https://sputnik.az/20230208/bolgede-zelzelelerin-davam-edeceyi-gozlenilir---akademik-451529859.html

Bölgədə zəlzələlərin davam edəcəyi gözlənilir - Akademik

Bölgədə zəlzələlərin davam edəcəyi gözlənilir - Akademik

Sputnik Azərbaycan

Alimin sözlərinə görə, Afrika plitəsinin aktivləşməsi ərəb plitəsinin də aktivləşməsinə səbəb olub. 08.02.2023, Sputnik Azərbaycan

2023-02-08T12:27+0400

2023-02-08T12:27+0400

2023-02-08T12:27+0400

zəlzələ

cəmiyyət

türkiyə

akademik

https://cdnn1.img.sputnik.az/img/40663/60/406636043_0:271:3500:2240_1920x0_80_0_0_2c827f343c8f388a13adbf38b6c9c4bd.jpg

BAKI, 8 fevral — Sputnik. "Son 20 ildə yer aktivlik dövrünü yaşayır". Bunu akademik Fəxrəddin Qədirov Elm və Təhsil Nazirliyinin Geologiya və Geofizika İnstitutunda Türkiyədə baş vermiş şiddətli zəlzələ ilə bağlı ümumrespublika elmi seminarında deyib. Onun sözlərinə görə, Afrika plitəsinin aktivləşməsi ərəb plitəsinin də aktivləşməsinə səbəb olub: "Nəticədə də biz, bölgədə belə zəlzələlərin şahidi oluruq və görünür ki, hələ davam edəcək. Türkiyədə baş verən zəlzələlərdən sonra afterşoklar hələ də davam edir. Düzdür, zəlzələnin baş verəcəyi vaxtı poqnozlaşdırmaq mümkün deyil, amma onunla yaşamağı öyrənməliyik. Hesab edirik ki, Xoyda olan zəlzələ də Ərəb plitəsindəki aktivləşmənin nəticəsi idi". Xatırladaq ki, Türkiyədə güclü zəlzələ nəticəsində ölənlərin sayı 6 min 234 nəfərə çatıb. Bu barədə Türkiyənin Fövqəladə Halların İdarə Olunması Agentliyi (AFAD) məlumat yayıb. Təbii fəlakət nəticəsində 37011 nəfər yaralanıb. Fevralın 6-da yerli vaxtla saat 04:17-də Türkiyənin Kahramanmaraş vilayətinin Pazarcık rayonunda 7,7 bal, saat 13:24-də isə Elbistan rayonunda 7,6 bal gücündə iki zəlzələ baş verib. Fevralın 7-də Adıyaman şəhərinin Gölbaşı rayonunda 5,3 bal gücündə daha bir zəlzələ olub. Dərinliyi 7 kilometr olan zəlzələ 10 vilayətdə ciddi dağıntılara səbəb olub. Türkiyə Prezidenti Rəcəb Tayyib Ərdoğan ölənlərin xatirəsini anmaq üçün ölkədə 7 günlük matəm elan edib.

2023

xəbərlər

ru_AZ

zəlzələ, türkiyə, akademik