, bakı şəhəri, qax rayonu, cəbrayıl rayonu, əmək haqqı, minimum əmək haqqı, əməkhaqqı, aylıq minimum əməkhaqqı