https://sputnik.az/20230224/gencler-arasinda-sorgu-kecirsek-hec-kim-belediyyede-islemek-istemeyecek---deputat-452101070.html
Gənclər arasında sorğu keçirsək, heç kim bələdiyyədə işləmək istəməyəcək - deputat
Gənclər arasında sorğu keçirsək, heç kim bələdiyyədə işləmək istəməyəcək - deputat
Sputnik Azərbaycan
Deputat xatırladıb ki, növbəti bələdiyyə seçkilərinə cəmi iki il qalıb. Ona görə də nə qədər vaxt var, bələdiyyə sistemində köklü və əsaslı islahatalar aparmaq... 24.02.2023, Sputnik Azərbaycan
2023-02-24T14:27+0400
2023-02-24T14:27+0400
2023-02-24T14:27+0400
bələdiyyə
cəmiyyət
https://cdnn1.img.sputnik.az/img/07e5/02/0c/426210679_0:321:3071:2048_1920x0_80_0_0_fdebf1f8b62d01842897db6f5e44205d.jpg
BAKI, 24 fevral - Sputnik. "Bu gün gənclər arasında arzu etdikləri iş yerləri ilə bağlı sorğu keçirsək, aldığımız cavablar arasında əsasən xəstəxana, məktəb, polis, dövlət qulluğu və özəl sektor olacaq. Ancaq heç kim bələdiyyədə işləmək istəyirəm deməyəcək. Bax, cəmiyyətdə bələdiyyələrə qoyulan hörmət və nüfuz budur". Bunu Milli Məclisin bu gün keçirilən iclasında "Bələdiyyələrin fəaliyyətinə inzibati nəzarəti həyata keçirən orqanın illik məruzəsi"nin müzakirəsi zamanı deputat Kamran Bayramov deyib. Deputat xatırladıb ki, növbəti bələdiyyə seçkilərinə cəmi iki il qalıb: "Bu cür vəziyyətlə bələdiyyələrə seçilməyə və seçməyə kim gedəcək?! Ona görə də nə qədər vaxt var, bələdiyyə sistemində köklü və əsaslı islahatalar aparmaq labüddür. Bələdiyyələrin sayı birləşmə yolu ilə azaldılmalıdır". Ədliyyə nazirinin müavini Vilayət Zahirov "Bələdiyyələrin fəaliyyətinə inzibati nəzarəti həyata keçirən orqanın illik məruzəsi" ilə bağlı səsləndirilən təkliflərə cavabında deyib ki, bələdiyyələrlə bağlı dəyişikliklərin edilməsi üçün Milli Məclisin Regional məsələlər komitəsi müəyyən qanun layihələri hazırlaya bilər. Çünki parlament qanunverici orqan olduğundan buna səlahiyyəti var. Ədliyyə Nazirliyi olaraq biz də lazımi köməklikləri göstərməyə hazırıq. Nazir müavini xatırladıb ki, bələdiyyələrin və üzvlərinin sayının azaldılması qüvvədə olan qanunvericiliyə uyğun həll edilir: "Bələdiyyələrin səlahiyyətləri də konstitusiyaya uyğun tənzimlənir. Dəyişiklik istəyiriksə, mütləq şəkildə konstitusiyaya yenidən baxılmalıdır. Bələdiyyə sədrləri və üzvlərinin iştirakı ilə görüşlərin keçirilməsi də mümkün ola bilər". Xatırladaq ki, "Bələdiyyələrin fəaliyyətinə inzibati nəzarəti həyata keçirən orqanın illik məruzəsi" dinlənilib. Məruzəni ədliyyə nazirinin müavini Vilayət Zahirov Milli Məclisin fevralın 24-də keçirilən plenar iclasında təqdim edib. Müzakirələrdən sonra məruzə qəbul edilib.
