https://sputnik.az/20230217/media-subyektleri-vergilerden-azad-edilir-451869135.html
Media subyektləri vergilərdən azad edilir
Media subyektləri vergilərdən azad edilir
Sputnik Azərbaycan
Qanun layihəsini media subyektlərinə ən çox güzəşt tətbiq olunan vergi rejimlərindən biri kimi dəyərləndirən komitə sədri bildirib ki, bununla da Azərbaycan... 17.02.2023, Sputnik Azərbaycan
2023-02-17T14:51+0400
2023-02-17T14:51+0400
2023-02-17T14:56+0400
media
cəmiyyət
vergi məcəlləsi
dəyişiklik
https://cdnn1.img.sputnik.az/img/40938/13/409381362_0:0:2001:1125_1920x0_80_0_0_0c07a341edcbcd900c0cd5addc2f0b14.jpg
BAKI, 17 fevral - Sputnik. Milli Məclisin bu gün keçirilən iclasında Vergi Məcəlləsinə təklif edilən dəyişikliklərə baxılıb. Milli Məclisin İqtisadi siyasət, sənaye və sahibkarlıq komitəsinin sədri Tahir Mirkişili qanun layihəsi barədə məlumat verib. Bildirib ki, Prezidentin imzası ilə Milli Məclisə təqdim olunan qanun layihəsi media subyektlərinin vergidən azad olunması ilə bağlı müddəaları özündə ehtiva edir. Təqdim olunan qanun layihəsini media subyektlərinə ən çox güzəşt tətbiq olunan vergi rejimlərindən biri kimi dəyərləndirən komitə sədri bildirib ki, bununla da Azərbaycan media subyektlərini bütövlükdə vergilərdən azad edən ölkələrin sırasına yüksələcək.Belə ki, qanun layihəsinə əsasən, media subyektlərinin (audiovizual media subyektləri istisna olmaqla) öz fəaliyyətləri nəticəsində əldə etdikləri gəlirlərin, o cümlədən reklam gəlirlərinin, habelə onlara müvafiq dövlət qurumu tərəfindən verilən maddi yardımların gəlir vergisindən, mənfəət vergisindən və sadələşdirilmiş vergidən azad edilməsi təklif olunub. Eyni zamanda, media subyektləri tərəfindən istehsal olunan media məhsullarının təqdim edilməsi də əlavə dəyər vergisindən azad edilir. Azadolmalar 2023-cü il yanvarın 1-dən tətbiq olunmaqla 3 il müddətində qüvvədə olacaq. Dəyişikliklər səsə qoyularaq birinci oxunuşda qəbul edilib. Xatırladaq ki, Medianın İnkişafı Agentliyinin İcraçı direktoru Əhməd İsmayılov media subyektlərinə vergi güzəştlərinin tətbiq edilməsi ilə bağlı hazırlanan qanun layihəsini media sahəsində dövlət tərəfindən aparılan islahatların növbəti addımı kimi dəyərləndirib. O, Vergi Məcəlləsinə təklif edilən dəyişikliklərin media subyektlərinin iqtisadi müstəqilliyinin, çevikliyinin, maliyyə şəffaflığının, peşəkarlığının artırılmasına imkanlar yaradacağından danışıb. Deputatlar bildiriblər ki, qanun layihəsi dövlətimizin milli mediamıza kompleks dəstəyinin təzahürüdür. Onlar medianın vergidən azad olunmasının onun maliyyə dayanıqlığına ciddi dəstək olacağını qeyd ediblər.Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Sputnik Azərbaycan
media@sputniknews.com
+74956456601
MIA „Rossiya Segodnya“
2023
Xalid Məmmədov
https://cdnn1.img.sputnik.az/img/07e5/06/10/427232791_167:-1:1127:960_100x100_80_0_0_3163a67afe6eda2fe28ebb5d0ec95939.jpg
Xalid Məmmədov
https://cdnn1.img.sputnik.az/img/07e5/06/10/427232791_167:-1:1127:960_100x100_80_0_0_3163a67afe6eda2fe28ebb5d0ec95939.jpg
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rossiya Segodnya“
Sputnik Azərbaycan
media@sputniknews.com
+74956456601
MIA „Rossiya Segodnya“
Xalid Məmmədov
https://cdnn1.img.sputnik.az/img/07e5/06/10/427232791_167:-1:1127:960_100x100_80_0_0_3163a67afe6eda2fe28ebb5d0ec95939.jpg
media, vergi məcəlləsi, dəyişiklik
media, vergi məcəlləsi, dəyişiklik
Media subyektləri vergilərdən azad edilir
14:51 17.02.2023 (Yenilənib: 14:56 17.02.2023) Qanun layihəsini media subyektlərinə ən çox güzəşt tətbiq olunan vergi rejimlərindən biri kimi dəyərləndirən komitə sədri bildirib ki, bununla da Azərbaycan media subyektlərini bütövlükdə vergilərdən azad edən ölkələrin sırasına yüksələcək.
