https://sputnik.az/20230215/belediyyelerin-qanunsuz-ayirdigi-torpaq-saheleri-melum-olub---teferruat-451782855.html

Bələdiyyələrin qanunsuz ayırdığı torpaq sahələri məlum olub - TƏFƏRRÜAT

Bələdiyyələrin qanunsuz ayırdığı torpaq sahələri məlum olub - TƏFƏRRÜAT

Sputnik Azərbaycan

Bələdiyyə aktlarının ləğvi və dəyişdirilməsi nəticəsində onların mülkiyyətinə və ya sahibliyinə qaytarılmış torpaq sahələrinin 7.423 hektarını örüş sahələri... 15.02.2023, Sputnik Azərbaycan

2023-02-15T13:48+0400

2023-02-15T13:48+0400

2023-02-15T13:48+0400

bələdiyyə

cəmiyyət

https://cdnn1.img.sputnik.az/img/07e5/03/1e/426574802_0:0:3641:2048_1920x0_80_0_0_e5e4e0b88ecfe7342ff75a5b1818d4e2.jpg

BAKI, 15 fevral — Sputnik. 2022-ci ildə inzibati nəzarət tədbirləri çərçivəsində ümumilikdə 14 min hektar (ha) torpaq sahəsinin qanunsuz ayrılması ilə bağlı bələdiyyə aktlarının ləğv edilməsi məqsədilə Ədliyyə Nazirliyi tərəfindən bələdiyyələrə təklif və ya məhkəmələrə iddialar verilib. Bununla bağlı Milli Məclisin Regional məsələlər komitəsinin bu gün keçirilən iclasında müzakirə edilən "Bələdiyyələrin fəaliyyətinə inzibati nəzarətin həyata keçirilməsi ilə bağlı 2022-ci il üzrə məruzə"də qeyd edilib. Nəticədə 1.045 ha torpaq sahəsinin mülkiyyətə, 12.043 ha torpaq sahəsinin icarəyə, 1 ha torpaq sahəsinin isə istifadəyə verilməsi haqqında qanunsuz qərarlar ləğv edilib, bütövlükdə 13.089 ha (2021-ci illə müqayisədə 44% çox) torpaq sahəsinin bələdiyyə mülkiyyətinə və ya sahibliyinə qaytarılması təmin edilib. 911 ha torpaq sahəsi ilə bağlı təklif və iddialar isə baxılmaqdadır. Bələdiyyə aktlarının ləğvi və dəyişdirilməsi nəticəsində onların mülkiyyətinə və ya sahibliyinə qaytarılmış torpaq sahələrinin 7.423 hektarını örüş sahələri təşkil edir. Əvvəlki dövrlərdə icarəyə verilmiş torpaqların icarə haqlarının bazar qiymətlərinə uyğunlaşdırılması üzrə bələdiyyələrlə metodoloji iş davam etdirilib. Nəticədə 2022-ci ildə 167 bələdiyyənin ümumilikdə 15 min hektardan çox torpaq sahəsini əhatə edən 1.836 icarə müqaviləsində icarə haqqı təqribən 552 min manat (1,8 dəfə) artıb. Ümumilikdə 2021-ci və 2022-ci illərdə 457 bələdiyyə üzrə 3.906 icarə müqaviləsində (34 min ha torpaq sahəsini əhatə edir) icarə haqlarının artımı 1,5 milyon manata yaxın (2 dəfə) təşkil edib. İl ərzində torpaq icarə haqlarından əvvəlki illər üzrə yaranmış debitor borcların 2 milyon manatdan çox hissəsinin yerli büdcələrə ödənilməsi təmin edilib. Bələdiyyələrlə bağlı 12 cinayət işi başlanılıb İl ərzində yerli büdcə vəsaitlərinin səmərəli istifadə olunması, bələdiyyə əmlakının (o cümlədən torpaqların) idarə edilməsi sahəsində qanunçuluğun və şəffaflığın təmin edilməsi, korrupsiyaya və digər hüquqpozmalara şərait yaradan halların qarşısının alınması üzrə inzibati nəzarət qaydasında tədbirlər görülüb. Qeyd olunub ki, bu məqsədlə aparılan araşdırmalar zamanı 27 halda ciddi qanun pozuntuları aşkar edilərək toplanmış sənədlər hüquqi qiymət verilməsi üçün aidiyyəti üzrə istintaq orqanlarına göndərilmiş, həmin materiallardan 12-si üzrə cinayət işi başlanılıb.

2023

xəbərlər

ru_AZ

bələdiyyə