Sputnik Azərbaycan
media@sputniknews.com
+74956456601
MIA „Rossiya Segodnya“
2023
Xalid Məmmədov
https://cdnn1.img.sputnik.az/img/07e5/06/10/427232791_167:-1:1127:960_100x100_80_0_0_3163a67afe6eda2fe28ebb5d0ec95939.jpg
Xalid Məmmədov
https://cdnn1.img.sputnik.az/img/07e5/06/10/427232791_167:-1:1127:960_100x100_80_0_0_3163a67afe6eda2fe28ebb5d0ec95939.jpg
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rossiya Segodnya“
Sputnik Azərbaycan
media@sputniknews.com
+74956456601
MIA „Rossiya Segodnya“
Xalid Məmmədov
https://cdnn1.img.sputnik.az/img/07e5/06/10/427232791_167:-1:1127:960_100x100_80_0_0_3163a67afe6eda2fe28ebb5d0ec95939.jpg
bələdiyyə
Gənclər arasında sorğu keçirsək, heç kim bələdiyyədə işləmək istəməyəcək - deputat
Deputat xatırladıb ki, növbəti bələdiyyə seçkilərinə cəmi iki il qalıb. Ona görə də nə qədər vaxt var, bələdiyyə sistemində köklü və əsaslı islahatalar aparmaq labüddür.
BAKI, 24 fevral - Sputnik. "Bu gün gənclər arasında arzu etdikləri iş yerləri ilə bağlı sorğu keçirsək, aldığımız cavablar arasında əsasən xəstəxana, məktəb, polis, dövlət qulluğu və özəl sektor olacaq. Ancaq heç kim bələdiyyədə işləmək istəyirəm deməyəcək. Bax, cəmiyyətdə bələdiyyələrə qoyulan hörmət və nüfuz budur".
Bunu Milli Məclisin bu gün keçirilən iclasında "Bələdiyyələrin fəaliyyətinə inzibati nəzarəti həyata keçirən orqanın illik məruzəsi"nin müzakirəsi zamanı deputat Kamran Bayramov deyib.
Deputat xatırladıb ki, növbəti bələdiyyə seçkilərinə cəmi iki il qalıb: "Bu cür vəziyyətlə bələdiyyələrə seçilməyə və seçməyə kim gedəcək?! Ona görə də nə qədər vaxt var, bələdiyyə sistemində köklü və əsaslı islahatalar aparmaq labüddür. Bələdiyyələrin sayı birləşmə yolu ilə azaldılmalıdır".
Ədliyyə nazirinin müavini Vilayət Zahirov "Bələdiyyələrin fəaliyyətinə inzibati nəzarəti həyata keçirən orqanın illik məruzəsi" ilə bağlı səsləndirilən təkliflərə cavabında deyib ki, bələdiyyələrlə bağlı dəyişikliklərin edilməsi üçün Milli Məclisin Regional məsələlər komitəsi müəyyən qanun layihələri hazırlaya bilər. Çünki parlament qanunverici orqan olduğundan buna səlahiyyəti var. Ədliyyə Nazirliyi olaraq biz də lazımi köməklikləri göstərməyə hazırıq.
Nazir müavini xatırladıb ki, bələdiyyələrin və üzvlərinin sayının azaldılması qüvvədə olan qanunvericiliyə uyğun həll edilir: "Bələdiyyələrin səlahiyyətləri də konstitusiyaya uyğun tənzimlənir. Dəyişiklik istəyiriksə, mütləq şəkildə konstitusiyaya yenidən baxılmalıdır. Bələdiyyə sədrləri və üzvlərinin iştirakı ilə görüşlərin keçirilməsi də mümkün ola bilər".
Xatırladaq ki, "Bələdiyyələrin fəaliyyətinə inzibati nəzarəti həyata keçirən orqanın illik məruzəsi" dinlənilib. Məruzəni ədliyyə nazirinin müavini Vilayət Zahirov Milli Məclisin fevralın 24-də keçirilən plenar iclasında təqdim edib.
Müzakirələrdən sonra məruzə qəbul edilib.