BAKI, 17 fevral - Sputnik. Milli Məclisin bu gün keçirilən iclasında Vergi Məcəlləsinə təklif edilən dəyişikliklərə baxılıb. Milli Məclisin İqtisadi siyasət, sənaye və sahibkarlıq komitəsinin sədri Tahir Mirkişili qanun layihəsi barədə məlumat verib. Bildirib ki, Prezidentin imzası ilə Milli Məclisə təqdim olunan qanun layihəsi media subyektlərinin vergidən azad olunması ilə bağlı müddəaları özündə ehtiva edir.
Təqdim olunan qanun layihəsini media subyektlərinə ən çox güzəşt tətbiq olunan vergi rejimlərindən biri kimi dəyərləndirən komitə sədri bildirib ki, bununla da Azərbaycan media subyektlərini bütövlükdə vergilərdən azad edən ölkələrin sırasına yüksələcək.
Belə ki, qanun layihəsinə əsasən, media subyektlərinin (audiovizual media subyektləri istisna olmaqla) öz fəaliyyətləri nəticəsində əldə etdikləri gəlirlərin, o cümlədən reklam gəlirlərinin, habelə onlara müvafiq dövlət qurumu tərəfindən verilən maddi yardımların gəlir vergisindən, mənfəət vergisindən və sadələşdirilmiş vergidən azad edilməsi təklif olunub. Eyni zamanda, media subyektləri tərəfindən istehsal olunan media məhsullarının təqdim edilməsi də əlavə dəyər vergisindən azad edilir. Azadolmalar 2023-cü il yanvarın 1-dən tətbiq olunmaqla 3 il müddətində qüvvədə olacaq.
Dəyişikliklər səsə qoyularaq birinci oxunuşda qəbul edilib.
Xatırladaq ki, Medianın İnkişafı Agentliyinin İcraçı direktoru Əhməd İsmayılov media subyektlərinə vergi güzəştlərinin tətbiq edilməsi ilə bağlı hazırlanan qanun layihəsini media sahəsində dövlət tərəfindən aparılan islahatların növbəti addımı kimi dəyərləndirib. O, Vergi Məcəlləsinə təklif edilən dəyişikliklərin media subyektlərinin iqtisadi müstəqilliyinin, çevikliyinin, maliyyə şəffaflığının, peşəkarlığının artırılmasına imkanlar yaradacağından danışıb.
Deputatlar bildiriblər ki, qanun layihəsi dövlətimizin milli mediamıza kompleks dəstəyinin təzahürüdür. Onlar medianın vergidən azad olunmasının onun maliyyə dayanıqlığına ciddi dəstək olacağını qeyd ediblər.
Digər maraqlı xəbərləri həmçinin Sputnik Azərbaycan-ın Teleqram kanalından izləyin. 
