DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

Pərviz Müşərrəf 79 yaşında vəfat edib

© Sputnik / Сергей ВеличкинPərviz Müşərrəf
Pərviz Müşərrəf  - Sputnik Azərbaycan, 1920, 05.02.2023
Abunə olmaq
2016-cı ilin martında müalicə üçün xaricə gedən keçmiş prezident həmin vaxtdan etibarən Dubayda yaşayıb.
BAKI, 5 fevral - Sputnik. Pakistanın keçmiş prezidenti Pərviz Müşərrəf uzun sürən xəstəlikdən sonra bazar günü 79 yaşında Dubayda xəstəxanada vəfat edib. Bu barədə RİA Novosti "Geo News" telekanalına istinadən xəbər verir.
Müşərrəf orqanizmdə maddələr mübadiləsinin uğursuz olduğu amiloidoz xəstəliyinin ağırlaşması üzündən xəstəxanada müalicə olunub.
Pakistanın keçmiş prezidenti Pərviz Müşərrəf 1943-cü il avqustun 11-də Hindistanın Dehli şəhərində, o vaxt Britaniya koloniyasında anadan olub. 1947-ci ildə Pakistanın ayrılmasından sonra ailəsi ilə birlikdə Karaçi şəhərinə köçüb
1965 və 1971-ci illərdə Hind-Pakistan münaqişələrində iştirak edib. 1991-ci ildə general rütbəsi alıb, 1998-ci ildə baş qərargaha rəhbərlik edib, sonra Pakistan Birləşmiş Qərargah Rəisləri Komitəsinin sədri və Pakistan ordusunun baş komandanı olub.
1999-cu il oktyabrın 12-də Pərviz Müşərrəf qansız dövlət çevrilişi və Pakistanın baş naziri Nəvaz Şərifin devrilməsi ilə hakimiyyətə gəlib. Həmin il oktyabrın 14-də Pakistanda fövqəladə vəziyyət elan edildi, Parlament və Milli Assambleya buraxıldı, Konstitusiyanın fəaliyyəti dayandırıldı. General Müşərrəf icra hakimiyyətinin başçısı elan edilib.
2001-ci ilin iyununda o, baş icraçı və Silahlı Qüvvələr vəzifələrini saxlayaraq, beş il müddətinə Pakistan Prezidentinin səlahiyyətlərini icra edib.
2002-ci ilin aprelində Pakistanda ümumxalq referendumu keçirilib və nəticədə Müşərrəf daha beş il vəzifədə qalmaq imkanı qazanıb. Müşərrəfin Pakistan prezidenti elan edilməsi generalı prezident postunu ordunun baş komandanı vəzifəsi ilə birləşdirməyi qadağan edən konstitusiyanı pozmaqda ittiham edən Pakistan Xalq Partiyasının lideri Bənazir Bhuttonun etirazına səbəb olub.
Konstitusiyanın bu maddəsi növbəti seçkilərə qədər dondurulmuş, Müşərrəf 2004-cü ildə ali baş komandanlıqdan istefa verəcəyini vəd edib, lakin vədini yerinə yetirməyib.
2007-ci ilin oktyabrında Pərviz Müşərrəf prezident seçkilərində qalib gəlib. Lakin o, mülki və hərbi postları birləşdirməyə davam etdiyi üçün Ali Məhkəmə onun prezidentliyinin legitimliyini təsdiqləməyib.
Bir ay sonra Müşərrəfin əmri ilə Pakistanda fövqəladə vəziyyət tətbiq olunub. Artan terror təhlükələrini əsas gətirərək konstitusiyanın fəaliyyətini dayandırıb, Ali Məhkəmənin hakimlərini dəyişib.
Ali Məhkəmənin yeni üzvləri onu prezident kimi tanıyıblar. 2007-ci il noyabrın sonunda Müşərrəf hərbi vəzifəsini tərk etdi və ertəsi gün mülki şəxs kimi and içdi, dekabrın ortalarında fövqəladə vəziyyəti ləğv edib.
2008-ci ilin fevralında keçirilən parlament seçkilərində Müşərrəfin güvəndiyi Pakistan Müsəlman Liqası (PML-K) Pakistan Xalq Partiyası (PXP) və Pakistan Müsəlman Liqasından (keçmiş baş nazir Nəvaz Şərif, PML) sonra üçüncü yeri tutub.
2008-ci il avqustun əvvəlində hakim koalisiya ciddi konstitusiya pozuntularını əsas gətirərək Müşərrəf əleyhinə impiçment proseduruna başlayıb. 2008-ci il avqustun 18-də Müşərrəf impiçment təhdidi altında istefa verməyə məcbur oldu və bundan sonra Böyük Britaniyaya mühacirət edib.
2009-cu ildə Müşərrəf Pakistanda 60-dan çox hakimin, o cümlədən 2007-ci ildə fövqəladə vəziyyət zamanı Ali Məhkəmənin sədrinin qanunsuz həbsində ittiham olunub. 2011-ci ildə Pakistan Federal Təhqiqat Agentliyi Pərviz Müşərrəfin adını 2007-ci ilin dekabrında Ravalpindi şəhərində seçki mitinqində ölən Bənazir Bhuttonun qətlində əli olmaqda ittiham olunan şəxslərin siyahısına əlavə edib. Daha sonra kamikadzenin törətdiyi partlayış nəticəsində Bənazir və daha 26 nəfər həlak olub, 90-dan çox insan yaralanıb.
2013-cü ilin martında Müşərrəf məhkəmənin təyin etdiyi girovu ödəyərək Pakistana qayıtdı, lakin artıq aprel ayında həbsxanaya salınıb, məhkəmə həm də onun həm milli, həm də regional səviyyədə qanunvericilik məclislərinə namizədliyini qadağan edib.
2014-cü ilin martında Müşərrəfə qarşı rəsmi ittiham irəli sürülüb. İttihamnaməyə görə, Müşərrəf 2007-ci ildə fövqəladə vəziyyət elan edərkən və Ali Məhkəmənin hakimlərinin həbsinə göstəriş verərkən dövlətə xəyanət edib.
Pakistan qanunlarına görə, dövlətə xəyanət ölüm və ya ömürlük həbslə cəzalandırılır. 2016-cı ilin martında məhkəmə Müşərrəfin müalicə üçün xaricə getməsinə icazə verib, bundan sonra eks-prezident Pakistanı tərk edərək BƏƏ-yə uçub. Həmin vaxtdan etibarən Müşərrəf Dubayda yaşayıb və müstəntiqlərin fikrincə, o, ona qarşı açılmış cinayət işi üzrə ədalətdən yayınıb.
Xəbər lenti
0