https://sputnik.az/20230208/bezi-gomruk-rusumlarindan-imtina-azerbaycanin-iqtisadiyyatina-nece-komek-edecek-451539987.html

Bəzi gömrük rüsumlarından imtina Azərbaycanın iqtisadiyyatına necə kömək edəcək

Bəzi gömrük rüsumlarından imtina Azərbaycanın iqtisadiyyatına necə kömək edəcək

Sputnik Azərbaycan

Baş Nazir Əli Əsədovun fərmanına əsasən, Azərbaycanda gömrük rüsumundan azad olan idxal məhsullarının siyahısı genişləndirilib. 08.02.2023, Sputnik Azərbaycan

2023-02-08T20:43+0400

2023-02-08T20:43+0400

2023-02-08T20:43+0400

gömrük

iqtisadiyyat

rüsum

azərbaycan

https://cdnn1.img.sputnik.az/img/41899/82/418998265_0:53:1201:728_1920x0_80_0_0_9364ba71f73c1dffcd4b523b68658c08.jpg

BAKI, 8 fevral — Sputnik. Azərbaycan gömrük rüsumundan azad olan idxal məhsullarının siyahısını genişləndirib. Baş Nazir Əli Əsədovun fərmanına əsasən, bu siyahıya Azərbaycan Respublikasının Silahlı Qüvvələrinin tərkibində fəaliyyət göstərən qurumlar və Azərbaycan Respublikasının üzv olduğu beynəlxalq konvensiyalar tərəfindən bağlanmış müqavilələr əsasında hərbi təyinatlı malların idxalı, dövlət müdafiə sifarişləri əsasında hərbi təyinatlı malların təmiri üçün müvəqqəti ixrac və idxal əməliyyatları daxildir. Bundan əvvəl hökumət bəzi ərzaq məhsullarını, sənaye xammalının növlərini, elektromobilləri, işğaldan azad edilmiş ərazilərin yenidən qurulması və bərpasında istifadə olunacaq bir sıra məhsulları gömrük rüsumlarından azad edib. Soğandan tutmuş maşınlara qədər Qlobal inflyasiyanın sürətləndiyi şəraitdə qıtlığın qarşısını almaq üçün idxal olunan mallar gömrük rüsumlarından azad edilib. Belə ki, məsələn, soğanın qiyməti bir ildən az müddətdə, təxminən, bir yarım dəfə bahalaşdıqdan sonra Nazirlər Kabineti bu məhsulları 2023-cü il mayın 1-dək gömrük rüsumlarından azad edib. Bundan başqa, bu ilin sonuna kimi Azərbaycanda quş ətinin idxalına güzəştli gömrük tarifi tətbiq edilib. Gömrük güzəştləri eyni zamanda, üzüm, alma, armud və xiyar kimi mallara da şamil edilir. Azərbaycan hökuməti əvvəllər də idxal olunan buğda, un, dənli bitkilər və digər məhsulların maya dəyərinin qalxdığı bir vaxtda gömrük rüsumlarını azaldıb və ya ləğv edib. İqtisadiyyatı "yaşıllaşdırmaq" üçün rüsumlardan imtina Karbon tullantılarına qarşı mübarizə və Azərbaycan iqtisadiyyatının tədricən "yaşıllaşdırılması" çərçivəsində Nazirlər Kabineti buraxılışından üç ildən çox vaxt keçməyən elektrik nəqliyyat vasitələrinin idxalına gömrük rüsumunun ləğv edilməsi haqqında da qərar verib. "Azərbaycan Respublikasının xarici iqtisadi fəaliyyətin mal nomenklaturası"nda edilən dəyişikliyə uyğun olaraq, elektromobillər üçün yükləyici qurğuların idxalı da rüsumlardan azad edilib. Bundan əlavə, Azərbaycanda bərpa olunan enerji sahəsində potensialın yaradılması layihələri üçün vergi güzəştlərinin tətbiqi imkanları nəzərdən keçirilir. Qarabağın bərpası Azərbaycanda da işğaldan azad edilmiş ərazilərdə infrastrukturun bərpası və yenidən qurulması layihələri ilə bağlı gömrük rüsumlarının azaldılması və bəzi hallarda ləğv edilməsi siyasəti həyata keçirilir. Belə ki, Azərbaycan Prezidenti İlham Əliyev 2023-cü ilin yanvarında "Gömrük tarifi haqqında" qanuna dəyişiklikləri təsdiqləyib, buna əsasən azad edilmiş ərazilərdə fəaliyyət üçün xammal, material və mallar gömrük rüsumlarından azad edilib. Bundan başqa, Azərbaycanın işğaldan azad edilmiş ərazilərində fəaliyyət göstərən sənaye parklarının rezidentləri ilə bağlı qanunvericiliyə dəyişikliklər edilib. Belə ki, dəyişikliyə əsasən, rezidentlər 10 il müddətinə texnoloji avadanlıq, maşın, xammal və materialların idxalı zamanı gömrük rüsumlarından azad edilir. Ayrı bir fərmanla Füzuli, Laçın və Zəngilan beynəlxalq hava limanlarının tikintisi üçün idxal olunan mallar 2024-cü il yanvarın 1-dək gömrük rüsumundan azad edilib.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

azərbaycan

2023

xəbərlər

ru_AZ

gömrük, rüsum, azərbaycan